လံာ်သိၣ်လီၤသီလီၤတၢ် 12:18 - Sgaw Karen Common Bible

¹⁸ သုဝဲဒၣ်ဒီးသုဖိတဖၣ်, ဃုာ်ဒီးသုကုၢ်သုပှၤတဖၣ်ဒီးပှၤလ့ၤ ဝံဖိတဖၣ်လၢအအိၣ်ဆိးလၢသုဝ့ၢ်တဖၣ်အပူၤန့ၣ်ကဘၣ်အီၣ်တၢ်လုၢ်တဖၣ် အံၤထဲဒၣ်လၢယွၤသုကစၢ်ယွၤအမဲာ်ညါလၢတၢ်ဘူၣ်ထီၣ်ဘါထီၣ် အလီၢ်တတီၤလၢအဘၣ်တၢ်ဃုထၢအီၤလၢယွၤသုကစၢ်ယွၤန့ၣ်လီၤ. ဒီးသုကဘၣ်သူၣ်ဖှံသးညီဖဲန့ၣ်လၢကယဲၢ်တၢ်လၢသုမၤတ့ၢ်အီၤ အဃိန့ၣ်လီၤ.

လံာ်သိၣ်လီၤသီလီၤတၢ် 12:18 Iomraidhean Croise

စံးထီၣ်ပတြၢၤ 32:11

သုဝဲပှၤတီပှၤလိၤသ့ၣ်ဧၢ, သးခုဒီးသူၣ်ဖှံသးညီ လၢတၢ်လၢယွၤမၤတ့ၢ်အဃိန့ၣ်တက့ၢ်. သုဝဲပှၤလၢအဒိကနၣ်အီၤသ့ၣ်ဧၢ, ကိးထီၣ်လၢတၢ်သူၣ်ခုသးခုအဃိန့ၣ်တက့ၢ်.

စံးထီၣ်ပတြၢၤ 68:3

မ့မ့ၢ်ပှၤတီပှၤလိၤန့ၣ်မ်အသးခုတက့ၢ်. မ်အဝဲသ့ၣ်သူၣ်ဖှံသးညီလၢကစၢ်ယွၤ အမဲာ်ညါတက့ၢ်. မ်အဝဲသ့ၣ်ကိးထီၣ်လၢတၢ်သးခုန့ၣ်တက့ၢ်.

တၢ်ကတိၤဒိ. 3:17

တၢ်ကူၣ်သ့မၤမုာ်မၤခုၣ်နတၢ်အိၣ်မူ, ဒီးဆှၢနၤလၢကျဲမုာ် ကျဲခုၣ်သ့ဝဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:12

အဃိဒီးယထံၣ်သ့ၣ်ညါတ့ၢ်လၢတၢ်ခဲလၢာ်လၢပမၤသ့န့ၣ်မ့ၢ်ဒၣ် ပကအိၣ်ဒီးတၢ်သူၣ်ဖှံသးညီဒီးမၤတၢ်အဂ့ၤကတၢၢ်ဒ်ပမၤသ့အသိး ဖဲပအိၣ်မူဒံးအခါန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:18

အအံၤမ့ၢ်တၢ်လၢယထံၣ်ဘၣ်တ့ၢ်ယဲလီၤ. တၢ်အဂ့ၤကတၢၢ်လၢပှၤတဂၤဂ့ၤတဂၤဂ့ၤမၤဝဲသ့န့ၣ်, မ့ၢ်အကအီၣ်တၢ်, အီတၢ်, ဒီးမုာ်လၤသးခုလၢတၢ်လၢအမၤန့ၢ်တ့ၢ် ဝဲတဖၣ်လၢတၢ်အိၣ်မူဖုၣ်ကိာ်လၢကစၢ်ယွၤဟ့ၣ်လီၤအီၤအပူၤလီၤ. တၢ်အံၤမ့ၢ်ပှၤကညီအတၢ်ဘူၣ်တၢ်တီၢ်န့ၣ်လီၤ.

လံာ်ယၡါယၤ 12:3

ဒ်ထံအဆှံဟဲစိာ်တၢ်သးခုလၢပှၤ လၢတၢ်သူအသးလၢထံအဂီၢ်အသိး, ကစၢ်ယွၤအပှၤဂီၢ်မုၢ်သူၣ်ခုသးခုဖဲအဝဲဒၣ်အုၣ်က့ၤခီၣ်က့ၤ အဝဲသ့ၣ်န့ၣ်လီၤ.”

မၤတၢ် 16:34

အဝဲဒၣ်က့ၤကိးစီၤပီလူးဒီးစီၤစံလၤဆူအဟံၣ်ဒီးဟ့ၣ်အီၤ တၢ်အီၣ်လၢအကအီၣ်ဝဲအဂီၢ်လီၤ. အဝဲဒီးအပှၤဟံၣ်ဖိဃီဖိတဖၣ်အသးပှဲၤဒီးတၢ်သူၣ်ခု သးခုမ့ၢ်လၢအဝဲသ့ၣ်စူၢ်က့ၤနာ်က့ၤလံကစၢ်ယွၤအဃိ န့ၣ်လီၤ.

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

လံာ်သိၣ်လီၤသီလီၤတၢ် 12:14

သုကဘၣ်လုၢ်ထီၣ်ဒၣ်အီၤဖဲတၢ်လီၢ်တတီၤလၢယွၤကဃုထၢအီၤလၢသု ဒူၣ်တဖၣ်အလီၢ်ကဝီၤအကျါတတီၤန့ၣ်လီၤ. ထဲဒၣ်ဖဲတၢ်လီၢ်န့ၣ်ဧိၤသုကဘၣ်လုၢ်ထီၣ်သုတၢ်လုၢ်တၢ်ပာ်တဖၣ် လၢကဘၣ်တၢ်ဆိၣ်ကဲၤအီၤဒီးမၤတၢ်အဂၤတဖၣ်ခဲလၢာ်လၢယမၤလိာ် တ့ၢ်သုန့ၣ်လီၤ.

လံာ်သိၣ်လီၤသီလီၤတၢ် 12:19

မၤလီၤတံၢ်စ့ၢ်ကီးလၢသုတလဲၤကပာ်ဒီးသးပ့ၤနီၣ်ကွံာ်ဘၣ်ပှၤ လ့ၤဝံဖိတဖၣ်ဖဲသုအိၣ်သုဆိးလၢသုကီၢ်အပူၤအဆၢကတီၢ်ဘၣ် န့ၣ်, တက့ၢ်.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 14:23

အန့ၣ်ဝံၤဒီးလဲၤဆူတၢ်လီၢ်တတီၤဖဲယွၤသုကစၢ်ယွၤဃုထၢအီၤ လၢတၢ်ကဘူၣ်ထီၣ်ဘါထီၣ်အီၤအဂီၢ်ဒီးဖဲန့ၣ်လၢယွၤအမဲာ်ညါန့ၣ် အီၣ်သုတၢ်ဆံဆဲၣ်ပူတပူဘၣ်ဃးဒီးဘုဧိၤဟုဧိၤသုစပံးထံ ဒီးသုသ့ၣ်စၤယံးအသိ, သုဂီၤဘုၣ်ဂီၤဖံးဒီးသုသိအဝဲၢ်ကိန့ၣ်တက့ၢ်. မၤတၢ်အံၤဒ်သိးဒီးသုကမၤလိန့ၢ်တၢ်အိၣ်ဒီး တၢ်ယူးယီၣ်ပာ်ကဲယွၤသုကစၢ်ယွၤထီဘိတထံၣ်ဃီန့ၣ်တက့ၢ်.

လံာ်သိၣ်လီၤသီလီၤတၢ် 15:20

ကိးနံၣ်ဒဲးန့ၣ်သုဝဲဒီးသုပှၤဟံၣ်ဖိကဘၣ်အီၣ်အဝဲသ့ၣ်လၢ ယွၤအမဲာ်ညါဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:4

တဘျီဘၣ်တဘျီဖဲစီၤအ့လကါနၤလုၢ်ထီၣ်အတၢ်လုၢ်တၢ်ပာ်န့ၣ်ဟ့ၣ် ဝဲတၢ်ဖံးတၢ်ညၣ်တပူဆူနီၢ်ပနံးနၤဒီးတပူဆူ အဖိတဖၣ်အအိၣ်လီၤ.