လံာ်သိၣ်လီၤသီလီၤတၢ် 11:1 - Sgaw Karen Common Bible

¹ အဲၣ်ယွၤ, နကစၢ်ယွၤဒီးစူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ထီဘိတက့ၢ်.

လံာ်သိၣ်လီၤသီလီၤတၢ် 11:1 Iomraidhean Croise

စံးထီၣ်ပတြၢၤ 105:45

ဒ်သိးအပှၤဂီၢ်မုၢ်ကစူၢ်အတၢ်သိၣ်တၢ်သီတဖၣ်ဒီး တိၢ်န့ၢ်ဖံးဃာ်အတၢ်မၤလိာ်ခဲလၢာ်န့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 116:1

ယအဲၣ်ယွၤကွံယွၤမ့ၢ်လၢ အဝဲနၢ်ဟူတ့ၢ်လံယကလုၢ် ဒီးယတၢ်ဃ့ကညးတဖၣ်အဃိန့ၣ်လီၤ.

လံာ်ယဃ့းစက့လး 20:19

ယမ့ၢ်ယွၤသုကစၢ်ယွၤန့ၣ်လီၤ. စူၢ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးယတၢ်မၤလိာ်တဖၣ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 18:30

ဒီးယွၤစံးဝဲဒၣ်, “စူၢ်တၢ်မၤလိာ်လၢယဟ့ၣ်လီၤသုဒီးမၤထွဲပှၤ ကလုာ်လၢအအိၣ်တ့ၢ်ဆိဝဲလၢသုမဲာ်ညါတဖၣ်အလုၢ်အလၢ်တဂ့ၤ. မၤဘၣ်အၢလီၤသုသးလၢတၢ်မၤတဖၣ်အံၤန့ၣ်တဂ့ၤ. ယမ့ၢ်ယွၤ, သုကစၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 22:9

ပှၤလုၢ်တၢ်အခိၣ်ခဲလၢာ်ကဘၣ်တိၢ်န့ၢ်တၢ်သိၣ်တၢ်ဘျၢလၢယမၤလိာ် တ့ၢ်တဖၣ်န့ၣ်လီၤ. မ့တမ့ၢ်ဘၣ်ဒီးအဝဲသ့ၣ်ကကဲထီၣ်ပှၤလၢအတၢ်ကမၣ်အိၣ်ဒီးကသံဝဲ ဒၣ်လီၤ. အဂ့ၢ်ဒ်အံၤ, မ့ၢ်လၢအဝဲသ့ၣ်တတိၢ်န့ၢ်ဘၣ်တၢ်သိၣ်တၢ်သီစီဆှံတဖၣ်အဃိလီၤ. ယဲဒၣ်အံၤယမ့ၢ်ယွၤဒီးယမၤကဆှီအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:35

သုကဘၣ်အိၣ်လၢတၢ်ဘူၣ်ထီၣ်ဘါထီၣ်ယွၤအကျဲစၢၤနွံနံၤနွံနၤ, ဒီးမၤတၢ်လၢယွၤမၤလိာ်ဝဲန့ၣ်လီၤ. သုမ့ၢ်တမၤဘၣ်တၢ်န့ၣ်ဒီးသုကသံလီၤ. တၢ်အံၤမ့ၢ်တၢ်လၢယွၤမၤလိာ်ယၤန့ၣ်လီၤ.”

လံာ်စကၤရယၤ 3:7

သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်သိၣ်လီၤသီလီၤတၢ် 11:13

ဒီးလၢတၢ်န့ၣ်အဃိ, စူၢ်တၢ်မၤလိာ်တဖၣ်လၢယဟ့ၣ်လီၤသုတနံၤအံၤတက့ၢ်. အဲၣ်ယွၤ, သုကစၢ်ယွၤဒီးမၤအတၢ်လၢသုသးဒီဖျၢၣ်ညါတက့ၢ်.

လံာ်သိၣ်လီၤသီလီၤတၢ် 11:22

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယဟ့ၣ်လီၤတ့ၢ်သုန့ၣ် လၢတၢ်သူၣ်တီသးရၤအပူၤတက့ၢ်. အဲၣ်ယွၤသုကစၢ်ယွၤ, မၤတၢ်ကိးမံၤဒဲးလၢအဝဲမၤလိာ်ဝဲ, ဒီးအိၣ်ဒီးတၢ်သူၣ်တီသးရၤဒီးအီၤတက့ၢ်.

လံာ်သိၣ်လီၤသီလီၤတၢ် 13:4

ပိာ်ယွၤအခံဒီးအိၣ်ဒီးတၢ်ယူးယီၣ်ပာ်ကဲအီၤတက့ၢ်. စူၢ်အီၤဒီးတိၢ်န့ၢ်ဖံးဃာ်အဝဲအတၢ်မၤလိာ်တဖၣ်တက့ၢ်. ဘူၣ်ထီၣ်ဘါထီၣ်အီၤဒီးသးတီဒီးအီၤတက့ၢ်.

လံာ်သိၣ်လီၤသီလီၤတၢ် 27:10

လၢတၢ်န့ၣ်အဃိစူၢ်အီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်ဘူၣ်တၢ် ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤအံၤန့ၣ်တက့ၢ်.”

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 4:40

စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤ သုတနံၤအံၤ, ဒီးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဒီးသုစၢၤ သုသွဲၣ်တဖၣ်အဂီၢ်န့ၣ်လီၤ. သုကအိၣ်ဆိးဘၣ်ဒံးဆူညါလၢကီၢ်တဘ့ၣ်အံၤအပူၤလၢယွၤ, သုကစၢ်ယွၤဟ့ၣ်လီၤသုဒ်သိးကမ့ၢ်သုတၢ်အစိၤစိၤအဃၣ်ဃၣ်အဂီၢ် န့ၣ်လီၤ.”

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 5:29

ထီဘိအဝဲသ့ၣ်မ့ၢ်ပာ်သူၣ်ပာ်သးဒၣ်ဒ်သိးအံၤဧိၤ, အဝဲသ့ၣ်မ့ၢ်မၤလၤကပီၤဒၣ်ထဲယၤတဂၤအံၤဧိၤ, ဒီးစူၢ်ကယဲၢ်ယတၢ်မၤလိာ်တဖၣ်န့ၣ်, တၢ်ကိးမံၤဒဲးကမၤအသးဂ့ၤ ဂ့ၤဘၣ်ဘၣ်လၢအဝဲသ့ၣ်အဂီၢ်ဒီးလၢအဝဲသ့ၣ်အစၢၤအသွဲၣ်တဖၣ်အဂီၢ် လီၤထူလီၤယိာ်န့ၣ်လီၤ.

လံာ်သိၣ်လီၤသီလီၤတၢ် 6:1

တၢ်တဖၣ်အံၤမ့ၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယွၤ, သုကစၢ်ယွၤမၤလိာ်ယၤဒ်သိးယကသိၣ်လိသီလိန့ၣ်လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်လီၤဒီး မၤန့ၢ်အီၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 6:5

အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.