လံာ်သိၣ်လီၤသီလီၤတၢ် 12:27 - Sgaw Karen Common Bible

²⁷ တၢ်လုၢ်တၢ်ပာ်တဖၣ်လၢကဘၣ်တၢ်ဆိၣ်ကဲၤအီၤဒီဒုလၢယွၤအတၢ်လုၢ် လီၢ်အဖီခိၣ်န့ၣ်, လုၢ်ထီၣ်အီၤဖဲန့ၣ်တက့ၢ်. လုၢ်ထီၣ်စ့ၢ်ကီးတၢ်လုၢ်တၢ်ပာ်တဖၣ်လၢသုအီၣ်အညၣ်, ဒီးလူလီၤကွံာ်အသွံၣ်လၢတၢ်လုၢ်လီၢ်အဖီခိၣ်တက့ၢ်.

လံာ်သိၣ်လီၤသီလီၤတၢ် 12:27 Iomraidhean Croise

လံာ်ယံးရမံယၤ 7:21

ယပှၤဂီၢ်မုၢ်သ့ၣ်ဧၢ, တၢ်လုၢ်တၢ်ပာ်တနီၤန့ၣ်သုဒွဲၣ်အူကွံာ် အီၤလၢာ်လၢာ်ဆ့ဆ့လၢတၢ်လုၢ်လီၢ်အဖီခိၣ်, ဒီးတနီၤန့ၣ်တၢ်ပျဲ သုလၢသုကအီၣ်အဂီၢ်န့ၣ်လီၤ. မ့မ့ၢ်တၢ်လၢယၤ, ယွၤစံးန့ၣ်, မ့ၢ်ဝဲ, ဂ့ၤတက့ၢ်သုအီၣ်ကွံာ်အီၤခဲလၢာ်တခီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:5

ဒီးကဘၣ်မၤသံဂီၤဖံးဖါဖဲန့ၣ်, ဒီးပှၤလုၢ်တၢ်အခိၣ်လၢအလီၤစၢၤလီၤသွဲၣ် လၢစီၤအၤဟရိၣ်တဖၣ်ကလုၢ်ထီၣ်တၢ်သွံၣ်ဆူယွၤအအိၣ်ဒီးလူ လီၤတၢ်သွံၣ်ဝးတရံးတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါထီၣ် ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:11

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အ ပူၤလီၤ. မၤသးဒ်န့ၣ်ဒီး, ယွၤမၤလိာ်ဝဲလၢတၢ်သွံၣ်ခဲလၢာ်ကဘၣ်တၢ်လူ လီၤအီၤလၢတၢ်လုၢ်လီၢ်အဖီခိၣ်လၢတၢ်တြူာ်ကွံာ်ပှၤဂီၢ်မုၢ်အတၢ် ဒဲဘးတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:1

ပှၤတဂၤလၢ်လၢ်မ့ၢ်လုၢ်ထီၣ်အဂီၤဖံးဒ်တၢ်လုၢ်မၤဃူမၤဖိးအသိးန့ၣ်, ကဘၣ်မ့ၢ်ဂီၤဖံးအဖါတဒုမ့တမ့ၢ်အမိၢ်တဒုလၢအတအိၣ်ဒီးမဲၣ်သူ မဲၣ်ဂီၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:30

ဒီးပှၤလုၢ်တၢ်အခိၣ်ကဘၣ်ဟံးန့ၢ်ဆၣ်ဖိကီၢ်ဖိတဒုန့ၣ်အသွံၣ်လၢ အစုမုၢ်ဒီးပာ်လီၤအီၤလၢတၢ်လုၢ်မၤဘူၣ်လၢမ့ၣ်အူအလီၢ်အနၢၤ တဖၣ်အလိၤလီၤ. ဒီးတၢ်သွံၣ်အိၣ်လီၤတဲာ်တဖၣ်န့ၣ်ကဘၣ်လူ လီၤဝဲဖဲတၢ်လုၢ်လီၢ်န့ၣ်အခီၣ်ထံးန့ၣ်လီၤ.