လံာ်သိၣ်လီၤသီလီၤတၢ် 10:22 - Sgaw Karen Common Bible

²² ဖဲသုမိၢ်ပၢ်ဖံဖုလၢပျၢၤတဖၣ်လဲၤဆူကီၢ်အဲၤကူပတူးန့ၣ်, အဝဲသ့ၣ်အိၣ်ဒၣ်ထဲပှၤအဂၤနွံဆံဧိၤလီၤ. မ့မ့ၢ်ခဲကနံၣ်အံၤ ယွၤ, သုကစၢ်ယွၤမၤအါထီၣ်တ့ၢ်သုအါအါကလဲာ်ဒ်ဆၣ်ဧိၤဖီဧိၤလၢ မူကပိာ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 10:22 Iomraidhean Croise

လံာ်တၢ်ကဲထီၣ်အခီၣ်ထံး 15:5

ယွၤကိးထီၣ်အီၤဆူတၢ်ချၢဒီးစံးဝဲဒၣ်, “ကွၢ်ထီၣ်ဆူမူခိၣ် ဒီးဂံၢ်ကွၢ်ဆၣ်ဧိၤဖီဧိၤန့ၣ်တက့ၢ်. နကအိၣ်ဒီးနစၢၤနသွဲၣ်အါအါဂီၢ်ဂီၢ်ဒ်န့ၣ်အသိးလီၤ.”

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 46:26

စီၤယၤကိာ်အစၢၤအသွဲၣ်လိၤလိၤတဖၣ်လၢအလဲၤဃုာ်ဒီးအီၤဆူကီၢ် အဲၤကူပတူးန့ၣ်အတၢ်ဂံၢ်မ့ၢ်ဝဲခဲလၢာ်ပှၤဃုဆံဃုဂၤ, န့ၣ်လီၤ. ဖဲအံၤ, အဖိခွါတဖၣ်အမါတဘၣ်တၢ်ဂံၢ်အီၤဘၣ်.

လံာ်တၢ်ကဲထီၣ်အခီၣ်ထံး 46:27

ဖိခွါခံဂၤအိၣ်ဖျဲၣ်ဝဲလၢစီၤယိၤသးအဂီၢ်လၢကီၢ်အဲၤကူ ပတူးအပူၤန့ၣ်လီၤ. စီၤယၤကိာ်အဒူၣ်ဖိထၢဖိလၢအလဲၤန့ၣ်, အတၢ်ဂံၢ်တုၤဆူကီၢ်အဲၤကူပတူးအပူၤမ့ၢ်ဝဲ, ပှၤအဂၤနွံဆံန့ၣ်လီၤ.

လံာ်စီၤနဃ့မယၤ 9:23

နဟ့ၣ်အီၤအဖိတဖၣ်အါအါဂီၢ်ဂီၢ်ဒ်ဆၣ်လၢမူကပိာ်လိၤအသိး ဒီးပျဲအမၤနၢၤကွံာ်ဒီးအိၣ်ဝဲဆိးဝဲလၢထံဧိၤကီၢ်ဧိၤ လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်လၢနကဟ့ၣ် အဝဲသ့ၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 1:5

ဒီးကယဲၢ်ပှၤလၢအဟဲလီၤစၢၤလီၤသွဲၣ်တံၢ်နီၢ်လၢစီၤယၤကိာ် န့ၣ်အနီၣ်ဂံၢ်ခဲလၢာ်မ့ၢ်ဝဲအဂၤနွံဆံန့ၣ်လီၤ. မ့မ့ၢ်စီၤယိၤသးတခီအိၣ်ပာ်စၢၤလံလၢကီၢ်အဲၤကူပတူးအပူၤ န့ၣ်လီၤ.

လံာ်တၢ်ဂံၢ် 26:51

ပှၤအံၣ်စရ့လးဖိပိာ်ခွါအနီၣ်ဂံၢ်ပာ်ဖှိၣ်ခဲလၢာ်မ့ၢ်ဝဲပှၤဃု ကလီၢ်တကထိနွံကယၤသၢဆံဂၤန့ၣ်လီၤ.

လံာ်တၢ်ဂံၢ် 26:62

ပှၤလ့ၤဝံဖိအပိာ်ခွါလၢအသးအိၣ်တလါဒီးဆူအဖီခိၣ်အနီၣ်ဂံၢ် အိၣ်ဝဲဒၣ် ခံကလးသၢကထိ ဂၤန့ၣ်လီၤ. အဝဲသ့ၣ်ဘၣ်တၢ်ကွဲးနီၣ်အီၤလီၤဆီဒီးပှၤအံၣ်စရ့လးဖိ အဂၤတဖၣ်, မ့ၢ်လၢအဝဲသ့ၣ်တဘၣ်တၢ်ဟ့ၣ်အီၤတၢ်စုလီၢ်ခီၣ်ခိၣ်နီ တမံၤလၢကီၢ်အံၣ်စရ့လးအပူၤအဃိန့ၣ်လီၤ.

မၤတၢ် 7:14

သတးဒီး, စီၤယိၤသးဆှၢလီၤတၢ်ကစီၣ်ဆူအပၢ်စီၤယၤကိာ် အအိၣ်ဒီးမၤလိာ်ဝဲလၢအဝဲဒၣ်ဒီးအဒူၣ်ဖိထၢဖိခဲလၢာ်ကဟဲ ဆူကီၢ်အဲၤကူပတူးလီၤ. ပှၤခဲလၢာ်အိၣ်ဝဲနွံဆံယဲၢ်ဂၤလီၤ.

လံာ်သိၣ်လီၤသီလီၤတၢ် 1:10

ယွၤ, သုကစၢ်ယွၤမၤအါထီၣ်သုနီၣ်ဂံၢ်ဒ်ဆၣ်ဧိၤဖီဧိၤတဖၣ်လၢ မူခိၣ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 1:11

မ်ယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤမၤအါထီၣ်သု အစးတဖၣ်လၢအကထိတဖၣ်ဒီးဒုးဘီၣ်ထီၣ်ညီထီၣ်သုဒ်အအၢၣ်လီၤတ့ၢ် ဝဲအသိးန့ၣ်တက့ၢ်.

လံာ်သိၣ်လီၤသီလီၤတၢ် 26:5

တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 28:62

သုမ့ၢ်အါထီၣ်ဂီၢ်ထီၣ်ဝဲဒ်ဆၣ်တဖၣ်လၢမူကပိာ်လိၤဒၣ်လဲာ်, ထဲပှၤလၢသုကျါစှၤဂၤဧိၤကအိၣ်မူတ့ၢ်ဝဲ, မ့ၢ်လၢသုတစူၢ်ဘၣ်ယွၤ, သုကစၢ်ယွၤဘၣ်အဃိန့ၣ်လီၤ.

ဧ့ၤဘြံၤ 11:12

အဂ့ၢ်ဒ်အံၤ, လၢပှၤတဂၤလၢအမၤအသးဒ်ပှၤလၢအသံတ့ၢ်ဝဲ အသိးန့ၣ်, ပှၤလၢအအါဝဲထဲသိးဒီးဆၣ်တဖၣ်လၢမူခိၣ်ဒီးမဲး အဖျၢၣ်ဖိလၢပီၣ်လဲၣ်နံၤလၢပဂံၢ်တသ့ဘၣ်န့ၣ်, လီၤစၢၤဝဲဒၣ်လီၤ.