လံာ်သိၣ်လီၤသီလီၤတၢ် 10:15 - Sgaw Karen Common Bible

¹⁵ မ့မ့ၢ်ယွၤအတၢ်အဲၣ်လၢသုမိၢ်ပၢ်ဖံဖုလၢပျၢၤတဖၣ်အဂီၢ်န့ၣ်, ဆူၣ်ဝဲဒိၣ်မးတုၤဒၣ်လဲာ်, အဝဲဒၣ်ဃုထၢသု, လၢပှၤဂီၢ်မုၢ်အဂုၤအဂၤတဖၣ်အလီၢ်န့ၣ်လီၤ. ဒီးသုမ့ၢ်ဒံးဒၣ်အဝဲအပှၤဂီၢ်မုၢ်လၢအဃုထၢဝဲန့ၣ်လီၤ.

လံာ်သိၣ်လီၤသီလီၤတၢ် 10:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:13

သုဝဲပှၤလီၤစၢၤလီၤသွဲၣ်လၢကစၢ်ယွၤအခ့အပှၤစီၤအံၣ်စရ့လး, ပှၤလၢကစၢ်ယွၤဃုထၢဝဲတဂၤ, စီၤယၤကိာ်အဖိအလံၤသ့ၣ်ဧၢ,

စံးထီၣ်ပတြၢၤ 135:4

အဂ့ၢ်ဒ်အံၤ, ယွၤဃုထၢတ့ၢ်လံဝဲ ယၤကိာ်လၢအဂီၢ်ဒၣ်ဝဲ, အံၣ်စရ့လးဒ်အတၢ်ဒၣ်ဝဲအသိးန့ၣ်လီၤ.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”

လံာ်တၢ်ဂံၢ် 14:8

ယွၤမ့ၢ်ဘၣ်အသးလၢပှၤဒီးအဝဲကဆှၢပှၤဆူန့ၣ်, ဒီးဟ့ၣ်ပှၤလၢကီၢ်အထူးအတီၤဒီးကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ န့ၣ်လီၤ.

ရိမ့ၤ 11:28

မ့ၢ်လၢအဝဲသ့ၣ်တတူၢ်လိာ်တၢ်သးခုကစီၣ်အဃိ, ပှၤယူဒၤဖိတဖၣ်မ့ၢ်ကစၢ်ယွၤအဒုၣ်အဒါလၢသုဝဲပှၤကလုာ်ဂၤ တဖၣ်အဂီၢ်လီၤ. ဘၣ်ဆၣ်ဒီးမ့ၢ်လၢယွၤအတၢ်ဃုထၢအဃိ, အဝဲသ့ၣ်မ့ၢ်ယွၤအတံၤသကိးတဖၣ်လၢမိၢ်ပၢ်ဖံဖုလၢပျၢၤ တဖၣ်အဃိလီၤ.

လံာ်သိၣ်လီၤသီလီၤတၢ် 4:37

မ့ၢ်လၢအအဲၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဃိ, အဝဲဃုထၢသုဒီးခီဖျိလၢအဝဲအစိကမီၤဖးဒိၣ်န့ၣ်အဝဲအနီၢ် ကစၢ်ဒၣ်ဝဲထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.