လံာ်သိၣ်လီၤသီလီၤတၢ် 10:19 - Sgaw Karen Common Bible

¹⁹ မၤသးဒ်န့ၣ်ဒီး, ဒုးနဲၣ်တၢ်အဲၣ်တၢ်ကွံလၢပှၤတခီဘီမုၢ်ဖိ တဖၣ်တက့ၢ်. အဂ့ၢ်ဒ်အံၤ, တဘျီန့ၣ်သုမ့ၢ်တ့ၢ်ပှၤတခီ ဘီမုၢ်ဖိတဖၣ်လၢကီၢ်အဲၤကူပတူးအပူၤလီၤ.

လံာ်သိၣ်လီၤသီလီၤတၢ် 10:19 Iomraidhean Croise

လံာ်တၢ်ဟးထီၣ်ကွံာ် 22:21

မၤတရီတပါမ့တမ့ၢ်မၤနးမၤဖှီၣ်ပှၤတခီဘီမုၢ်ဖိတဂၤန့ၣ်တဂ့ၤ. သ့ၣ်နီၣ်ထီၣ်လၢသုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ် အဲၤကူပတူးအပူၤန့ၣ်တက့ၢ်.

လံာ်ယဃ့းစက့လး 47:22

ကီၢ်န့ၣ်ကဘၣ်မ့ၢ်သုတၢ်လီၤစိၤလီၤဃၣ်န့ၣ်လီၤ. ပှၤတခီဘီမုၢ်ဖိတဖၣ်လၢအအိၣ်ဆိးလၢသု ကျါဒီးပှၤတဖၣ်လၢအအိၣ်ဖျဲၣ်ထီၣ်ဖဲအံၤစ့ၢ်ကီးကဘၣ်မၤန့ၢ် စ့ၢ်ကီးတၢ်နီၤဖးလၢအဂီၢ်လၢကီၢ်အံၤအပူၤဖဲသုနီၤလီၤအီၤ အခါန့ၣ်လီၤ. အဝဲသ့ၣ်ကဘၣ်တၢ်ပာ်အီၤဒ်ပှၤအံၣ်စရ့လး အထံဖိကီၢ်ဖိတဖၣ်နီၢ်နီၢ်အသိးဒီးကဘၣ်ဖီၣ်တၢ်ဖးတဖၣ်လၢ အကီၢ်တၢ်န့ၢ်သါတဖၣ်အဂီၢ်ဃုာ်ဒီးကီၢ်အံၣ်စရ့လးအဒူၣ် ထၢတဖၣ်န့ၣ်လီၤ.

လံာ်ယဃ့းစက့လး 47:23

ပှၤတခီဘီမုၢ်ဖိတဂၤစုာ်စုာ်လၢအအိၣ်ဆိးဖဲန့ၣ်ကန့ၢ်ဘၣ် အတၢ်န့ၢ်သါဃုာ်ဒီးပှၤအဒူၣ်အပှၤဂီၢ်မုၢ်လၢအဝဲသ့ၣ် အိၣ်ဆိးလၢအကျါန့ၣ်လီၤ. ယၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်လူၤကၣ် 17:18

ဘၣ်မနုၤအဃိပှၤကလုာ်ဂၤတဂၤအံၤမ့ၢ်ဝဲပှၤထဲတဂၤဧိၤလၢ အဟဲက့ၤဒီးဟ့ၣ်က့ၤတၢ်စံးဘျုးဆူကစၢ်ယွၤန့ၣ်လဲၣ်.”

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

လံာ်သိၣ်လီၤသီလီၤတၢ် 23:7

သးဘၣ်အၢပှၤအဒိၣ်တဖၣ်တဂ့ၤ. အဝဲသ့ၣ်မ့ၢ်သုဘူးသုတံၢ်တဖၣ် န့ၣ်လီၤ. ဒီးသးဘၣ်အၢပှၤအဲၤကူပတူးဖိတဖၣ်န့ၣ်တဂ့ၤ, တဘျီန့ၣ်သုအိၣ်ဆိးတ့ၢ်လၢအဝဲသ့ၣ်အကီၢ်ပူၤန့ၣ်လီၤ.

လံာ်သိၣ်လီၤသီလီၤတၢ် 23:8

စးထီၣ်လၢအဝဲသ့ၣ်အစၢၤအသွဲၣ်တဖၣ်သၢစိၤတစိၤဒီးဆူညါန့ၣ် တၢ်ကဘၣ်ဂံၢ်ဃုာ်အီၤလၢယွၤအပှၤဂီၢ်မုၢ်အကျါန့ၣ်လီၤ.