လံာ်သိၣ်လီၤသီလီၤတၢ် 11:14 - Sgaw Karen Common Bible

¹⁴ သုမ့ၢ်မၤဒီး, အဝဲကဆှၢလီၤတၢ်စူၤထံလၢကီၢ်အဖီခိၣ်ဖဲအလိၣ် ဘၣ်ဝဲအခါ, လၢတၢ်ယီၤထီၣ်သီအကတီၢ်ဒီးလၢတၢ်မဲထီၣ်သီ အကတီၢ်, ဒ်သိးဘုဧိၤဟုဧိၤ, စပံးထံဒီးသ့ၣ်စၤယံးအသိ ကအိၣ်ဝဲလၢသုဂီၢ်,

လံာ်သိၣ်လီၤသီလီၤတၢ် 11:14 Iomraidhean Croise

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 5:24

ယဆှၢလီၤန့ၢ်သုတၢ်စူၤထံလၢတၢ်သူၣ် လီၤတၢ်ဒီးတၢ်မဲထီၣ်သၣ်ထီၣ်အကတီၢ်အဂီၢ်, ဒီးဟ့ၣ်သုတၢ်ကူး က့ၤတၢ်အကတီၢ်တနံၣ်ဘၣ်တနံၣ်ဒၣ်လဲာ်န့ၣ်, သုတဆိကမိၣ်လၢသုကယူးယီၣ်ယၤန့ၣ်ဘၣ်.

လံာ်ယဃ့းစက့လး 34:26

ယကဆိၣ်ဂ့ၤအဝဲသ့ၣ်ဒီးဒုးအိၣ်ဆိးအဝဲသ့ၣ်ဝးတရံးယတၢ်လူၢ်စီဆှံ န့ၣ်လီၤ. ဖဲန့ၣ်ယကဆိၣ်ဂ့ၤအဝဲသ့ၣ်ဒီးမူခိၣ်အတၢ်စူၤထံဖဲအဝဲသ့ၣ် လိၣ်ဘၣ်ဝဲအခါန့ၣ်လီၤ.

လံာ်ယိၤအ့လး 2:19

ဒီးယွၤစံးဆၢအပှၤဂီၢ်မုၢ်, ခဲကနံၣ်အံၤ, ယကဟ့ၣ်လီၤသု လၢဘုဧိၤဟုဧိၤ, စပံးထံဒီးသ့ၣ်စၤယံးအသိ, ဒီးသုကအိၣ်ဒီးတၢ်သူၣ်မံသးမံလီၤ. ဒီးပှၤကလုာ်ဂၤတဖၣ်တဒုၣ်ဒွဲၣ်စံးအၢလၢၤဘၣ်သုဘၣ်.

လံာ်တၢ်ဘူၣ်ထီၣ်ဘါထီၣ် 26:3

သုမ့ၢ်အိၣ်မူဒ်ယတၢ်သိၣ်တၢ်သီအသိးဒီးတိၢ်န့ၢ်ယတၢ်မၤလိာ်တဖၣ်န့ၣ်,

လံာ်တၢ်ဘူၣ်ထီၣ်ဘါထီၣ် 26:4

ယကဟ့ၣ်လီၤသုလၢတၢ်စူၤလၢအကတီၢ်ဒၣ်ဝဲဒ်သိးဟီၣ်ခိၣ်ကဟ့ၣ်ထီၣ် အတၢ်အါထီၣ်ဒီးသ့ၣ်ကသၣ်ထီၣ်အဂီၢ်လီၤ.

လံာ်မၤလကံ 3:11

ယတပျဲတၢ်ဖိဃၢ်တဖၣ်မၤဟးဂီၤသုတၢ်မုၢ်တၢ်ဘိဘၣ်, ဒီးသုစပံးမုၢ်တဖၣ်အသၣ်တလီၤဆှုဘၣ်ဝဲဘၣ်.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

လံာ်သိၣ်လီၤသီလီၤတၢ် 28:12

အဝဲကဒုးစူၤလီၤတၢ်လၢအဆၢကတီၢ်ဒၣ်ဝဲအပူၤ, လၢအတၢ်ပာ်ဖှိၣ်အဟံၣ်အထူးအတီၤလၢအအိၣ်ဝဲလၢမူကပိာ်လိၤန့ၣ်, ဒီးဆိၣ်ဂ့ၤသုတၢ်မၤခဲလၢာ်တုၤဒၣ်လဲာ်, သုကဒုးလိၢ်ဘၣ်တၢ်ဆူပှၤအါကလုာ်, ဘၣ်ဆၣ်သုလိၢ်န့ၢ်တၢ်လၢအဝဲ သ့ၣ်တကလုာ်ဂ့ၤတကလုာ်ဂ့ၤအအိၣ်, အလီၢ်တအိၣ်ဘၣ်န့ၣ်လီၤ.

ယၤကိာ် 5:7

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, အိၣ်ဒီးတၢ်သးစူၤတုၤကစၢ်ဟဲတစုန့ၣ်တက့ၢ်. ကွၢ်ပှၤထူစံာ်ဖိတဂၤအိၣ်ခိးစူၤသးဝဲအဟီၣ်ခိၣ်ကဟ့ၣ်ထီၣ် တၤသၣ်လုၢ်ဒိၣ်ပှ့ၤဒိၣ်တဖၣ်လၢကျဲဒ်လဲၣ်န့ၣ်တက့ၢ်. အဝဲအိၣ်ခိးဝဲလၢတၢ်ဝံသးစူၤဖးဒိၣ်အပူၤ, ဖဲတၢ်စူၤလီၤသီဒီးတၢ်စူၤလၢခံအကတီၢ်တဖၣ်န့ၣ်လီၤ.