လံာ်သိၣ်လီၤသီလီၤတၢ် 10:18 - Sgaw Karen Common Bible

¹⁸ အဝဲမၤလီၤတံၢ်ဝဲလၢဖိၣ်ဃဲတဖၣ်ဒီးမုၣ်ကမဲတဖၣ်ကဘၣ်တၢ်မၤ အီၤတီတီလိၤလိၤန့ၣ်လီၤ. အဝဲအဲၣ်ပှၤတခီဘီမုၢ်ဖိတဖၣ်လၢအအိၣ်ဆိးဝဲလၢပပှၤဂီၢ်မုၢ်အကျါ, ဒီးဟ့ၣ်လီၤအဝဲသ့ၣ်လၢတၢ်အီၣ်တၢ်အီဒီးတၢ်ကူတၢ်သိးတဖၣ်န့ၣ်လီၤ.

လံာ်သိၣ်လီၤသီလီၤတၢ် 10:18 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 19:7

ယူးယီၣ်ပာ်ကဲယွၤဒီးမၤတၢ်လီၤတံၢ်လီၤဆဲးတက့ၢ်. အဂ့ၢ်ဒ်အံၤ, ယွၤ, ပကစၢ်ယွၤန့ၣ်, တၢ်လီတၢ်ဝ့ၤမ့ၢ်ဂ့ၤ, တၢ်ကွၢ်မဲာ်တၢ်မ့ၢ်ဂ့ၤတၢ်ဟံးန့ၢ်ခိၣ်ဖးလာ်ဆှိးမ့ၢ်ဂ့ၤတအိၣ် ဘၣ်ဒီးအီၤဘၣ်.”

စံးထီၣ်ပတြၢၤ 10:18

နကဒိကနၣ်ပှၤလၢအဘၣ်တၢ်ဆီၣ်ဘံၣ်ဆီၣ်ဘၢအီၤ, ပှၤဖိၣ်ဃဲဖိသ့ၣ်တဖၣ်အတၢ်ကိးပသူထီၣ်လီၤ.

စံးထီၣ်ပတြၢၤ 103:6

ယွၤမၤတၢ်တီတၢ်လိၤဒီးတၢ်မ့ၢ်တၢ်တီလၢ ကယဲၢ်ပှၤလၢတၢ်မၤအၢမၤနးအီၤအဂီၢ်လီၤ.

စံးထီၣ်ပတြၢၤ 145:9

ယွၤန့ၣ်ဂ့ၤဝဲလၢပှၤခဲလၢာ်အဂီၢ်, ဒီးအတၢ်သးကညီၤန့ၣ်အိၣ်ဝဲလၢကယဲၢ်တၢ်လၢ အတ့လီၤဝဲခဲလၢာ်အဂီၢ်န့ၣ်လီၤ.

စံးထီၣ်ပတြၢၤ 146:9

ယွၤအံးထွဲကွၢ်ထွဲပှၤသမှံၤလၢအအိၣ်ဆိးလၢပကီၢ်ပူၤ, အဝဲမၤစၢၤပှၤမုၣ်ကမဲတဖၣ်ဒီးပှၤဖိၣ်ဃဲဖိတဖၣ်လီၤ. မ့မ့ၢ်ပှၤတတီတလိၤအကျဲန့ၣ်ဒုးဟးဂီၤကွံာ်ဝဲလီၤ.

စံးထီၣ်ပတြၢၤ 68:5

ကစၢ်ယွၤလၢအအိၣ်လၢအလီၢ်စီဆှံအပူၤန့ၣ် မ့ၢ်ပှၤဖိၣ်ဃဲအပၢ်ဒီးပှၤလၢကဟုဘံၣ်ကယာ်ဘၢ မုၣ်ကမဲသ့ၣ်တဖၣ်န့ၣ်လီၤ.

စံးထီၣ်ပတြၢၤ 68:6

ပှၤလၢအအိၣ်သယုၢ်ထဲတဂၤဧိၤန့ၣ် ယွၤဟ့ၣ်အီၤဟံၣ်လၢကအိၣ်ဝဲ, အဝဲဆှၢဝဲပှၤဘၣ်တၢ်စၢဃာ်သ့ၣ်တဖၣ်ဆူ တၢ်အီၣ်ကုာ်အီပှဲၤန့ၣ်လီၤ. မ့မ့ၢ်ပှၤပူထီၣ်တၢ်ဖိသ့ၣ်တဖၣ်န့ၣ် အိၣ်ဝဲဆိးဝဲလၢတၢ်လီၢ်အိၣ်သယုၢ်န့ၣ်လီၤ.

လံာ်တၢ်ဟးထီၣ်ကွံာ် 22:20

ပှၤတဂၤလၢ်လၢ်လၢအလုၢ်တၢ်ပာ်တၢ်ဆူကစၢ်အဂုၤအဂၤတဂၤလၢ်လၢ် အအိၣ်လၢယၤ, ယွၤအမဲာ်ညါန့ၣ်, စံၣ်ညီၣ်သံကွံာ်အီၤတက့ၢ်.

လံာ်တၢ်ဟးထီၣ်ကွံာ် 22:21

မၤတရီတပါမ့တမ့ၢ်မၤနးမၤဖှီၣ်ပှၤတခီဘီမုၢ်ဖိတဂၤန့ၣ်တဂ့ၤ. သ့ၣ်နီၣ်ထီၣ်လၢသုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ် အဲၤကူပတူးအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 22:22

မၤတရီတပါဒီးမၤနးမၤဖှီၣ်မုၣ်ကမဲမ့ၢ်ဂ့ၤ, ဖိၣ်ဃဲမ့ၢ်ဂ့ၤနီတဂၤတဂ့ၤ.

လံာ်တၢ်ဟးထီၣ်ကွံာ် 22:23

သုမ့ၢ်မၤဒီးဖဲအဝဲသ့ၣ်ကိးထီၣ်ယၤယွၤအံၤလၢတၢ်မၤစၢၤ အဂီၢ်န့ၣ်ယကစံးဆၢအဝဲသ့ၣ်,

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယံးရမံယၤ 49:11

ပာ်လီၤတဲာ်သုဖိၣ်ဃဲဖိတဖၣ်ဒီး ယၤတက့ၢ်. ဒီးယကအံးထွဲကွၢ်ထွဲအဝဲသ့ၣ်လီၤ. သုပှၤမုၣ်ကမဲတဖၣ် သန့ၤအသးလၢ ယၤသ့ဝဲလီၤ.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 25:35

ဒီးပှၤအံၣ်စရ့လးဖိကဒဲကဒဲလၢအအိၣ် ဘူးဒီးသုတဂၤမ့ၢ်ဖှီၣ်လီၤယာ်လီၤဒီးမၤစၢၤလီၤက့ၤအသး တသ့ဘၣ်န့ၣ်, သုကဘၣ်လုၢ်အီၣ်အီၤဒ်သုလုၢ်အီၣ်ပှၤတခီ ဘီမုၢ်ဖိတဂၤအသိး, ဒ်သိးအကအိၣ်မူဒီးသုကသ့ဝဲအဂီၢ်န့ၣ်လီၤ.

လံာ်တၢ်ဂံၢ် 10:32

နမ့ၢ်ဟဲဃုာ်ဒီးပှၤန့ၣ်, ပကနီၤဟ့ၣ်နၤလၢကယဲၢ်တၢ်ဆိၣ်ဂ့ၤတဖၣ် လၢယွၤဟ့ၣ်လီၤပှၤတဖၣ်န့ၣ်လီၤ.”

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

လံာ်သိၣ်လီၤသီလီၤတၢ် 27:19

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအထုးထီၣ်ကွံာ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်လၢအဝဲသ့ၣ်အတၢ်ခွဲးတၢ်ယာ် တဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”