လံာ်သိၣ်လီၤသီလီၤတၢ် 12:21 - Sgaw Karen Common Bible

²¹ တၢ်လီၢ်တတီၤလၢတၢ်ဘူၣ်ထီၣ်ဘါထီၣ်အဂီၢ်မ့ၢ်ယံၤကဲၣ်ဆိးဒီး, အန့ၣ်တစုတဘျီလၢ်လၢ်ဖဲသုအဲၣ်ဒိးန့ၣ်, သုမၤသံ သုဂီၤဘုၣ်ဂီၤဖံးမ့တမ့ၢ်သိတဒုလၢ်လၢ်လၢယွၤဟ့ၣ်သုသ့ဝဲ ဒီးသုကအီၣ်အီၤလၢသုဟံၣ်ဒၣ်သုဝဲဒ်ယစံးဘၣ်တ့ၢ်သုအသိးန့ၣ်လီၤ.

လံာ်သိၣ်လီၤသီလီၤတၢ် 12:21 Iomraidhean Croise

လံာ်စီၤပၤအခီၣ်ထံးတဘ့ၣ် 14:21

စီၤၡလိၤမိၤအဖိခွါစီၤရဃၤဘၣ်ကဲထီၣ်ကီၢ်ယူဒၤအစီၤပၤဖဲ အသးအိၣ်လွံၢ်ဆံတနံၣ်, ဒီးအဝဲပၢတၢ်တဆံနွံနံၣ်လၢဝ့ၢ်ယရူၤ ၡလ့ၣ်အပူၤ, ဝ့ၢ်တဝ့ၢ်လၢယွၤဃုထၢတ့ၢ်ဒ်တၢ်လီၢ်တတီၤဖဲအဝဲကဘၣ်တၢ်ဘူၣ် ထီၣ်ဘါထီၣ်အီၤလၢကယဲၢ်ကီၢ်အံၣ်စရ့လးအလီၢ်ကဝီၤခဲလၢာ်အကျါ န့ၣ်လီၤ. စီၤရဃၤဘၣ်အမိၢ်မ့ၢ်ဝဲနီၢ်နၤဧမၤလၢကီၢ်ဧၣ်မိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:13

စီၤရဃၤဘၣ်ပၢတ့ၢ်တၢ်လၢဝ့ၢ်ယရူၤရှလ့ၣ်အပူၤဒီးမၤဆူၣ်ထီၣ် အစိကမီၤဒ်စီၤပၤအသိးန့ၣ်လီၤ. ဖဲအဝဲကဲထီၣ်စီၤပၤန့ၣ်အသးအိၣ်ဝဲလွံၢ်ဆံတနံၣ်, ဒီးပၢတၢ်တဆံနွံနံၣ်လၢဝ့ၢ်ယရူၤရှလ့ၣ်, ဝ့ၢ်လၢယွၤဃုထၢတ့ၢ်ဝဲလၢကယဲၢ်အံၣ်စရ့လးအလီၢ်ကဝီၤအပူၤဒ် တၢ်လီၢ်တတီၤလၢအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်န့ၣ်လီၤ. စီၤရဃၤဘၣ်အမိၢ်န့ၣ်မ့ၢ်နီၢ်နၤဧမၤ, ပှၤလၢကီၢ်ဧၣ်မိၣ်န့ၣ်လီၤ.

လံာ်စီၤဧ့စြၤ 6:12

မ်စီၤပၤတဂၤလၢ်လၢ်မ့ၢ်ဂ့ၤ, ပှၤတကလုာ်လၢ်လၢ်မ့ၢ်ဂ့ၤ, လၢအခီၣ်ဆၢတၢ်မၤလိာ်အံၤဒီးဂုာ်ကျဲးစၢးလၢကမၤဟးဂီၤတၢ် လုၢ်ဟံၣ်ဖဲန့ၣ်, ဘၣ်တၢ်တ့ၢ်လီၤကွံာ်အီၤလၢကစၢ်ယွၤလၢအဃုထၢဝ့ၢ်ယရူၤၡလ့ၣ်ဒ် တၢ်လီၢ်ဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်တက့ၢ်. ယၤ, စီၤဒၤရယါဝ့ၣ်ဟ့ၣ်လီၤလံတၢ်ကလုၢ်အံၤလီၤ. တၢ်အံၤတၢ်ကဘၣ်စူၢ်အီၤလၢလၢပှဲၤပှဲၤန့ၣ်လီၤ.”

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:15

ဘၣ်ဆၣ်ဒီးသုအိၣ်ဒီးတၢ်သဘျ့လၢသုကမၤသံဒီးအီၣ်သု ဆၣ်ဖိကီၢ်ဖိတဖၣ်ဖဲသုအိၣ်သုဆိးတပူၤလၢ်လၢ်န့ၣ်လီၤ. သုကအီၣ်ဘၣ်အီၤအါထဲသိးယွၤဟ့ၣ်သုန့ၣ်လီၤ. သုဝဲခဲလၢာ်, ဒ်တၢ်ဘူၣ်တၢ်ဘါအလုၢ်အလၢ်အသိးပှၤကဆှီမ့ၢ်ဂ့ၤ, ပှၤတကဆှီဘၣ်မ့ၢ်ဂ့ၤကအီၣ်အီၤဒ်သိးဒၣ်သုကအီၣ်တၤဃီၤမ့ၢ်ဂ့ၤ, တၤယုၢ်မ့ၢ်ဂ့ၤအညၣ်န့ၣ်လီၤ.

လံာ်သိၣ်လီၤသီလီၤတၢ် 12:20

တုၤယွၤသုကစၢ်ယွၤမၤလဲၢ်ထီၣ်သုလီၢ်ကဝီၤ, ဒ်အဝဲအအၢၣ်လီၤတ့ၢ်အသိးန့ၣ်ဒီး, သုကအီၣ်ဘၣ်တၢ်ညၣ်တဘျီလၢ်လၢ် ဖဲသုအဲၣ်ဒိးအီၤန့ၣ်လီၤ.

လံာ်သိၣ်လီၤသီလီၤတၢ် 12:22

ပှၤတဂၤဂ့ၤတဂၤဂ့ၤလၢအကဆှီဝဲဒ်တၢ်ဘူၣ်တၢ်ဘါအလုၢ်အလၢ်မ့ၢ်ဂ့ၤ တကဆှီဘၣ်မ့ၢ်ဂ့ၤ, ကအီၣ်တၢ်ညၣ်န့ၣ်ဒ်သိးဒၣ်အအီၣ်တၤဃီၤဒီးတၤယုၢ်အညၣ်အသိးန့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်သိၣ်လီၤသီလီၤတၢ် 16:11

သူၣ်ခုသးခုလၢအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတ ဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢသုဝ့ၢ်တဖၣ်ပူၤန့ၣ်တက့ၢ်. မၤတၢ်အံၤဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တက့ၢ်.

လံာ်သိၣ်လီၤသီလီၤတၢ် 16:6

မၤအီၤဖဲမုၢ်လီၤနုာ်အကတီၢ်, တကတီၢ်ဃီဖဲမုၢ်တနံၤလၢသုဟး ထီၣ်တ့ၢ်လၢကီၢ်အဲၤကူပတူးအပူၤန့ၣ်တက့ၢ်.

လံာ်သိၣ်လီၤသီလီၤတၢ် 26:2

သုဝဲကိးဂၤဒဲးသုကဘၣ်ဒၢနုာ်သုတၤသူတၤသၣ်လၢသုထၢဖှိၣ် က့ၤအီၤအခီၣ်ထံးတပူန့ၣ်ဆူနာ်တဖျၢၣ်အပူၤဒီးလဲၤစိာ်အီၤဆူ တၢ်ဘူၣ်ထီၣ်ဘါထီၣ်အလီၢ်တတီၤန့ၣ်လီၤ.