လံာ်သိၣ်လီၤသီလီၤတၢ် 10:9 - Sgaw Karen Common Bible

⁹ တၢ်န့ၣ်မ့ၢ်ဝဲဘၣ်မနုၤအဃိပှၤလ့ၤဝံဖိတဖၣ်တန့ၢ်ဘၣ်ဟီၣ်ခိၣ် နီတတီၤဒ်ပှၤအဒူၣ်အဂၤတဖၣ်ဒိးန့ၢ်ဝဲအသိးအဂ့ၢ်န့ၣ်လီၤ. တၢ်လၢအဝဲသ့ၣ်ဒိးန့ၢ်ဘၣ်ဝဲန့ၣ်, မ့ၢ်တၢ်ခွဲးတၢ်ယာ်လၢအကဲ ဘၣ်ယွၤအပှၤလုၢ်တၢ်အခိၣ်တဖၣ်, ဒ်ယွၤ, သုကစၢ်ယွၤအၢၣ်လီၤတ့ၢ် ဝဲအသိးန့ၣ်လီၤ.)

လံာ်သိၣ်လီၤသီလီၤတၢ် 10:9 Iomraidhean Croise

လံာ်ယဃ့းစက့လး 44:28

ပှၤလုၢ်တၢ်အခိၣ်တဖၣ်အိၣ်ဒီးပှၤလုၢ်တၢ်အခိၣ်အလီၢ်ဒ်အဝဲသ့ၣ် အတၢ်န့ၢ်သါအသိးလၢယဟ့ၣ်လီၤတ့ၢ်ကီၢ်အံၣ်စရ့လးဒ်သိး ကဟ့ၣ်လီၤဝဲဆူပှၤတစိၤဘၣ်တစိၤအဂီၢ်န့ၣ်လီၤ. အဝဲသ့ၣ် တဘၣ်အိၣ်ဒီးတၢ်စုလီၢ်ခီၣ်ခိၣ်လၢကီၢ်အံၣ်စရ့လးအပူၤဘၣ်. ယမ့ၢ်တၢ်ခဲလၢာ်လၢအဝဲသ့ၣ်လိၣ်ဘၣ်ဝဲန့ၣ်လီၤ.

လံာ်တၢ်ဂံၢ် 26:62

ပှၤလ့ၤဝံဖိအပိာ်ခွါလၢအသးအိၣ်တလါဒီးဆူအဖီခိၣ်အနီၣ်ဂံၢ် အိၣ်ဝဲဒၣ် ခံကလးသၢကထိ ဂၤန့ၣ်လီၤ. အဝဲသ့ၣ်ဘၣ်တၢ်ကွဲးနီၣ်အီၤလီၤဆီဒီးပှၤအံၣ်စရ့လးဖိ အဂၤတဖၣ်, မ့ၢ်လၢအဝဲသ့ၣ်တဘၣ်တၢ်ဟ့ၣ်အီၤတၢ်စုလီၢ်ခီၣ်ခိၣ်နီ တမံၤလၢကီၢ်အံၣ်စရ့လးအပူၤအဃိန့ၣ်လီၤ.

မၤတၢ် 8:21

နတဘၣ်ထွဲဘၣ်ဃးဒီးပတၢ်မၤအံၤဘၣ်. အဂ့ၢ်မ့ၢ်လၢနသးတဘျၢလၢကစၢ်ယွၤအမဲာ်အတၢ်ထံၣ်အပူၤ အဃိလီၤ.

လံာ်သိၣ်လီၤသီလီၤတၢ် 12:12

သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 14:27

ပှၤလ့ၤဝံဖိတဖၣ်လၢအအိၣ်ဆိးလၢသုဝ့ၢ်တဖၣ်အပူၤန့ၣ်, လဲၤကပာ်အီၤတဂ့ၤ. အဝဲသ့ၣ်တအိၣ်ဘၣ်ဒီးအတၢ်စုလီၢ်ခီၣ်ခိၣ် ဒၣ်ဝဲဘၣ်.

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.

လံာ်စီၤယိၤၡူ 14:3

စီၤမိၤၡ့ဟ့ၣ်လီၤတ့ၢ်လံထံ ကျိယၢ်ဒ့ၣ်အမုၢ်ထီၣ်ဆူဒူၣ်အဂၤခံဒူၣ်ဒီးဒူၣ်တဝာ်န့ၣ်လီၤ. (စီၤယိၤသးအစၢၤတဖၣ်ဘၣ်တၢ်နီၤဖးလီၤအီၤခံဒူၣ်လၢအမ့ၢ်ဝဲ မနၤၡ့ၤဒီးအ့ဖရဲၣ်န့ၣ်လီၤ.)