လံာ်သိၣ်လီၤသီလီၤတၢ် 10:17 - Sgaw Karen Common Bible

¹⁷ ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

လံာ်သိၣ်လီၤသီလီၤတၢ် 10:17 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 19:7

ယူးယီၣ်ပာ်ကဲယွၤဒီးမၤတၢ်လီၤတံၢ်လီၤဆဲးတက့ၢ်. အဂ့ၢ်ဒ်အံၤ, ယွၤ, ပကစၢ်ယွၤန့ၣ်, တၢ်လီတၢ်ဝ့ၤမ့ၢ်ဂ့ၤ, တၢ်ကွၢ်မဲာ်တၢ်မ့ၢ်ဂ့ၤတၢ်ဟံးန့ၢ်ခိၣ်ဖးလာ်ဆှိးမ့ၢ်ဂ့ၤတအိၣ် ဘၣ်ဒီးအီၤဘၣ်.”

လံာ်စီၤနဃ့မယၤ 1:5

ဒီးယစံး, ယွၤ, မူခိၣ်အကစၢ်ယွၤဧၢ, နဒိၣ်ဝဲနီၢ်မးလီၤ. ဒီးပဆၢထၢၣ်လၢတၢ်ပျံၤတၢ်ဖုးအပူၤလၢနခီၣ်ထံးမဲာ်ညါလီၤ. နဟံးဃာ်ဂၢၢ်ကျၢၤနတၢ်အၢၣ်ဒီးလၢပှၤလၢအအဲၣ်နၤဒီးပှၤလၢအလူၤ ထွဲနတၢ်မၤလိာ်န့ၣ်လီၤ.

လံာ်စီၤနဃ့မယၤ 4:14

ဒီးယထံၣ်လၢပှၤဂီၢ်မုၢ်တဖၣ်ဘၣ်ယိၣ်ဘၣ်ဘှီတၢ်န့ၣ်လီၤ. လၢတၢ်န့ၣ်အဃိယစံးဘၣ်အဝဲသ့ၣ်, အခိၣ်အနၢ်တဖၣ်ဒီးအပဒိၣ်တဖၣ်, “ပျံၤပဒုၣ်ပဒါတဂ့ၤ. သ့ၣ်နီၣ်ထီၣ်လၢယွၤန့ၣ်ဒိၣ်ဝဲဒီးလီၤပျံၤထဲလဲၣ်န့ၣ်တက့ၢ်. ဒီးဒုးတၢ်လၢသုထံဖိကီၢ်ဖိသ့ၣ်တဖၣ်, သုဖိသုလံၤသ့ၣ်တဖၣ်, သုမါတဖၣ်ဒီးသုဟံၣ်တဖၣ်အဂီၢ်န့ၣ်တက့ၢ်.”

လံာ်စီၤနဃ့မယၤ 9:32

အိယွၤ, ပကစၢ်ယွၤဧၢ, နဒိၣ်ဝဲထီဝဲဆံးဒိၣ်လဲၣ်. နလီၤပျံၤဒီးနစိကမီၤဒိၣ်ဝဲဆံးဒိၣ်လဲၣ်. နဟံးဃာ်ဂၢၢ်ကျၢၤနတၢ်အၢၣ်လီၤလၢတၢ်သးတီ အပူၤလီၤ. စးထီၣ်လၢကီၢ်အၤၡူၢ်အစီၤပၤတဖၣ် မၤနးမၤဖှီၣ်ပှၤဒီး တုၤခဲကနံၣ်အံၤဒၣ်လဲာ်ပတူၢ်ဘၣ်ခီၣ်ဘၣ်တၢ်ထဲလဲၣ်. ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ်, ပဝံတဖၣ်, ပမိၢ်ပၢ်ဖံဖုလၢပျၢၤတဖၣ်ဒီးပပှၤဂီၢ်မုၢ်တဖၣ်တူၢ်ဘၣ်တ့ၢ်လံ တၢ်န့ၣ်လီၤ. သ့ၣ်နီၣ်ထီၣ်ပတူၢ်ဘၣ်တ့ၢ်တၢ်ထဲလဲၣ်န့ၣ်တက့ၢ်.

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

စံးထီၣ်ပတြၢၤ 99:3

မ်ပှၤကိးဂၤစံးထီၣ်ပတြၢၤအမံၤလၢအမ့ၢ်တၢ်အဒိၣ် ဒီးတၢ်လီၤပျံၤန့ၣ်တက့ၢ်. အဝဲဒၣ်န့ၣ်စီဆှံဝဲလီၤ.

လံာ်တၢ်ဟးထီၣ်ကွံာ် 23:8

တူၢ်လိာ်ခိၣ်ဖးလာ်ဆှိးတဂ့ၤ. အဂ့ၢ်ဒ်အံၤ, ခိၣ်ဖးလာ်ဆှိးမၤဘျီၣ်ပှၤအမဲာ်ဒ်သိးအသုတထံၣ်တၢ်အဘၣ်ဒီးမၤ ဟးဂီၤပှၤလၢအတၢ်ကမၣ်တအိၣ်ဘၣ်တဖၣ်အကွီၢ်န့ၣ်လီၤ.

လံာ်ယၡါယၤ 37:16

“ယွၤစိဒိၣ်ကမီၤဒိၣ်, အံၣ်စရ့လးအကစၢ်ယွၤ, လၢအအိၣ်လၢလီၢ်ပစိာ်ထီၣ်ထီလၢခ့ရူာ်တဖၣ်အဖီခိၣ်တဂၤဧၢ, နမ့ၢ်ကစၢ်ယွၤထဲတဂၤဧိၤလၢအပၢဟီၣ်ခိၣ်ဘီမုၢ်တဖၣ်လီၤ. နတ့လီၤတ့ၢ်ဟီၣ်ခိၣ်ဒီးမူကပိာ်လိၤလီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 20:11

ဘၣ်ဆၣ်ဒီးနဲဒၣ်ယွၤဧၢ, နအိၣ်လၢယအိၣ်တခီ, ဂံၢ်ဆူၣ်ဘါဆူၣ် ဒီးစိဒိၣ်ကမီၤထီ, ဒီးပှၤလၢအမၤအၢမၤနးယၤတဖၣ်ကဃၣ်ကွံာ် ဝဲန့ၣ်လီၤ. အဝဲသ့ၣ်ကဘၣ်တၢ်မၤမဲာ်ဆှးအီၤလီၤထူလီၤယိာ်, မ့ၢ်လၢအဝဲသ့ၣ်မၤန့ၢ်မၤနၢၤတၢ်တသ့ဘၣ်အဃိန့ၣ်လီၤ.

လံာ်ယံးရမံယၤ 32:18

နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ် တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ. နမ့ၢ်ယွၤသ့တၢ်လၢာ်တဂၤလီၤ.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 2:45

ဒ်နထံၣ်တ့ၢ်လၢၢ်တဖျၢၣ်လၢပှၤတထိးဘၣ်အီၤလၢအစုနီတဂၤ န့ၣ်လီၤတပှၢ်လၢလ့ကဘျၣ်ဖးထီအလိၤဒီးဟဲလီၤတီၢ်ဘၣ်တၢ်ဂီၤ န့ၣ်ဒီးမၤသဘှံးကွံာ်ထး, တိၢ်ဘီ, ကပံာ်, စ့ဒီးထူအသိးန့ၣ်, ကစၢ်ယွၤဖးဒိၣ်တဂၤလီၣ်ဖျါထီၣ်န့ၢ်နဲဒၣ်စီၤပၤလၢတၢ် ကမၤအသးဆူညါတဖၣ်အဂ့ၢ်န့ၣ်လီၤ. ယစံးဘၣ်တ့ၢ်နၤလီၤတံၢ်လီၤဆဲးတၢ်လၢနမံမီၢ်တ့ၢ်ဒီးဖးန့ၢ် တ့ၢ်နၤအခီပညီအမ့ၢ်အတီလီၤ.”

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်မၢ်ကူး 12:14

အဝဲသ့ၣ်ဟဲဆူအအိၣ်ဒီးစံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤတီပှၤလိၤဒီးကတိၤတၢ်တီတီလိၤလိၤ, ဒီးနတပျံၤဒီးကွၢ်မဲာ်ပှၤနီတဂၤဘၣ်န့ၣ်လီၤ. ပှၤအိၣ်ဒီးပှၤလီၢ်ပှၤလၤန့ၣ်နတပာ်ဒိၣ်လီၤဆီအီၤဘၣ်, မ့မ့ၢ်ကစၢ်ယွၤအကျဲလၢအပာ်လီၤဝဲလၢပှၤကညီအဂီၢ်န့ၣ်နသိၣ် လိသီလိအီၤတီတီလိၤလိၤလီၤ. တဲဘၣ်ပှၤတက့ၢ်. ပဟ့ၣ်တၢ်ခိတၢ်သွဲဆူရိမ့ၤအစီၤပၤဖးဒိၣ်န့ၣ် မ့ၢ်အကြၢးဝဲဘၣ်ဝဲကစီဒီဧါ. မ့ၢ်အတကြၢးတဘၣ်ဘၣ်လဲၣ်. မ့ၢ်ပကြၢးဟ့ၣ်ဧါ, မ့တမ့ၢ်တကြၢးဟ့ၣ်ဘၣ်လဲၣ်.”

မၤတၢ် 10:34

ဒီးစီၤပ့းတရူးအဲးထီၣ်အထးခိၣ်ဒီးစံးဝဲ, “ခဲကနံၣ်အံၤယသ့ၣ်ညါလံတၢ်မ့ၢ်တၢ်တီလၢ ကစၢ်ယွၤတကွၢ်မဲာ်ပှၤနီတဂၤဘၣ်န့ၣ်လီၤ.

ရိမ့ၤ 2:11

အဂ့ၢ်ဒ်အံၤ, ယွၤစံၣ်ညီၣ်ပှၤကိးဂၤဒဲးလၢတၢ်တကွၢ်ဒိၣ်ဆံးအါစှၤတၢ် အပူၤန့ၣ်လီၤ.

ကလၤတံ 2:6

မ့မ့ၢ်ပှၤသ့ၣ်တဖၣ်လၢအဖျါဒ်ပှၤခိၣ်ပှၤနၢ်တဖၣ်အသိးန့ၣ်, ပစံးတၢ်အံၤမ့ၢ်လၢအဝဲသ့ၣ်မ့ၢ်တ့ၢ်တၢ်မနုၤလဲၣ်န့ၣ်တမ့ၢ် တၢ်လီၤဆီလၢယဂီၢ်ဘၣ်န့ၣ်လီၤ. ကစၢ်ယွၤတစံၣ်ညီၣ်တၢ်ဒ်တၢ်အိၣ်ဖျါလၢခိအသိးဘၣ်. ပှၤခိၣ်ပှၤနၢ်သ့ၣ်တဖၣ်န့ၣ်, ယစံးယဲတအိၣ်ဒီးတၢ်ဟ့ၣ်ကူၣ်ဟ့ၣ်ဖးအသီလၢယဂီၢ်နီတမံၤဘၣ်.

အ့းဖ့းစူး 6:9

ကစၢ်သ့ၣ်ဧၢ, မၤသုကုၢ်သုပှၤဒ်န့ၣ်အသိး, ဒီးဆိကတီၢ်တၢ်ကတိၤပျံၤကတိၤဖုးအဝဲသ့ၣ်တက့ၢ်. သ့ၣ်ညါသုဝဲလၢအဝဲသ့ၣ်ဒီးသု, သုကစၢ်အိၣ်တဂၤဃီလၢမူခိၣ်ဒီးကစၢ်အံၤတကွၢ်မဲာ်ပှၤနီတဂၤ ဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 1:17

ယတဲအဝဲသ့ၣ်လၢ, အသုတကွၢ်မဲာ်တၢ်လၢအတၢ်စံၣ်ညီၣ်တဖၣ်အပူၤတ ဂ့ၤ. လၢတၢ်စံၣ်ညီၣ်အပူၤန့ၣ်ကဘၣ်ဒိကနၣ်ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤဒ်သိးသိးန့ၣ်လီၤ. တဘၣ်ပျံၤဘၣ်ပှၤနီတဂၤဘၣ်. အဂ့ၢ်ဒ်အံၤ, တၢ်စံၣ်ညီၣ်တဲာ်တဖၣ်လၢ အမၤဝဲန့ၣ်ဟဲလၢကစၢ်ယွၤအအိၣ်လီၤ. တၢ်ဂ့ၢ်တမံၤဂ့ၤတမံၤဂ့ၤမ့ၢ်ကီကဲာ်ဆိးလၢအဂီၢ်န့ၣ်, ကဘၣ်ဟဲစိာ်ဝဲဆူယအိၣ်လီၤ. ဒီးယကစံၣ်ညီၣ်တဲာ်အီၤန့ၣ်လီၤ.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.

လံာ်သိၣ်လီၤသီလီၤတၢ် 24:17

ဟံးန့ၢ်ကွံာ်ပှၤတခီဘီမုၢ်ဖိတဖၣ်ဒီးပှၤဖိၣ်ဃဲတဖၣ်အတၢ်ခွဲးတၢ်ယာ်တဂ့ၤ, ဒီးဟံးန့ၢ်ကွံာ်ပှၤမုၣ်ကမဲတဂၤအဆ့ဖးထီဒ်တၢ်အုၣ်ကီၤအသိး လၢတၢ်ဒုးလိၢ်တမံၤအဂီၢ်တဂ့ၤ.

လံာ်သိၣ်လီၤသီလီၤတၢ် 27:25

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအတူၢ်လိာ်တိၢ်စ့ဒ်သိးကမၤသံပှၤတဂၤလၢအတၢ်ကမၣ်တအိၣ်ဘၣ် အဂီၢ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 7:21

လၢတၢ်န့ၣ်အဃိ, ပျံၤဘၣ်ပှၤဂီၢ်မုၢ်တဖၣ်အံၤတဂ့ၤ. ယွၤ, သုကစၢ်ယွၤအိၣ်ဒီးသုလီၤ. အဝဲမ့ၢ်ကစၢ်ယွၤတဂၤလၢအဒိၣ် နီၢ်မး, ဒီးပှၤတဂၤလၢကြၢးဘၣ်တၢ်ပျံၤအီၤန့ၣ်လီၤ.

ကလီးစဲ 3:25

ဒီးပှၤမၤကမၣ်တၢ်ကိးဂၤဒဲးန့ၣ်ကဘၣ်တၢ်ဟ့ၣ်ကၣ်က့ၤအီၤဒ် အမၤတၢ်အသိးလီၤ. အဂ့ၢ်ဒ်အံၤကစၢ်ယွၤလၢအစံၣ်ညီၣ်တၢ်န့ၣ်, တကွၢ်မဲာ်ပှၤနီတဂၤဘၣ်.

၁ တံၤမသ့း 6:15

အတၢ်ဟဲအံၤကဘၣ်တၢ်ဒုးအိၣ်ဖျါထီၣ်အီၤဘၣ်ဆၢဘၣ် ကတီၢ်လၢကစၢ်ယွၤ, လၢအဘၣ်ဆိၣ်ဂ့ၤဒီးပၢတၢ်ထဲတဂၤဧိၤ, စီၤပၤတဖၣ်အစီၤပၤဒီးကစၢ်တဖၣ်အကစၢ်န့ၣ်လီၤ.

လံာ်စီၤယိၤၡူ 22:22

တၢ်စိတၢ်ကမီၤတဂၤမ့ၢ်ကစၢ်ယွၤလီၤ. အဝဲဒၣ်မ့ၢ်ယွၤလီၤ. တၢ်စိတၢ်ကမီၤတဂၤမ့ၢ်ကစၢ်ယွၤလီၤ. အဝဲဒၣ်မ့ၢ်ယွၤလီၤ. ပမၤတၢ်အံၤလၢမနုၤအဃိလဲၣ်န့ၣ်အဝဲဒၣ်သ့ၣ်ညါ ဝဲဒီးပသးအိၣ်လၢသုကသ့ၣ်ညါစ့ၢ်ကီးလီၤ. ပမ့ၢ်ပူထီၣ်တၢ်ဒီးပမ့ၢ်တပာ်ပတၢ် နာ်လၢယွၤဘၣ်ဒီး, တဘၣ်ပျဲပအိၣ်မူယံာ်ထီၣ်လၢၤတဂ့ၤ.

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.