လံာ်သိၣ်လီၤသီလီၤတၢ် 11:10 - Sgaw Karen Common Bible

¹⁰ ကီၢ်လၢသုကလဲၤမၤန့ၢ်အီၤန့ၣ်, တဒ်သိးဘၣ်ကီၢ်အဲၤကူပတူးဖဲ သုအိၣ်ဆိးတ့ၢ်လၢညါန့ၣ်ဘၣ်. လၢကီၢ်အဲၤကူပတူးန့ၣ်, တုၤသုဖှံလီၤတၢ်ချံဒီးသုကဘၣ်မၤ တၢ်ဆူၣ်ဆူၣ်လၢသုကမၤဘၣ်စီၣ်စံာ်ပျီတဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 11:10 Iomraidhean Croise

လံာ်ယၡါယၤ 19:10

ပှၤထါထၣ်ဒီးပှၤဒိးလဲအသးတဖၣ်အသူၣ်ကအုးသးကအုး ဒီးအသးကလီၤဘှံးလီၤဘှါဝဲလီၤ.

လံာ်ယၡါယၤ 37:25

နကတိၤဒိၣ်လီၤနသးလၢနခူၣ်ထံပူၤတဖၣ်ဒီးအီထံလၢထံဂုၤကီၢ် ဂၤတဖၣ်အပူၤ, ဒီးနပှၤသုးဖိတဖၣ်အခီၣ်ယီၢ်တံၢ်လီၤသံးကွံာ်ထံကျိ နံၤလါလီၤ.

လံာ်ယံးရမံယၤ 2:7

ယဟဲစိာ်ထီၣ်အဝဲသ့ၣ်ဆူကီၢ်တဘ့ၣ်လၢ ဟီၣ်ခိၣ်ညၣ်ထ့ၣ်ဂ့ၤအပူၤ, ဒ်သိးအဝဲသ့ၣ်ကမုာ်လၤသးခုဘၣ်လၢကီၢ်န့ၣ် အတၢ်ကူးက့ၤအတၤသၣ်တဖၣ်ဒီးအတၢ်ဂ့ၤအဂၤတဖၣ်န့ၣ်လီၤ. ဘၣ်ဆၣ်ဒီးအဝဲသ့ၣ်မၤဟးဂီၤကွံာ်ယထံယကီၢ်, ဒီးမၤဘၣ်အၢထံကီၢ်လၢယဟ့ၣ်လီၤအီၤန့ၣ်လီၤ.

လံာ်စကၤရယၤ 14:18

ပှၤအဲၤကူပတူးဖိတဖၣ်မ့ၢ်ဂ့ၢ်လိာ်သ့ၣ်နီၣ်မၤလၤကပီၤဘူၣ်ဒဲန့ၣ်, ယွၤကဒုးလီၤဘၣ်တၢ်ဆါတမံၤဃီလၢအဝဲသ့ၣ်အလိၤ, ဒ်အဒုးလီၤဘၣ်ဝဲလၢပှၤကလုာ်ဂၤတဖၣ်လၢအဂ့ၢ်လိာ်လဲၤဘူၣ်ထီၣ် ဘါထီၣ်တၢ်အလိၤအသိးန့ၣ်လီၤ.

လံာ်သိၣ်လီၤသီလီၤတၢ် 11:11

မ့မ့ၢ်, ကီၢ်လၢသုကလဲၤနုာ်လီၤဆူအပူၤန့ၣ်, မ့ၢ်ကီၢ်တဘ့ၣ်လၢအပှဲၤဒီးကစၢၢ်ကလိတဖၣ်ဒီးတၢ်တြီၤတဖၣ်, ကီၢ်တဘ့ၣ်လၢအဘၣ်တၢ်မၤဘၣ်စီၣ်အီၤလၢမူခိၣ်စူၤထံန့ၣ်လီၤ.

လံာ်သိၣ်လီၤသီလီၤတၢ် 11:9

ဒီးသုကအိၣ်မူဘၣ်ယံာ်ယံာ်ထၢထၢလၢကီၢ်တဘ့ၣ်လၢအထူးဝဲတီၤ ဝဲဒီးဟီၣ်ခိၣ်ညၣ်ထ့ၣ်ဂ့ၤဝဲအပူၤ, လၢယွၤအၢၣ်လီၤတ့ၢ်လၢအကဟ့ၣ်သုမိၢ်ပၢ်ဖံဖုလၢပျၢၤတဖၣ်ဒီး အဝဲသ့ၣ်အစၢၤအသွဲၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 8:7

ယွၤ, သုကစၢ်ယွၤန့ၣ်ဟဲစိာ်နုာ်သုဆူကီၢ်တဘ့ၣ်လၢအပှဲၤဒီး ဟီၣ်ခိၣ်ညၣ်ထ့ၣ်အဂ့ၤ, လၢအမ့ၢ်ကီၢ်တဘ့ၣ်လၢအအိၣ်ဒီးထံကျိတဖၣ်, ထံထီၣ်ပၢၢ်တဖၣ်, ထံကျိဖိလၢဟီၣ်ခိၣ်လာ်ခီ လၢအပုာ်ထီၣ်ယွၤလီၤဆူတၢ်လူၢ်တၢ်တြီၤတဖၣ်အပူၤန့ၣ်လီၤ.