လံာ်သိၣ်လီၤသီလီၤတၢ် 11:30 - Sgaw Karen Common Bible

³⁰ (ကစၢၢ်ခံဖျၢၣ်အံၤအိၣ်ဝဲလၢထံကျိယၢ်ဒ့ၣ်, အမုၢ်နုာ်, ဖဲပှၤကနၤဧၣ်ဖိတဖၣ်လၢအအိၣ်ဆိးဖဲယၢ်ဒ့ၣ်အတြီၤပူၤ, အလီၢ်ကဝီၤပူၤန့ၣ်လီၤ. အဝဲသ့ၣ်အိၣ်ဝဲဒၣ်လၢမုၢ်နုာ်တကပၤ, တယံၤကဲာ်ဆိးဘၣ်ဒီးကီၢ်မိၤရံယၤအသ့ၣ်စီဆှံ တဖၣ်လၢအအိၣ်ဖဲဝ့ၢ်ကံးလကၤလးအကပၤဘၣ်န့ၣ်လီၤ.)

လံာ်သိၣ်လီၤသီလီၤတၢ် 11:30 Iomraidhean Croise

လံာ်တၢ်ကဲထီၣ်အခီၣ်ထံး 12:6

စီၤအၤဘြၣ်လဲၤခီဖျိထံကီၢ်န့ၣ်တုၤအဟဲတုၤဖဲသ့ၣ်စီဆှံ တထူၣ်လၢကစၢၢ်မိၤရံယၤ, တၢ်လီၢ်စီဆှံတတီၤလၢဝ့ၢ်ၡက့ၣ်န့ၣ် လီၤ. (အကတီၢ်ဖဲန့ၣ်ပှၤကနၤဧၣ်ဖိသ့ၣ်တဖၣ်အိၣ်ဒံးဝဲလၢကီၢ်န့ၣ် အပူၤလီၤ.)

လံာ်စီၤနဃ့မယၤ 12:29

ဒီးလၢကံးလကၤလး, က့ဘၤဒီးဧၤစမၤဝ့းန့ၣ်လီၤ.

လံာ်စီၤယိၤၡူ 4:19

ပှၤဂီၢ်မုၢ်ခီဂာ်ထံကျိယၢ်ဒ့ၣ်လၢလါအခီၣ်ထံးတလါ, လါထီၣ်ဆံဆဲၣ်သီတသီဒီးသူၣ်ဒဲဖဲဝ့ၢ် ကံးလကၤလးလၢဝ့ၢ်ယရံၤဃိအမုၢ်ထီၣ်န့ၣ်လီၤ.

လံာ်စီၤယိၤၡူ 5:9

ယွၤစံးဘၣ်စီၤယိၤၡူ, “မုၢ်မဆါတနံၤအံၤယသုးကွံာ်သု တၢ်မဲာ်တြီၢ်မဲာ်ဆှးဘၣ်ဃးဒီးသုတၢ်ကဲကုၢ်လၢကီၢ်အဲၤကူ ပတူးန့ၣ်လံ.” လၢတၢ်န့ၣ်အဃိတၢ်လီၢ်ဝဲန့ၣ်တၢ်ကိးအမံၤလၢကံးလကၤလး, မံၤလၢအအိၣ်တုၤမုၢ်မဆါတနံၤအံၤလီၤ.

လံာ်ပှၤစံၣ်ညီၣ်ကွီၢ် 7:1

ဘၣ်တနံၤ, စီၤကံးဒဧိၣ်ဒီးအပှၤတဖၣ်ဆၢထၢၣ်ဂီၤဂီၤဒီး သူၣ်ထီၣ်အဒဲဖဲထံထီၣ်ပၢၢ်ဃရိးအကပၤန့ၣ်လီၤ. ပှၤမံးဒယၣ်ဖိအဒဲတခီ အိၣ်လၢအကလံၤစိးတကပၤ ဖဲတၢ်လူၢ်မိၤရံအခီၣ်ထံးတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:7

ဖဲစီၤယိၤသၣ်နၢ်ဟူတၢ်ဂ့ၢ်အံၤန့ၣ်, အဝဲလဲၤဆူကစၢၢ်ကရံးစံၣ်အဒီခိၣ်ဒီးဆၢထၢၣ်ဖဲန့ၣ် ဒီးကိးပသူထီၣ်ဆူအဝဲသ့ၣ်အအိၣ်, “ဒိကနၣ်ယၤတက့ၢ်, ပှၤၡက့ၣ်ဖိသ့ၣ်ဧၢ, ဒီးကစၢ်ယွၤကဒိကနၣ်သုလီၤ.