လံာ်သိၣ်လီၤသီလီၤတၢ် 12:22 - Sgaw Karen Common Bible

²² ပှၤတဂၤဂ့ၤတဂၤဂ့ၤလၢအကဆှီဝဲဒ်တၢ်ဘူၣ်တၢ်ဘါအလုၢ်အလၢ်မ့ၢ်ဂ့ၤ တကဆှီဘၣ်မ့ၢ်ဂ့ၤ, ကအီၣ်တၢ်ညၣ်န့ၣ်ဒ်သိးဒၣ်အအီၣ်တၤဃီၤဒီးတၤယုၢ်အညၣ်အသိးန့ၣ်လီၤ.

လံာ်သိၣ်လီၤသီလီၤတၢ် 12:22 Iomraidhean Croise

လံာ်သိၣ်လီၤသီလီၤတၢ် 12:21

တၢ်လီၢ်တတီၤလၢတၢ်ဘူၣ်ထီၣ်ဘါထီၣ်အဂီၢ်မ့ၢ်ယံၤကဲၣ်ဆိးဒီး, အန့ၣ်တစုတဘျီလၢ်လၢ်ဖဲသုအဲၣ်ဒိးန့ၣ်, သုမၤသံ သုဂီၤဘုၣ်ဂီၤဖံးမ့တမ့ၢ်သိတဒုလၢ်လၢ်လၢယွၤဟ့ၣ်သုသ့ဝဲ ဒီးသုကအီၣ်အီၤလၢသုဟံၣ်ဒၣ်သုဝဲဒ်ယစံးဘၣ်တ့ၢ်သုအသိးန့ၣ်လီၤ.

လံာ်သိၣ်လီၤသီလီၤတၢ် 12:23

ထဲတမံၤန့ၣ်, တၢ်ညၣ်လၢအအိၣ်ဒံးဒီးတၢ်သွံၣ်လၢအပူၤန့ၣ်တဘၣ်အီၣ်အီၤတဂ့ၤ. အဂ့ၢ်ဒ်အံၤ, တၢ်မူအိၣ်ဒံးဝဲဒၣ်လၢတၢ်သွံၣ်အပူၤဒီးနတဘၣ်အီၣ် တၢ်ညၣ်လၢအအိၣ်ဒီးတၢ်မူန့ၣ်ဘၣ်.

လံာ်သိၣ်လီၤသီလီၤတၢ် 14:5

တၤယုၢ်, တၤဟိစဘံ, တၤယုၢ်ဃးဃမိၢ်, မဲာ်တဲးလဲးအမံၤ, တၤဖးဒံၡိၣ်, တၤဖးသအိမံၤ, ဒီးတၤဖးစမ့ၢ်တဖၣ်,

လံာ်သိၣ်လီၤသီလီၤတၢ် 15:22

သုကဘၣ်အီၣ်ဆၣ်ဖိကီၢ်ဖိဒ်န့ၣ်အသိးလၢသုဟံၣ်ပူၤလီၤ. ကယဲၢ်သုဝဲခဲလၢာ်လၢအကဆှီဝဲဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲ အသိးမ့ၢ်ဂ့ၤ, တကဆှီမ့ၢ်ဂ့ၤန့ၣ်, ကဘၣ်အီၣ်အီၤဒ်သိးဒၣ်အအီၣ်တၤဃီၤဒီးတၤယုၢ်အသိးန့ၣ်လီၤ.