လံာ်သိၣ်လီၤသီလီၤတၢ် 10:5 - Sgaw Karen Common Bible

⁵ ဒီးယဃၣ်ကဒါက့ၤယသးဒီးဟဲက့ၤလီၤလၢကစၢၢ်လိၤန့ၣ်လီၤ. အန့ၣ်ဝံၤဒီး, ဒ်ယွၤမၤလိာ်တ့ၢ်ဝဲဒၣ်အသိး, ယဒၢနုာ်အီၤလၢတလါစီဆှံလၢယမၤတ့ၢ်အီၤအပူၤဒီးအဝဲသ့ၣ် အိၣ်ဖဲန့ၣ်စးထီၣ်လၢန့ၣ်လံၤလံၤလီၤ.

လံာ်သိၣ်လီၤသီလီၤတၢ် 10:5 Iomraidhean Croise

လံာ်တၢ်ဟးထီၣ်ကွံာ် 25:16

အန့ၣ်ဝံၤဒီးလၢၢ်ဘ့ၣ်ဘၣ်ခံဘ့ၣ်လၢတၢ်ကွဲးလီၤတ့ၢ်တၢ်မၤလိာ် တဖၣ်လၢယကဟ့ၣ်သုန့ၣ်ဒၢနုာ်အီၤဆူတလါအပူၤတက့ၢ်.

လံာ်တၢ်ဟးထီၣ်ကွံာ် 25:21

ဒၢနုာ်လၢၢ်ဘ့ၣ်ဘၣ်ခံဘ့ၣ်ဆူတလါအပူၤန့ၣ်ဒီးကးဘၢအီၤလၢ တလါအခိၣ်ကၢၢ်တက့ၢ်.

လံာ်တၢ်ဟးထီၣ်ကွံာ် 32:15

စီၤမိၤၡ့က့ၤလီၤကဒါက့ၤလၢကစၢၢ်လိၤ, စိာ်ဃုာ်ဝဲဒီးလၢၢ် ဘ့ၣ်ဘၣ်ခံဘ့ၣ်လၢတၢ်မၤလိာ်တဖၣ်အိၣ်ကွဲးအသးလၢအလိၤခံကပၤလိာ်န့ၣ်လီၤ.

လံာ်တၢ်ဟးထီၣ်ကွံာ် 34:28

စီၤမိၤၡ့အိၣ်ဖဲန့ၣ်ဒီးယွၤ, အနံၤလွံၢ်ဆံဒီးအနၤလွံၢ်ဆံလီၤ. တအီၣ်တအိတၢ်နီတမံၤဘၣ်. အဝဲကွဲးလီၤတၢ်အၢၣ်လီၤအီလီၤအတၢ်ကတိၤတဖၣ်လၢလၢၢ်ဘ့ၣ်ဘၣ်တဖၣ်အလိၤ, လၢအမ့ၢ်တၢ်မၤလိာ်အထံၣ်တဆံန့ၣ်လီၤ.

လံာ်တၢ်ဟးထီၣ်ကွံာ် 34:29

ဖဲစီၤမိၤၡ့က့ၤလီၤလၢကစၢၢ်စံၤနါအလိၤ, စိာ်ဃုာ်ဒီးတၢ်မၤလိာ်အထံၣ်တဆံန့ၣ်, အမဲာ်သၣ်ကပြုၢ်ကပြီၤဝဲ လၢတၢ်ကတိၤတ့ၢ်တၢ်ဒီးယွၤအဃိလီၤ. ဘၣ်ဆၣ်ဒီးတၢ်န့ၣ်အဝဲတသ့ၣ်ညါဝဲဘၣ်.

လံာ်တၢ်ဟးထီၣ်ကွံာ် 40:20

အန့ၣ်ဝံၤဒီးအဝဲဟံးထီၣ်တၢ်မၤလိာ်အထံၣ်တဆံအလၢၢ်ဘ့ၣ်ဘၣ်ဒီး ဒၢနုာ်အီၤဆူတလါစီဆှံအပူၤန့ၣ်လီၤ. အဝဲဂိာ်နုာ်နီၣ်ယိးဘိတဖၣ်ဆူတလါအကွီၤတဖၣ်အပူၤဒီးပာ်ထီၣ် တလါစီဆှံအခိၣ်ကၢၢ်န့ၣ်လီၤ.

လံာ်သိၣ်လီၤသီလီၤတၢ် 10:2

ဒီးတၢ်လၢယကွဲးလီၤတ့ၢ်အီၤလၢလၢၢ်ဘ့ၣ်ဘၣ်တဖၣ်လၢန မၤသ့ၣ်ဖးအီၤအလိၤန့ၣ်ယကကွဲးလီၤအီၤလၢလၢၢ်ဘ့ၣ်ဘၣ်တဖၣ်အံၤ အလိၤဝံၤဒီးနကဘၣ်ဒၢနုာ်အီၤဆူတလါစီဆှံအပူၤန့ၣ်လီၤ.

လံာ်သိၣ်လီၤသီလီၤတၢ် 9:15

လၢတၢ်န့ၣ်အဃိ, ယဃၣ်ယသးဒီးက့ၤလီၤလၢကစၢၢ်အလိၤ, စိာ်ဃုာ်ဒီးလၢၢ်ဘ့ၣ်ဘၣ်ခံဘ့ၣ်လၢတၢ်အၢၣ်လီၤအီလီၤဘၣ်တၢ် ကွဲးလီၤအီၤလၢအလိၤန့ၣ်လီၤ. မ့ၣ်အူအလၣ်တဖၣ်ကဲၤထီၣ်ဝဲလၢကစၢၢ်တခီန့ၣ်လီၤ.

လံာ်စီၤယိၤၡူ 4:9

ဒီးစီၤယိၤၡူပာ်လီၤစ့ၢ်ကီးလၢၢ်တဆံ ခံဖျၢၣ်လၢထံကျိယၢ်ဒ့ၣ်အခၢၣ်သးလၢတၢ်လီၢ်ဖဲပှၤလုၢ်တၢ်အ ခိၣ်တဖၣ်လၢအစိာ်တၢ်အၢၣ်လီၤအီလီၤအတလါအိၣ်ဆၢထၢၣ်ဝဲန့ၣ်လီၤ. ဒီးလၢၢ်တဖၣ်န့ၣ်အိၣ်ဒံးဝဲတုၤမုၢ်မဆါတနံၤအံၤလီၤ.