လံာ်သိၣ်လီၤသီလီၤတၢ် 10:21 - Sgaw Karen Common Bible

²¹ စံးထီၣ်ပတြၢၤအီၤတက့ၢ်. အဝဲဒၣ်မ့ၢ်သုကစၢ်ယွၤ, ဒီးသုထံၣ်ဘၣ်တ့ၢ်လၢသုမဲာ်ချံတဖၣ်ဒၣ်သုဝဲ, လၢအမ့ၢ်, တၢ်တဖၣ်လၢအဒိၣ်ဒီးလီၤလးမးလၢအဝဲအမၤတ့ၢ်ဝဲလၢ သုဂီၢ်န့ၣ်လီၤ.

လံာ်သိၣ်လီၤသီလီၤတၢ် 10:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:23

လၢဟီၣ်ခိၣ်ချၢအံၤပှၤကလုာ်ဂၤလၢကလီၤဂာ်ဒီးအံၣ်စရ့လးလၢ နမၤပူၤဖျဲးအီၤလၢကုၢ်အလီၢ်ဒ်သိးနကဒုးကဲထီၣ်အီၤလၢနပှၤ ဂီၢ်မုၢ်ဒၣ်နဲန့ၣ်, တအိၣ်ဘၣ်နီတကလုာ်ဘၣ်. တၢ်အဒိၣ်အမုၢ်ဒီးတၢ်လီၤလးတဖၣ်လၢနမၤတ့ၢ်လၢအဝဲသ့ၣ်အဂီၢ် န့ၣ်ဒုးဟူထီၣ်သါလီၤနမံၤလၢဟီၣ်ခိၣ်ဒီဘ့ၣ်ညါလီၤ. နဟီထီၣ်ကွံာ်တ့ၢ်ပှၤကလုာ်အဂၤတဖၣ်ဒီးအဝဲသ့ၣ်အကစၢ်တဖၣ်ဖဲနပှၤ ဂီၢ်မုၢ်လဲၤထီၣ်ဒုးတၢ်အခါန့ၣ်လီၤ. ပှၤဂီၢ်မုၢ်အံၤမ့ၢ်ပှၤလၢနမၤထူၣ်ဖျဲးထီၣ်အီၤလၢ ကီၢ်အဲၤကူပတူးဒ်သိးကကဲထီၣ်နပှၤဒၣ်နဲန့ၣ်လီၤ.

စံးထီၣ်ပတြၢၤ 109:1

ကစၢ်ယွၤလၢ ယစံးထီၣ်ပတြၢၤအီၤဧၢ, အိၣ်ဘှီၣ်ကလာ်တဂ့ၤ.

စံးထီၣ်ပတြၢၤ 145:6

ပှၤကကတိၤနတၢ်မၤလီၤလးတဖၣ်အစိအကမီၤ, ဒီးယကတဲဖျါနတၢ်ဒိၣ်တၢ်ထီန့ၣ်လီၤ.

စံးထီၣ်ပတြၢၤ 148:14

အဝဲမၤဆူၣ်ထီၣ်အပှၤကလုာ်အဂံၢ်အဘါ ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 22:3

ဘၣ်ဆၣ်နမ့ၢ်ကစၢ်လၢအစီအဆှံ ဒီးဆ့ၣ်နီၤလၢပှၤအံၣ်စရ့လးဖိသ့ၣ်တဖၣ်အတၢ်စံးထီၣ်ပ တြၢၤအလီၢ်ပစိာ်အဖီခိၣ်န့ၣ်လီၤ.

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်တၢ်ဟးထီၣ်ကွံာ် 34:10

ယွၤစံးဘၣ်စီၤမိၤၡ့, “ခဲအံၤယမၤတၢ်အၢၣ်လီၤအီလီၤတမံၤ ဒီးကီၢ်အံၣ်စရ့လးအပှၤဂီၢ်မုၢ်လီၤ. ယကမၤတၢ်အဒိၣ်အမုၢ်တဖၣ်လၢတမၤတ့ၢ်အသးနီတစုလၢတၢ်လီၢ်နီ တပူၤလၢဟီၣ်ခိၣ်ချၢလၢပှၤနီတကလုာ်အကျါဘၣ်လၢအဝဲသ့ၣ်အမဲာ်ညါလီၤ. ပှၤဂီၢ်မုၢ်ခဲလၢာ်ကထံၣ်ဘၣ်တၢ်မၤဖးဒိၣ်တဖၣ်လၢယၤ, ယွၤ, မၤဝဲသ့န့ၣ်လီၤ. အဂ့ၢ်ဒ်အံၤ, ယကမၤတၢ်လီၤလးလၢသုဂီၢ်လီၤ.

လံာ်ယၡါယၤ 60:19

မုၢ်တမ့ၢ်လၢၤနတၢ်ကပီၤလၢမုၢ်ဆါမ့ၢ်ဂ့ၤ, လါတမ့ၢ်လၢၤနတၢ်ကပီၤလၢမုၢ်နၤခီမ့ၢ်ဂ့ၤလၢၤဘၣ်. ယၤ, ယွၤအံၤ, ကမ့ၢ်နတၢ်ကပီၤအထူအယိာ်, ဒီးယလၤကပီၤအတၢ်ကပီၤန့ၣ် ကကပီၤထီၣ်လၢနဖီခိၣ်လီၤ.

လံာ်ယၡါယၤ 64:3

အဆၢကတီၢ်အိၣ်တ့ၢ်ဝဲတဘျီဖဲနဟဲဒီးမၤတ့ၢ်တၢ်လီၤပျံၤလီၤဖုး တဖၣ်လၢပတမုၢ်လၢ်တ့ၢ်ဘၣ်, ကစၢၢ်တဖၣ်ထံၣ်တ့ၢ်နၤဒီးဟူးဝးဝဲလၢတၢ်ပျံၤတၢ်ဖုးအပူၤလီၤ.

လံာ်ယံးရမံယၤ 17:14

ယွၤဧၢ, မၤဘျါယၤတက့ၢ်. ဒီးယကဘျါက့ၤလၢလၢပှဲၤပှဲၤန့ၣ်လီၤ. မၤပူၤမၤဖျဲးယၤတက့ၢ်. ဒီးယကပူၤဖျဲးလၢလၢပှဲၤပှဲၤန့ၣ်လီၤ. နမ့ၢ်ပှၤတဂၤလၢယစံးထီၣ်ပတြၢၤအီၤန့ၣ်လီၤ.

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်စီၤယိၤၡူ 24:18

ဒီးဖဲပနုာ်လီၤဆူထံကီၢ်အံၤအပူၤဒီး, ယွၤဟီကွံာ်ပှၤအမိၢ်ဖိခဲလၢာ်လၢအအိၣ်ဖဲအံၤန့ၣ်လီၤ. လၢတၢ်န့ၣ်အဃိပဝဲစ့ၢ်ကီးပကမၤယွၤအတၢ်လီၤ. အဂ့ၢ်ဒ်အံၤ, အဝဲဒၣ်မ့ၢ်ပကစၢ်ယွၤလီၤ.”

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:24

စူၢ်ယွၤဒီးမၤအတၢ်မၤလၢတၢ်သူၣ်တီသးလိၤအပူၤလၢသုသးဒီဖျၢၣ်ညါတက့ၢ်. သ့ၣ်နီၣ်တၢ်မၤဖးဒိၣ်လၢအဝဲမၤတ့ၢ်ဝဲလၢသုဂီၢ်တက့ၢ်.