လံာ်သိၣ်လီၤသီလီၤတၢ် 11:19 - Sgaw Karen Common Bible

¹⁹ သိၣ်လိန့ၢ်သုဖိတဖၣ်တက့ၢ်. ကတိၤတၢ်လၢအဂ့ၢ်ဖဲ သုအိၣ်လၢဟံၣ်ဒီးဖဲသုလဲၤတၢ်က့ၤတၢ်, ဖဲသုအိၣ်ဘှံးအိၣ်သါ ဒီးဖဲသုဖံးတၢ်မၤတၢ်အခါန့ၣ်တက့ၢ်.

လံာ်သိၣ်လီၤသီလီၤတၢ် 11:19 Iomraidhean Croise

လံာ်စီၤယိၤဘး 8:10

ဘၣ်ဆၣ်ဒီးပျဲပှၤကူၣ်ဘၣ်ကူၣ်သ့လၢပျၢၤသိၣ်လိနၤ, ဒီးဒိကနၣ်တၢ်လၢအဝဲသ့ၣ်ကစံးဘၣ်နၤန့ၣ်တက့ၢ်.

စံးထီၣ်ပတြၢၤ 34:11

ဟဲ, ဖိသ့ၣ်လံၤသ့ၣ်ဧၢ, ဒိကနၣ်ယကလုၢ်တက့ၢ်. ယကသိၣ်လိသုလၢတၢ်ပျံၤယွၤန့ၣ်လီၤ.

စံးထီၣ်ပတြၢၤ 78:4

ပတပာ်တဒၢတၢ်သ့ၣ်တဖၣ်န့ၣ်လၢပဖိတဖၣ်ဘၣ်. ပကတဲဘၣ်ပှၤလၢခံတစိၤ လၢယွၤအတၢ်မၤအဒိၣ်အမုၢ်တဖၣ် ဒီးအစိအကမီၤ, ဒီးအတၢ်မၤလီၤလးတဖၣ်လၢအမၤတ့ၢ်ဝဲန့ၣ်လီၤ.

တၢ်ကတိၤဒိ. 2:1

ယဖိခွါဧၢ, မၤလိတၢ်လၢယသိၣ်လိနၤ, ဒီးတၢ်လၢယမၤလိာ်နၤဒ်သိး နကမၤန့ၣ်, သးပ့ၤနီၣ်အီၤနီတစုတဂ့ၤ.

တၢ်ကတိၤဒိ. 22:6

သိၣ်လိဖိသၣ်တဂၤလၢအကဘၣ်အိၣ်မူဒ်လဲၣ်ဒ်လဲၣ်န့ၣ်တက့ၢ်. ဒီးအဝဲကသ့ၣ်နီၣ်ထီၣ်က့ၤဝဲလၢအတၢ်အိၣ်မူတစိၤသးလီၤ.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 32:46

အဝဲစံးဝဲ, “မၤလီၤတံၢ်လၢသုကစူၢ်ကယဲၢ်တၢ်မၤလိာ်တဖၣ်အံၤ လၢယဟ့ၣ်လီၤသုတနံၤအံၤန့ၣ်တက့ၢ်. တဲကဒါက့ၤအီၤဆူသုဖိတဖၣ်, ဒ်သိးအဝဲသ့ၣ်ကစူၢ်ကယဲၢ်ကစၢ် ယွၤအတၢ်သိၣ်လိတဖၣ်လၢတၢ်သူၣ်တီသးရၤအပူၤတက့ၢ်.

လံာ်သိၣ်လီၤသီလီၤတၢ် 6:7

သိၣ်လိသီလိသုဖိသုလံၤတဖၣ်န့ၣ်တက့ၢ်. ဖဲသုအိၣ်လၢဟံၣ် ဒီးဖဲသုအိၣ်လၢတၢ်လီၢ်အယံၤ, ဖဲသုအိၣ်ဘှံးဒီးဖဲသုမၤ တၢ်အခါန့ၣ်, ယၢၤထီၣ်ကဒါက့ၤအီၤတက့ၢ်.