လံာ်သိၣ်လီၤသီလီၤတၢ် 11:7 - Sgaw Karen Common Bible

⁷ မ့ၢ်လီၤ. သုမ့ၢ်ပှၤတဖၣ်လၢအထံၣ်ဘၣ်တ့ၢ်တၢ်မၤအဒိၣ်အမုၢ်တဖၣ် အံၤလၢယွၤမၤတ့ၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 11:7 Iomraidhean Croise

စံးထီၣ်ပတြၢၤ 106:2

မ့ၢ်မတၤ ကစံၣ်တဲၤတဲလီၤယွၤအတၢ်မၤလၢအဒိၣ်တဖၣ်, မ့တမ့ၢ်, မ့ၢ်မတၤ ကဒုးနၢ်ဟူအတၢ်စံးထီၣ်ပတြၢၤခဲလၢာ်တဂၤလဲၣ်.

စံးထီၣ်ပတြၢၤ 145:12

ဒ်သိးပှၤကိးဂၤဒဲးကသ့ၣ်ညါနတၢ်မၤဖးဒိၣ်တဖၣ် ဒီးနဘီနမုၢ်အတၢ်ကဟုကညီၢ် အလၤကပီၤန့ၣ်လီၤ.

စံးထီၣ်ပတြၢၤ 150:2

စံးထီၣ်ပတြၢၤအီၤလၢတၢ်မၤဖးဒိၣ်တဖၣ်လၢ အမၤတ့ၢ်ဝဲအဃိန့ၣ်တက့ၢ်. စံးထီၣ်ပတြၢၤအတၢ်ဒိၣ်တၢ်ထီကတၢၢ် န့ၣ်တက့ၢ်.

လံာ်သိၣ်လီၤသီလီၤတၢ် 11:6

သုသ့ၣ်နီၣ်တၢ်လၢအဝဲမၤဘၣ်တ့ၢ်ပှၤရူၤဘ့ၣ်အဒူၣ်ဖိထၢဖိ စီၤအလံအာ်အဖိခွါစီၤဒၤသၣ်ဒီးစီၤအဘံရၣ်န့ၣ်လီၤ. လၢပှၤကိးဂၤဒဲးအမဲာ်ညါန့ၣ်ဟီၣ်ခိၣ်အိးထီၣ်အသးဒီးယူၢ်လီၤ ကွံာ်အဝဲသ့ၣ်ဃုာ်ဒီးအဟံၣ်ဖိဃီဖိတဖၣ်, အဒဲတဖၣ်, ဒီးကယဲၢ်အဝဲသ့ၣ်အခ့အပှၤအကုၢ်အပှၤတဖၣ်ဒီးအဆၣ်ဖိကီၢ်ဖိတဖၣ် န့ၣ်လီၤ.

လံာ်သိၣ်လီၤသီလီၤတၢ် 11:8

စူၢ်ကယဲၢ်တၢ်တဖၣ်လၢယမၤလိာ်တ့ၢ်သုတနံၤအံၤန့ၣ်တက့ၢ်. အန့ၣ်တစုသုခီဂာ်ထံကျိကသ့ဝဲဒီးမၤန့ၢ်ဘၣ်ကီၢ်လၢဘူးထီၣ် လၢသုကလဲၤနုာ်လီၤဆူအပူၤန့ၣ်လီၤ.

လံာ်သိၣ်လီၤသီလီၤတၢ် 27:10

လၢတၢ်န့ၣ်အဃိစူၢ်အီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်ဘူၣ်တၢ် ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤအံၤန့ၣ်တက့ၢ်.”

လံာ်သိၣ်လီၤသီလီၤတၢ် 29:2

စီၤမိၤၡ့ကိးဖှိၣ်ဃီၤကယဲၢ်ကီၢ်အံၣ်စရ့လးအပှၤဂီၢ်မုၢ်ခဲ လၢာ်ဒီးစံးဘၣ်အဝဲသ့ၣ်, “တၢ်လၢယွၤမၤတ့ၢ်အီၤဆူကီၢ်အဲၤကူပတူးအစီၤပၤ, ဆူအပဒိၣ်ပပှၢ်တဖၣ်, ဒီးဆူအထံအကီၢ်ဒီတဘ့ၣ်ညါန့ၣ်, သုထံၣ်တ့ၢ်အီၤလၢသုနီၢ်ကစၢ်ဒၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 4:3

သုနီၢ်ကစၢ်ဒၣ်သုဝဲထံၣ်ဘၣ်တ့ၢ်တၢ်တဖၣ်လၢယွၤမၤတ့ၢ်ဝဲလၢ ကစၢၢ်ပဧိၢ်အဒီခိၣ်န့ၣ်လီၤ. ဖဲန့ၣ်အဝဲမၤဟးဂီၤကွံာ်ပှၤကိးဂၤဒဲးလၢအဘူၣ်ထီၣ်ဘါထီၣ် ဘဧၤလး,

လံာ်သိၣ်လီၤသီလီၤတၢ် 5:3

တမ့ၢ်ထဲဒၣ်ဆူဒီးပပၢ်တဖၣ်ဧိၤဘၣ်, မ့မ့ၢ်ဃုာ်ဒီးပဝဲကိးဂၤ ဒဲးလၢအအိၣ်မူမုၢ်မဆါတနံၤအံၤန့ၣ်လီၤ.

လံာ်သိၣ်လီၤသီလီၤတၢ် 7:19

သ့ၣ်နီၣ်ထီၣ်တၢ်သံသတြိာ်လီၤပျံၤလီၤဖုးတဖၣ်, လၢသုထံၣ်ဘၣ်တ့ၢ်အီၤလၢသုမဲာ်ချံဒၣ်ဝဲ, တၢ်လီၤလးတဖၣ်ဒီးတၢ်လီၤကမၢကမၣ်တဖၣ်, ယွၤသုကစၢ်ယွၤမၤထူၣ် ဖျဲးသုခီဖျိတၢ်စိတၢ်ကမီၤဖးဒိၣ်ဒီးတၢ်ဂံၢ်ဆူၣ်ဘါဆူၣ်န့ၣ်တက့ၢ်. ဒ်ကျဲတဘိဃီလၢယွၤမၤဟးဂီၤကွံာ်ပှၤအဲၤကူပတူးဖိတဖၣ် အသိးန့ၣ်, အဝဲကမၤဟးဂီၤကွံာ်ကယဲၢ်ပှၤဂီၢ်မုၢ်ခဲလၢာ်အံၤလၢသုပျံၤဘၣ် အီၤခဲအံၤန့ၣ်လီၤ.

လံာ်စီၤယိၤၡူ 24:31

ဒီးပှၤအံၣ်စရ့လးဖိမၤယွၤအတၢ်လၢစီၤယိၤၡူအမုၢ်နံၤခဲလၢာ်, ဒီးလၢပှၤသူၣ်က့သးပှၢ်လၢအအိၣ်မူပျံကွံာ်စီၤယိၤၡူ ဒီးသ့ၣ်ညါတၢ်ခဲလၢာ်လၢယွၤမၤတ့ၢ်တၢ်လၢပှၤအံၣ်စရ့လးဖိအဂီၢ်တဖၣ်အမုၢ်နံၤခဲလၢာ်န့ၣ်လီၤ.