လံာ်သိၣ်လီၤသီလီၤတၢ် 11:21 - Sgaw Karen Common Bible

²¹ အန့ၣ်တစု, သုဝဲဒီးသုဖိတဖၣ်ကအိၣ်ဆိးယံာ်ယံာ်ထၢထၢလၢကီၢ်န့ၣ်အပူၤ, လၢယွၤသုကစၢ်ယွၤအၢၣ်လီၤတ့ၢ်လၢကဟ့ၣ်လီၤသုမိၢ်ပၢ်ဖံဖုလၢ ပျၢၤတဖၣ်န့ၣ်လီၤ. သုကအိၣ်ဆိးဖဲန့ၣ်ယံာ်ဝဲထဲသိးမူကပိာ်လိၤအိၣ်ဝဲလၢဟီၣ်ခိၣ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 11:21 Iomraidhean Croise

စံးထီၣ်ပတြၢၤ 72:5

မ်ပှၤကပျံၤနၤဖဲမုၢ်ဒီးလါအိၣ်ဝဲအဖၢမုၢ် အစိၤစိၤအဃၣ်ဃၣ်န့ၣ်တက့ၢ်.

စံးထီၣ်ပတြၢၤ 89:30

ဘၣ်ဆၣ်အဖိတဖၣ်မ့ၢ်လဲၤသဒၣ်ယတၢ်သိၣ်တၢ်သီ, ဒီးတလဲၤတၢ်လၢယတၢ်စံၣ်ညီၣ်အပူၤ,

တၢ်ကတိၤဒိ. 3:16

တၢ်ကူၣ်သ့ဟ့ၣ်နၤတၢ်အိၣ်ကၢအိၣ်ခိး, ဃုာ်ဒီးတၢ်ထူးတၢ်တီၤ ဒီးတၢ်လၤကပီၤစ့ၢ်ကီးလီၤ.

တၢ်ကတိၤဒိ. 3:2

ယတၢ်သိၣ်က့ၤသီက့ၤကဟ့ၣ်နၤတၢ်အိၣ်ကၢအိၣ်ခိးဒီးတၢ်အိၣ်မူ လၢအဘီၣ်ထီၣ်ညီထီၣ်ဝဲန့ၣ်လီၤ.

တၢ်ကတိၤဒိ. 4:10

ယဖိခွါဧၢ, ဒိကနၣ်ယၤတက့ၢ်. တၢ်လၢယစံးဘၣ်နၤန့ၣ်, တူၢ်လိာ်ပာ်ကဲအီၤလ့ၤတုာ်လ့ၤတီၤတက့ၢ်. ဒီးနကအိၣ်မူအါနံၣ်အါလါလီၤ.

တၢ်ကတိၤဒိ. 9:11

တၢ်ကူၣ်သ့ကဂံၢ်အါထီၣ်နတၢ်အိၣ်မူအနံၣ်အလါလီၤ.

လံာ်ယၡါယၤ 65:20

ဖိသၣ်ဆံးဖိတဖၣ်တသံလၢၤဖဲအနီၢ်ဆံးဒံးအခါဘၣ်, ဒီးပှၤဂီၢ်မုၢ်ခဲလၢာ်ကအိၣ်မူတုၤလၢအဝဲသ့ၣ်အတၢ်အိၣ်မူ မုၢ်နံၤအနီၣ်ထိၣ်လီၤ. ပှၤတဖၣ်လၢအအိၣ်မူတုၤအနံၣ်တကယၤ န့ၣ်ကဘၣ်တၢ်ပာ်ကဲအီၤဒ်ပှၤသးစၢ်အသိးလီၤ. တၢ်သံဆိန့ၢ်တၢ်န့ၣ်, ကမ့ၢ်တၢ်ပနီၣ်တမံၤလၢယစံၣ်ညီၣ်တ့ၢ်အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 11:9

ဒီးသုကအိၣ်မူဘၣ်ယံာ်ယံာ်ထၢထၢလၢကီၢ်တဘ့ၣ်လၢအထူးဝဲတီၤ ဝဲဒီးဟီၣ်ခိၣ်ညၣ်ထ့ၣ်ဂ့ၤဝဲအပူၤ, လၢယွၤအၢၣ်လီၤတ့ၢ်လၢအကဟ့ၣ်သုမိၢ်ပၢ်ဖံဖုလၢပျၢၤတဖၣ်ဒီး အဝဲသ့ၣ်အစၢၤအသွဲၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:40

စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤ သုတနံၤအံၤ, ဒီးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဒီးသုစၢၤ သုသွဲၣ်တဖၣ်အဂီၢ်န့ၣ်လီၤ. သုကအိၣ်ဆိးဘၣ်ဒံးဆူညါလၢကီၢ်တဘ့ၣ်အံၤအပူၤလၢယွၤ, သုကစၢ်ယွၤဟ့ၣ်လီၤသုဒ်သိးကမ့ၢ်သုတၢ်အစိၤစိၤအဃၣ်ဃၣ်အဂီၢ် န့ၣ်လီၤ.”

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

လံာ်သိၣ်လီၤသီလီၤတၢ် 6:2

ဖဲသုအိၣ်မူဒံးအဖၢမုၢ်န့ၣ်သုဝဲဒီးသုစၢၤသုသွဲၣ်တဖၣ် ကဘၣ်ယူးယီၣ်ယွၤ, သုကစၢ်ယွၤ, ဒီးစူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ် လၢယဟ့ၣ်လီၤသုဒ်သိးသုကအိၣ်ဆိးဒီးမူဘၣ်လၢကီၢ်န့ၣ်အပူၤ ယံာ်ယံာ်ထၢထၢအဂီၢ်န့ၣ်လီၤ.

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.