လံာ်သိၣ်လီၤသီလီၤတၢ် 10:10 - Sgaw Karen Common Bible

¹⁰ ယအိၣ်လၢကစၢၢ်ဒီခိၣ်လၢအနံၤလွံၢ်ဆံဒီးအနၤလွံၢ်ဆံ အတီၢ်ပူၤ, ဒ်ယမၤတ့ၢ်အီၤလၢအခီၣ်ထံးတဘျီအသိးန့ၣ်လီၤ. ယွၤဒိကနၣ်ကဒီးယၤတဘျီ, ဒီးဘၣ်သူၣ်ဘၣ်သးလၢအတမၤဟးဂီၤ ကွံာ်သုဘၣ်န့ၣ်လီၤ.

လံာ်သိၣ်လီၤသီလီၤတၢ် 10:10 Iomraidhean Croise

လံာ်တၢ်ဟးထီၣ်ကွံာ် 24:18

စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 32:14

မၤသးဒ်န့ၣ်ဒီးယွၤလဲလိာ်ကွံာ်အတၢ်ပာ်လီၤသးဒီးတဒုးလီၤဘၣ် တၢ်တတၢးတနါလၢအပှၤဂီၢ်မုၢ်အလိၤလၢကမၤပျံၤမၤဖုးအဝဲ သ့ၣ်လၢၤဘၣ်.

လံာ်တၢ်ဟးထီၣ်ကွံာ် 33:17

ယွၤစံးဘၣ်စီၤမိၤၡ့, “ယကမၤဒ်နဃ့တ့ၢ်နဲအသိးလီၤ. အဂ့ၢ်ဒ်အံၤ, ယသ့ၣ်ညါနၤဂ့ၤဂ့ၤဒီးယဘၣ်သသူၣ်ဘၣ်သးလၢနၤလီၤ.”

လံာ်တၢ်ဟးထီၣ်ကွံာ် 34:28

စီၤမိၤၡ့အိၣ်ဖဲန့ၣ်ဒီးယွၤ, အနံၤလွံၢ်ဆံဒီးအနၤလွံၢ်ဆံလီၤ. တအီၣ်တအိတၢ်နီတမံၤဘၣ်. အဝဲကွဲးလီၤတၢ်အၢၣ်လီၤအီလီၤအတၢ်ကတိၤတဖၣ်လၢလၢၢ်ဘ့ၣ်ဘၣ်တဖၣ်အလိၤ, လၢအမ့ၢ်တၢ်မၤလိာ်အထံၣ်တဆံန့ၣ်လီၤ.

လံာ်မးသဲ 27:42

“အဝဲမၤပူၤဖျဲးပှၤအဂၤတဖၣ်သ့, မ့မ့ၢ်အနီၢ်ကစၢ်ဒၣ်ဝဲန့ၣ်မၤပူၤဖျဲးလီၤက့ၤအသးတသ့ဘၣ်. ပှၤအံၤမ့ၢ်ပှၤအံၣ်စရ့လးဖိအစီၤပၤတမ့ၢ်ဘၣ်ဧါ. အဝဲမ့ၢ်ဟဲက့ၤလီၤလၢ ထူၣ်စုညါအလိၤအခဲအံၤဒီးပကနာ်အီၤလီၤ.

လံာ်သိၣ်လီၤသီလီၤတၢ် 10:11

အန့ၣ်ဝံၤဒီး, အဝဲတဲဘၣ်ယၤလၢယကလဲၤဒီးဆှၢသုဒ်သိးသုန့ၢ်ဘၣ်ကီၢ်လၢ အဝဲအၢၣ်လီၤတ့ၢ်ဝဲလၢအကဟ့ၣ်လီၤသု မိၢ်ပၢ်ဖံဖုလၢပျၢၤတဖၣ်ဒ်သုတၢ်ဒၣ်ဝဲအသိးကသ့အဂီၢ်န့ၣ်လီၤ.

လံာ်သိၣ်လီၤသီလီၤတၢ် 9:25

လၢတၢ်န့ၣ်အဃိ, ယထိၣ်လီၤပှီၤယသးဒီးဆုးလီၤယခိၣ်လၢယွၤ အမဲာ်ညါလၢအနံၤလွံၢ်ဆံဒီးအနၤလွံၢ်ဆံအတီၢ်ပူၤဒ်လၢအခီၣ် ထံးအသိးန့ၣ်လီၤ. အဂ့ၢ်ဒ်အံၤ, ယသ့ၣ်ညါတ့ၢ်လၢအဝဲပာ်လီၤလံအသးလၢကမၤဟးဂီၤ ကွံာ်သုန့ၣ်လီၤ.