လံာ်သိၣ်လီၤသီလီၤတၢ် 11:17 - Sgaw Karen Common Bible

¹⁷ သုမ့ၢ်မၤအီၤဒီး, ယွၤကသးထီၣ်ဘၣ်သုန့ၣ်လီၤ. အဝဲကတြီဃာ်တၢ်စူၤအံၤ, ဒီးသုဟီၣ်ခိၣ်ကဃ့ထီကဲာ်ဆိးလၢတၢ် မုၢ်တၢ်ဘိတဖၣ်ကမဲထီၣ်အဂီၢ်န့ၣ်လီၤ. အန့ၣ်တစု, ကီၢ်န့ၣ်မ့မ့ၢ်ဒၣ်လဲာ်ကီၢ်အဂ့ၤတဘ့ၣ်လၢ အဝဲဟ့ၣ်လီၤသုဘၣ်ဆၣ်, တယံာ်ဘၣ်ဒီးသုကသံကွံာ်ဖဲန့ၣ်လီၤ.

လံာ်သိၣ်လီၤသီလီၤတၢ် 11:17 Iomraidhean Croise

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤအခီၣ်ထံးတဘ့ၣ် 8:35

ဖဲနတြီဃာ်တၢ်ဟဲစူၤ, မ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါနၤအဃိ, ဒီးတုၤအဝဲသ့ၣ်ပီၢ်ယၢ်လီၤက့ၤအသးဒီးကွၢ်ဃီၤယွၤအတၢ်လုၢ် ဟံၣ်အံၤ, ဒီးဃ့ဘါထုကဖၣ်ဆူနအိၣ်လၢတၢ်ဆီၣ်လီၤသးအပူၤန့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 6:26

ဒီးဖဲနတြီဃာ်တၢ်ဟဲစူၤလီၤ, မ့ၢ်လၢနပှၤဂီၢ်မုၢ်မၤတ့ၢ်တၢ် ဒဲးဘးထီဒါနၤ, ဒီးတုၤအဝဲသ့ၣ်ပီၢ်ယၢ်လီၤက့ၤအသးဒီးဃၣ်ဃီၤအမဲာ်ဆူယွၤ အတၢ်လုၢ်ဟံၣ်အံၤ, ဒီးဃ့ဘါထုကဖၣ်နၤလၢတၢ်ဆီၣ်လီၤသးအပူၤန့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 7:13

တဘျီလၢ်လၢ်ဖဲယတြီဃာ်တၢ်စူၤမ့ၢ်ဂ့ၤ, ဆှၢလီၤဒွဲၣ်ဧိၤတြၤ ဧိၤတဖၣ်လၢအကအီၣ်ကွံာ်တၢ်မုၢ်တၢ်ဘိမ့ၢ်ဂ့ၤ, တၢ်သံသတြိာ်လၢအကလီၤဘၣ်လၢယပှၤဂီၢ်မုၢ်အဖီခိၣ်မ့ၢ်ဂ့ၤဒၣ်လဲာ်,

လံာ်စီၤယိၤဘး 12:15

တုၤကစၢ်ယွၤတြီဃာ်တၢ်ဟဲစူၤန့ၣ်ဒီးတၢ်ယီၤဃ့ဝဲဒီးတုၤ ဒုးဟဲစူၤလီၤမူခိၣ်ဒီးထံလုၣ်ဘၢတၢ်လီၤ.

လံာ်တၢ်ဘူၣ်ထီၣ်ဘါထီၣ် 26:19

ဒီးယကမၤကၢ်ကွံာ်သုသးထီၣ်ထီန့ၣ်လီၤ. တၢ်တစူၤလၢၤဘၣ်ဒီးသုဟီၣ်ခိၣ်ကဃ့ထီကွံာ်ဝဲဒ်ထးအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:20

ဒီးသုတၢ်မၤတၢ်လၢာ်ဂံၢ်လၢာ်ဘါကမ့ၢ်တၢ်ကလီကလီလီၤ. အဂ့ၢ်ဒ်အံၤ, သုဟီၣ်ခိၣ်တဟ့ၣ်ထီၣ်တၤသူတၤသၣ်နီတမံၤ ဘၣ်ဒီးသုသ့ၣ်အထံးတဖၣ်တသၣ်ထီၣ်ဝဲဒၣ်ဘၣ်.

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်သိၣ်လီၤသီလီၤတၢ် 31:20

ယကဆှၢနုာ်အဝဲသ့ၣ်ဆူကီၢ်လၢအထူးဝဲတီၤဝဲဒီးအဟီၣ်ခိၣ်ညၣ် ထ့ၣ်ဂ့ၤတဘ့ၣ်အံၤအပူၤ, ဒ်ယအၢၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ် လီၤ. ဖဲန့ၣ်အဝဲသ့ၣ်ကအိၣ်ဒီး ကယဲၢ်တၢ်အီၣ်လၢအအဲၣ်ဒိးအီၣ်ဝဲ, အဝဲ သ့ၣ်ကအိၣ်ဘၣ်ဆိးဘၣ်ဘီၣ်ဘီၣ်ညီညီန့ၣ်လီၤ. ဘၣ်ဆၣ်အဝဲသ့ၣ်ကဃၣ်ကွံာ်အသးဒီးဘူၣ်ထီၣ်ဘါထီၣ်ကစၢ်အဂၤတဖၣ် န့ၣ်လီၤ. အဝဲသ့ၣ်ကစူးကွံာ်ညိကွံာ်ယၤဒီးမၤဟးဂီၤကွံာ်ယတၢ်အၢၣ်လီၤ အီလီၤ,

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.

လံာ်သိၣ်လီၤသီလီၤတၢ် 6:15

သုမ့ၢ်ဘူၣ်ထီၣ်ဘါထီၣ်ကစၢ်အဂၤတဖၣ်ဒီး, ယွၤအတၢ်သးဒိၣ်ကဟဲထီ ဒါသုဒ်မ့ၣ်အူအသိး, ဒီးကမၤဟးဂီၤကွံာ်သုလၢာ်လၢာ်ဆ့ဆ့မ့ၢ်လၢယွၤ, သုကစၢ်ယွၤလၢအအိၣ်ဒီးသုအံၤမ့ၢ်ကစၢ်တဂၤလၢအသးက့ၣ်တၢ်အဃိ န့ၣ်လီၤ.

လံာ်သိၣ်လီၤသီလီၤတၢ် 9:19

ယပျံၤဘၣ်ယွၤအတၢ်သးဒိၣ်ကဲၤထီၣ်ဒိၣ်မး, မ့ၢ်လၢအဝဲ အသးထီၣ်ဆူၣ်လံတုၤလၢကမၤဟးဂီၤကွံာ်သုအဃိန့ၣ်လီၤ. ဘၣ်ဆၣ်ဒီးမၤကဒီးတစုယွၤဒိကနၣ်ယၤန့ၣ်လီၤ.