လံာ်သိၣ်လီၤသီလီၤတၢ် 12:12 - Sgaw Karen Common Bible

¹² သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 12:12 Iomraidhean Croise

လံာ်စီၤပၤအခီၣ်ထံးတဘ့ၣ် 8:66

လၢဃိးနံၤတနံၤန့ၣ်, စီၤၡလိၤမိၤပျၢ်ကွံာ်ပှၤဂီၢ်မုၢ်လၢ ကက့ၤဆူအဟံၣ်န့ၣ်လီၤ. အဝဲသ့ၣ်ခဲလၢာ်, စံးထီၣ်ပတြၢၤအီၤဒီးက့ၤက့ၤဝဲဆူအဟံၣ်ဒၣ် ဝဲလၢတၢ်သူၣ်ဖှံသးညီအပူၤ, လၢကယဲၢ်တၢ်ဆိၣ်ဂ့ၤတဖၣ်လၢယွၤဟ့ၣ်တ့ၢ်အခ့အပှၤစီၤဒၤဝံးဒီး အပှၤဂီၢ်မုၢ်အံၣ်စရ့လးအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:36

စီၤပၤဃံးစကံယၤဒီးပှၤဂီၢ်မုၢ်တဖၣ်သူၣ်ဖှံသးညီဝဲမ့ၢ်လၢ ကစၢ်ယွၤမၤစၢၤတ့ၢ်အဝဲသ့ၣ်လၢကမၤတၢ်အံၤခဲလၢာ်ချ့ချ့ အဃိန့ၣ်လီၤ.

လံာ်စီၤနဃ့မယၤ 8:9

တုၤပှၤဂီၢ်မုၢ်နၢ်ဟူဘၣ်တၢ်လၢယူဒၤအတၢ်သိၣ်တၢ်သီဃ့ဝဲန့ၣ်, အဝဲသ့ၣ်အသးဘၣ်ဒိတုၤအစးထီၣ်ဟီၣ်ဝဲလီၤ. လၢတၢ်န့ၣ်အဃိ, ပဒိၣ်ဖးဒိၣ်စီၤနဃ့မယၤ, ပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤအတၢ်သိၣ်တၢ်သီအဂ့ၢ် စီၤဧ့စြၤ, ဒီးပှၤလ့ၤဝံဖိတဖၣ်လၢအတဲနၢ်ပၢၢ်တ့ၢ်ယူဒၤအတၢ်သိၣ်တၢ်သီ န့ၣ်စံးဘၣ်ပှၤဂီၢ်မုၢ်ခဲလၢာ် “မုၢ်တနံၤအံၤမ့ၢ်မုၢ်နံၤစီဆှံလၢယွၤသုကစၢ်ယွၤအဂီၢ်အဃိသူၣ် အုးသးအုးတဂ့ၤဒီးဟီၣ်တဂ့ၤ.

စံးထီၣ်ပတြၢၤ 147:1

စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, တၢ်သးဝံၣ်စံးထီၣ်ပတြၢၤ ပကစၢ်ယွၤန့ၣ်မ့ၢ်တၢ်ဂ့ၤလီၤ. တၢ်စံးထီၣ်ပတြၢၤအီၤန့ၣ် မ့ၢ်တၢ်မုာ်သူၣ်မုာ်သးဒီး တၢ်ကြၢးဝဲဘၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 23:40

ဒီးလၢမုၢ်ခီၣ်ထံးအနံၤန့ၣ်သုဘၣ်ဟံးန့ၢ်သ့ၣ်အဃံအလၤအတၤသၣ်, သ့ၣ်စူၣ်ပလိၣ်အဒ့, သ့ၣ်ခဲအဒ့ဒီးထံကျိအပံၢ်သလီလီၤ. ဒီးသုဘၣ်သူၣ်ခုသးခုလၢယွၤသုကစၢ်အမဲာ်ညါန့ၣ်လီၤ.

လံာ်တၢ်ဂံၢ် 18:20

ယွၤစံးဘၣ်စီၤအၤဟရိၣ်, “တၢ်စုလီၢ်ခီၣ်ခိၣ်လၢတၢ်န့ၢ်သါ အီၤသ့ဝဲတဖၣ်န့ၣ်နတဒိးန့ၢ်ဘၣ်အီၤဘၣ်. တၢ်တဟ့ၣ်ဘၣ်နၤလၢကီၢ်အံၣ်စရ့လးအဟီၣ်ခိၣ်နီတကဝီၤဘၣ်. ယၤ, ယွၤမ့ၢ်ကယဲၢ်တၢ်လၢနလိၣ်ဘၣ်အီၤန့ၣ်လီၤ.”

လံာ်ယိၤဟၣ် 13:8

စီၤပ့းတရူးစံးဝဲ “နတဘၣ်သ့ယခီၣ်နီတဘျီဘၣ်.” ယ့ၣ်ၡူးစံးဆၢအီၤ, “ယမ့ၢ်တသ့ဘၣ်နခီၣ်ဒီးနတဘၣ် ဃးဒီးယၤလၢၤဘၣ်.”

မၤတၢ် 8:21

နတဘၣ်ထွဲဘၣ်ဃးဒီးပတၢ်မၤအံၤဘၣ်. အဂ့ၢ်မ့ၢ်လၢနသးတဘျၢလၢကစၢ်ယွၤအမဲာ်အတၢ်ထံၣ်အပူၤ အဃိလီၤ.

လံာ်သိၣ်လီၤသီလီၤတၢ် 10:9

တၢ်န့ၣ်မ့ၢ်ဝဲဘၣ်မနုၤအဃိပှၤလ့ၤဝံဖိတဖၣ်တန့ၢ်ဘၣ်ဟီၣ်ခိၣ် နီတတီၤဒ်ပှၤအဒူၣ်အဂၤတဖၣ်ဒိးန့ၢ်ဝဲအသိးအဂ့ၢ်န့ၣ်လီၤ. တၢ်လၢအဝဲသ့ၣ်ဒိးန့ၢ်ဘၣ်ဝဲန့ၣ်, မ့ၢ်တၢ်ခွဲးတၢ်ယာ်လၢအကဲ ဘၣ်ယွၤအပှၤလုၢ်တၢ်အခိၣ်တဖၣ်, ဒ်ယွၤ, သုကစၢ်ယွၤအၢၣ်လီၤတ့ၢ် ဝဲအသိးန့ၣ်လီၤ.)

လံာ်သိၣ်လီၤသီလီၤတၢ် 12:18

သုဝဲဒၣ်ဒီးသုဖိတဖၣ်, ဃုာ်ဒီးသုကုၢ်သုပှၤတဖၣ်ဒီးပှၤလ့ၤ ဝံဖိတဖၣ်လၢအအိၣ်ဆိးလၢသုဝ့ၢ်တဖၣ်အပူၤန့ၣ်ကဘၣ်အီၣ်တၢ်လုၢ်တဖၣ် အံၤထဲဒၣ်လၢယွၤသုကစၢ်ယွၤအမဲာ်ညါလၢတၢ်ဘူၣ်ထီၣ်ဘါထီၣ် အလီၢ်တတီၤလၢအဘၣ်တၢ်ဃုထၢအီၤလၢယွၤသုကစၢ်ယွၤန့ၣ်လီၤ. ဒီးသုကဘၣ်သူၣ်ဖှံသးညီဖဲန့ၣ်လၢကယဲၢ်တၢ်လၢသုမၤတ့ၢ်အီၤ အဃိန့ၣ်လီၤ.

လံာ်သိၣ်လီၤသီလီၤတၢ် 12:19

မၤလီၤတံၢ်စ့ၢ်ကီးလၢသုတလဲၤကပာ်ဒီးသးပ့ၤနီၣ်ကွံာ်ဘၣ်ပှၤ လ့ၤဝံဖိတဖၣ်ဖဲသုအိၣ်သုဆိးလၢသုကီၢ်အပူၤအဆၢကတီၢ်ဘၣ် န့ၣ်, တက့ၢ်.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 16:11

သူၣ်ခုသးခုလၢအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတ ဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢသုဝ့ၢ်တဖၣ်ပူၤန့ၣ်တက့ၢ်. မၤတၢ်အံၤဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တက့ၢ်.

လံာ်သိၣ်လီၤသီလီၤတၢ် 16:14

သူၣ်ခုသးခုလၢဘူၣ်ပူၤဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢဝ့ၢ်တဖၣ်အပူၤတက့ၢ်.

လံာ်သိၣ်လီၤသီလီၤတၢ် 18:6

ပှၤလ့ၤဝံဖိတဂၤဂ့ၤတဂၤဂ့ၤလၢကီၢ်အံၣ်စရ့လးအပူၤဝ့ၢ်တဖျၢၣ်လၢ်လၢ်န့ၣ်, မ့ၢ်သးအိၣ်ဟဲဆူတၢ်ဘူၣ်ထီၣ်ဘါထီၣ်အလီၢ်တတီၤန့ၣ်ဟဲဝဲသ့,

လံာ်သိၣ်လီၤသီလီၤတၢ် 26:11

စံးဘျုးကစၢ်ယွၤလၢတၢ်အဂ့ၤတဖၣ်လၢ ယွၤသုကစၢ်ယွၤဟ့ၣ်လီၤသုဝဲဒီးသုပှၤဟံၣ်ဖိဃီဖိ, ဒီးပျဲပှၤလ့ၤဝံဖိတဖၣ်ဒီးပှၤတခီဘီမုၢ်ဖိတဖၣ်လၢအအိၣ် ဆိးလၢသုကျါဘူၣ်သကိးဘါသကိးတၢ်ဒီးသုတက့ၢ်.

လံာ်သိၣ်လီၤသီလီၤတၢ် 26:12

သၢနံၣ်တဘျီကိးစုဒဲးန့ၣ်ဟ့ၣ်တၢ်ဆံဆဲၣ်ပူလၢအမ့ၢ် သုတၤသူတၤသၣ်ဆံဆဲၣ်ပူတပူဆူပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်အအိၣ်, ဒ်သိးလၢတၢ်အိၣ်မူကရူၢ်ကိးဖုဒဲးအပူၤအဝဲသ့ၣ်ကအိၣ်ဒီးတၢ်ခဲလၢာ်လၢအလိၣ်ဘၣ် ဝဲလၢကအီၣ်ဝဲအဂီၢ်တက့ၢ်. ဖဲသုမၤတၢ်ဒ်အံၤန့ၣ်,

လံာ်သိၣ်လီၤသီလီၤတၢ် 27:7

ဒီးဖဲန့ၣ်သုကဘၣ်လုၢ်ထီၣ်ပာ်ထီၣ်တၢ်ဒီးအီၣ်သုတၢ်လုၢ်မၤဃူ မၤဖိးတဖၣ်ဒီးစံးဘျုးစံးဖှိၣ်တၢ်အိၣ်ဒီးတၢ်သူၣ်ဖှံသးညီလၢယွၤ, သုကစၢ်ယွၤအမဲာ်ညါန့ၣ်လီၤ.

လံာ်စီၤယိၤၡူ 13:14

စီၤမိၤၡ့တနီၤဖးလီၤကီၢ်လၢပှၤလ့ၤဝံဖိအဂီၢ်ဘၣ်. ဒ်ယွၤစံးဘၣ်တ့ၢ်စီၤမိၤၡ့အသိး, အဝဲသ့ၣ်ကဒိးန့ၢ်ဘၣ်အတၢ် န့ၢ်သါလၢအမ့ၢ်တၢ်လုၢ်တဖၣ်လၢတၢ်လုၢ်ထီၣ်ပာ်ထီၣ်အီၤလၢယွၤ အံၣ်စရ့လးအကစၢ်အတၢ်လုၢ်လီၢ်အဖီခိၣ်န့ၣ်လီၤ.

လံာ်စီၤယိၤၡူ 13:33

ဘၣ်ဆၣ်ဒီးစီၤမိၤၡ့တဟ့ၣ်လီၤတၢ်လီၢ်ဆူ ပှၤလ့ၤဝံဖိအဒူၣ်ဘၣ်. အဝဲစံးဘၣ်အဝဲသ့ၣ် လၢအတၢ်န့ၢ်သါကမ့ၢ်ဒၣ်ယွၤအံၣ်စရ့လးအကစၢ်ယွၤအတၢ်မၤဘူၣ် တနီၤလီၤ.

လံာ်စီၤယိၤၡူ 14:4

မ့မ့ၢ်, စီၤမိၤၡ့တဟ့ၣ်ပှၤလ့ၤဝံဖိတၢ်န့ၢ်သါလၢအကျါဘၣ်. အခိၣ်တလိာ်, အဝဲသ့ၣ်ဒိးန့ၢ်ဘၣ်ဝ့ၢ်တဖၣ်လၢကအိၣ်ဆိးဝဲလၢ အပူၤဃုာ်ဒီးပျီတဖၣ်လၢအဂီၤဖံးဒီးအသိတဖၣ်ကအီၣ်အဆၣ်အဂီၢ်န့ၣ်လီၤ.