လံာ်သိၣ်လီၤသီလီၤတၢ် 1:8 - Sgaw Karen Common Bible

⁸ ကယဲၢ်တၢ်ခဲလၢာ်အံၤမ့ၢ်ကီၢ်လၢယၤ, ယွၤ, အၢၣ်လီၤတ့ၢ်လၢကဟ့ၣ် အီၤဆူသုမိၢ်ပၢ်ဖံဖုလၢပျၢၤတဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်ဒီးဆူအဝဲသ့ၣ်အစၢၤအသွဲၣ်တဖၣ် အအိၣ်န့ၣ်လီၤ. လဲၤဒီးမၤန့ၢ်အီၤတက့ၢ်.”

လံာ်သိၣ်လီၤသီလီၤတၢ် 1:8 Iomraidhean Croise

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်စီၤနဃ့မယၤ 9:15

တုၤတၢ်သၣ်ဝံၤအဝဲသ့ၣ်အသးဒီးနဟ့ၣ်အီၤကိၣ်လၢမူခိၣ်ဒီးတုၤ တၢ်သူအဝဲသ့ၣ်အသးလၢထံ ဒီးနဒုးဟဲထီၣ်ထံလၢလၢၢ်တဖျၢၣ်အပူၤန့ၣ်လီၤ. နတဲဘၣ်တ့ၢ်အဝဲသ့ၣ်လၢကပၢထံဧိၤကီၢ်ဧိၤ လၢနအၢၣ်လီၤတ့ၢ်လၢနကဟ့ၣ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 23:31

ယကမၤလဲၢ်ထီၣ်သုကီၢ်အဆၢစးထီၣ်လၢပီၣ်လဲၣ်က့ၣ်ကျီၤအကၣ်ဘၣ် ပၢၢ်တုၤလၢထံကျိဖးဒိၣ်ဖရၤသးဒီးစးထီၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်တုၤလၢပှၢ်မုၢ်ကနၢန့ၣ်လီၤ. ယကဟ့ၣ်သုတၢ်စိတၢ်ကမီၤလၢပှၤအိၣ်လၢကီၢ်န့ၣ်တဖၣ်အဖီခိၣ်ဒီး သုကနီၣ်ထီၣ်ကွံာ်အီၤဖဲသုလဲၤထီၣ်ဒုးတၢ်န့ၣ်လီၤ.

လံာ်တၢ်ဟးထီၣ်ကွံာ် 33:1

ဒီးယွၤစံးဘၣ်စီၤမိၤၡ့, “နၤဒီးပှၤဂီၢ်မုၢ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤန့ၣ်ဟးထီၣ်လၢတၢ်လီၢ်အံၤ ဒီးလဲၤဆူကီၢ်တဘ့ၣ်လၢယအၢၣ်လီၤအီလီၤတ့ၢ်လၢအက ဟ့ၣ်လီၤဆူစီၤအၤဘြၤဟၣ်, စီၤအံၤစဲး, စီၤယၤကိာ်ဒီးအစၢၤ အသွဲၣ်တဖၣ်အအိၣ်န့ၣ်တက့ၢ်.

လံာ်ယံးရမံယၤ 32:22

နဟ့ၣ်လီၤတ့ၢ် အဝဲသ့ၣ်လၢ ကီၢ်တဘ့ၣ်လၢ အထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲ, ဒ်နအၢၣ်လီၤတ့ၢ် အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်ယဃ့းစက့လး 47:14

ယအၢၣ်လီၤတ့ၢ်တၢ်သမှံၤသပှၢ်ဒီးသုမိၢ်ပၢ်ဖံဖုလၢပျၢၤတဖၣ် လၢယကဟ့ၣ်အဝဲသ့ၣ်လၢထံကီၢ်အံၤဒ်သိးကကဲထီၣ်အဝဲသ့ၣ် အတၢ်န့ၢ်သါန့ၣ်လီၤ. ခဲကနံၣ်အံၤနီၤဖးလီၤအီၤပှဲၤသိးသိး လၢသုကျါတက့ၢ်.

လံာ်တၢ်ဂံၢ် 14:23

အဝဲသ့ၣ်တနုာ်လီၤဘၣ်ဆူကီၢ်လၢယအၢၣ်လီၤအီလီၤတ့ၢ်ဒီး အမိၢ်ပၢ်ဖံဖုလၢပျၢၤတဖၣ်န့ၣ်လ့ၤတက့ၤဘၣ်. ပှၤလၢအညိကွံာ်ယၤတဖၣ်န့ၣ်တလဲၤနုာ်ဘၣ်ဆူကီၢ်န့ၣ်နီတဂၤဘၣ်.

လံာ်တၢ်ဂံၢ် 32:11

ယဆိၣ်တၢ်လၢမ့ၢ်လၢအဝဲသ့ၣ်အသူၣ်တတီအသးတရၤဒီးယၤအဃိ, ပှၤပိာ်ခွါလၢအသးအိၣ်ခံဆံနံၣ်ဒီးဆူအဖီခိၣ်လၢအ ဟးထီၣ်လၢကီၢ်အဲၤကူပတူးအပူၤန့ၣ်, တလဲၤနုာ်ဘၣ်ဆူကီၢ်လၢ ယအၢၣ်လီၤအီလီၤတ့ၢ်ဒီးစီၤအၤဘြၤဟၣ်, စီၤအံၤစဲး, ဒီးစီၤယၤကိာ်န့ၣ်နီတဂၤဘၣ်.

လံာ်သိၣ်လီၤသီလီၤတၢ် 1:11

မ်ယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤမၤအါထီၣ်သု အစးတဖၣ်လၢအကထိတဖၣ်ဒီးဒုးဘီၣ်ထီၣ်ညီထီၣ်သုဒ်အအၢၣ်လီၤတ့ၢ် ဝဲအသိးန့ၣ်တက့ၢ်.

လံာ်သိၣ်လီၤသီလီၤတၢ် 1:35

လၢပှၤအၢပှၤသီတစိၤအံၤအကျါန့ၣ်, ပှၤတနုာ်လီၤဘၣ်နီ တဂၤဆူကီၢ်လၢအပှဲၤဒီးဟီၣ်ခိၣ်ညၣ်ထ့ၣ်လၢယအၢၣ်လီၤတ့ၢ်လၢ ယကဟ့ၣ်သုမိၢ်ပၢ်ဖံဖုလၢပျၢၤန့ၣ်ဘၣ်.

လံာ်သိၣ်လီၤသီလီၤတၢ် 10:11

အန့ၣ်ဝံၤဒီး, အဝဲတဲဘၣ်ယၤလၢယကလဲၤဒီးဆှၢသုဒ်သိးသုန့ၢ်ဘၣ်ကီၢ်လၢ အဝဲအၢၣ်လီၤတ့ၢ်ဝဲလၢအကဟ့ၣ်လီၤသု မိၢ်ပၢ်ဖံဖုလၢပျၢၤတဖၣ်ဒ်သုတၢ်ဒၣ်ဝဲအသိးကသ့အဂီၢ်န့ၣ်လီၤ.

လံာ်သိၣ်လီၤသီလီၤတၢ် 11:24

ကယဲၢ်တၢ်လီၢ်လၢသုခီၣ်ယီၢ်လီၤလၢအဖီခိၣ်န့ၣ်ကမ့ၢ်သု တၢ်လီၤ. သုလီၢ်ကဝီၤကလဲၢ်ဝဲစးထီၣ်လၢပှၢ်မုၢ်ကနၢလၢကလံၤ ထံးတခီတုၤဆူကီၢ်လဘၤနိၣ်အကစၢၢ်ကလိတဖၣ်လၢကလံၤစိးတခီ, ဒီးစးထီၣ်လၢထံကျိဖရၤသးလၢမုၢ်ထီၣ်တခီတုၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်လၢမုၢ်နုာ်တခီန့ၣ်လီၤ.

လံာ်သိၣ်လီၤသီလီၤတၢ် 11:9

ဒီးသုကအိၣ်မူဘၣ်ယံာ်ယံာ်ထၢထၢလၢကီၢ်တဘ့ၣ်လၢအထူးဝဲတီၤ ဝဲဒီးဟီၣ်ခိၣ်ညၣ်ထ့ၣ်ဂ့ၤဝဲအပူၤ, လၢယွၤအၢၣ်လီၤတ့ၢ်လၢအကဟ့ၣ်သုမိၢ်ပၢ်ဖံဖုလၢပျၢၤတဖၣ်ဒီး အဝဲသ့ၣ်အစၢၤအသွဲၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 2:29

တုၤလၢပခီဂာ်ကွံာ်ထံကျိယၢ်ဒ့ၣ်ဒီး လဲၤနုာ်ဆူ ကီၢ်တဘ့ၣ်လၢယွၤပကစၢ်ယွၤဟ့ၣ်ပှၤအပူၤန့ၣ်လီၤ. စီၤဧ့ၡီၤ အစၢၤအသွဲၣ်တဖၣ်လၢ အအိၣ်ဝဲဆိးဝဲလၢ ကီၢ်အဒိၣ်အပူၤဒီး ပှၤမိၤအးဖိတဖၣ်လၢ အအိၣ်ဝဲဆိးဝဲလၢ ဝ့ၢ်ဧၢ်, ပျဲပခီဂာ်အလီၢ်ကဝီၤလီၤ.

လံာ်သိၣ်လီၤသီလီၤတၢ် 26:15

ကွၢ်လီၤတၢ်လၢနလီၢ်စီဆှံလၢမူခိၣ်ဒီးဆိၣ်ဂ့ၤနပှၤဂီၢ်မုၢ် အံၣ်စရ့လးတက့ၢ်. ဆိၣ်ဂ့ၤစ့ၢ်ကီးကီၢ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ လၢနဟ့ၣ်လီၤပှၤ, ဒ်နအၢၣ်လီၤတ့ၢ်ပမိၢ်ပၢ်ဖံဖုလၢပျၢၤတဖၣ်အသိးန့ၣ်တက့ၢ်.

လံာ်သိၣ်လီၤသီလီၤတၢ် 26:3

လဲၤဆူပှၤလုၢ်တၢ်အခိၣ်အိၣ်မူအိၣ်ဒါလၢဆၢကတီၢ်အဝဲန့ၣ်အအိၣ် ဒီးစံးဘၣ်အီၤ, ခဲအံၤယအၢၣ်လီၤဟ့ၣ်တၢ်သ့ၣ်ညါဆူယွၤလၢယနုာ်လီၤဘၣ်ဆူကီၢ် တဘ့ၣ်လၢအဝဲအၢၣ်လီၤတ့ၢ်တၢ်ဒီးပမိၢ်ပၢ်ဖံဖုလၢပျၢၤတဖၣ်လၢ ကဟ့ၣ်လီၤပှၤအဃိန့ၣ်လီၤ.

လံာ်သိၣ်လီၤသီလီၤတၢ် 28:11

ယွၤကဟ့ၣ်သုလၢဖိတဖၣ်အါအါဂီၢ်ဂီၢ်, ဂီၤဘုၣ်ဂီၤဖံးအါအါ ဂီၢ်ဂီၢ်, ဒီးတၢ်မုၢ်တၢ်ဘိတၤသူတၤသၣ်အါအါကလဲာ်လၢကီၢ် တဘ့ၣ်လၢအဝဲအၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်လၢ ကဟ့ၣ်လီၤသု, အပူၤန့ၣ်လီၤ.

လံာ်သိၣ်လီၤသီလီၤတၢ် 29:12

တနံၤအံၤသုအိၣ်ဖဲအံၤလၢသုကနုာ်လီၤဆူတၢ်အၢၣ်လီၤအီလီၤ အံၤလၢယွၤ, သုကစၢ်ယွၤမၤဝဲဒီးသုအပူၤဒီးလၢသုကတူၢ်လိာ်အတၢ်ဘျုးတၢ်ဖှိၣ်တဖၣ်အဂီၢ်,

လံာ်သိၣ်လီၤသီလီၤတၢ် 30:20

အဲၣ်ယွၤ, သုကစၢ်ယွၤ, စူၢ်အီၤဒီးအိၣ်ဒီးတၢ်သူၣ်တီသးရၤဒီး အီၤတက့ၢ်. အန့ၣ်ဒီးသုဝဲဒီးသုစၢၤသုသွဲၣ်တဖၣ်ကအိၣ်ကၢအိၣ်ခိးလၢကီၢ် န့ၣ်အပူၤ, လၢအဝဲအၢၣ်လီၤပာ်တ့ၢ်ဝဲလၢကဟ့ၣ်လီၤသုပၢ်ဖးဒိၣ်လၢပျၢၤ တဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်န့ၣ်လီၤ.

လံာ်သိၣ်လီၤသီလီၤတၢ် 31:7

အန့ၣ်ဝံၤဒီးစီၤမိၤၡ့ကိးထီၣ်စီၤယိၤၡူဒီးစံးဘၣ်အီၤလၢ ကယဲၢ်ကီၢ်အံၣ်စရ့လးအပှၤဂီၢ်မုၢ်အမဲာ်ညါ, “ပာ်လီၤနသးကျၢၤမုဆှု ဒီးအိၣ်ဒီးတၢ်နာ်အဂၢၢ်အကျၢၤတက့ၢ်. နမ့ၢ်ပှၤတဂၤလၢကဘၣ်ဆှၢနပှၤဂီၢ်မုၢ်အံၤဒ်သိးကမၤန့ၢ်ထံကီၢ် လၢယွၤအၢၣ်လီၤတ့ၢ်ဝဲလၢကဟ့ၣ်လီၤအဝဲသ့ၣ်အမိၢ်ပၢ်ဖံဖု လၢပျၢၤတဖၣ်န့ၣ်လီၤ.

လံာ်သိၣ်လီၤသီလီၤတၢ် 34:4

အန့ၣ်ဝံၤဒီး, ယွၤစံးဘၣ်စီၤမိၤၡ့, “တၢ်အံၤမ့ၢ်ကီၢ်လၢ ယအၢၣ်လီၤတ့ၢ်စီၤအၤဘြၤဟၣ်, ဒီၤအံၤစဲးဒီးစီၤယၤကိာ်, လၢယကဟ့ၣ်လီၤအီၤဆူအဝဲသ့ၣ်အစၢၤအသွဲၣ်တဖၣ်န့ၣ်လီၤ. ယဒုးထံၣ်နၤတၢ်အံၤ, ဘၣ်ဆၣ်ယတပျဲနလဲၤနုာ်ဖဲန့ၣ်ဘၣ်.”

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 6:10

ဒ်ယွၤ, သုကစၢ်ယွၤအၢၣ်လီၤတ့ၢ်သုပၢ်ဖးဒိၣ်လၢပျၢၤတဖၣ်လၢ အမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်အသိး, အဝဲကဟ့ၣ်လီၤသုလၢကီၢ်တဘ့ၣ်လၢအအိၣ်ဒီးဝ့ၢ်ဖးဒိၣ်လၢအထူး အတီၤတဖၣ်, လၢသုတသူၣ်ထီၣ်ဘှီထီၣ်တ့ၢ်အီၤဘၣ်န့ၣ်လီၤ.

လံာ်သိၣ်လီၤသီလီၤတၢ် 7:12

သုမ့ၢ်ဒိကနၣ်တၢ်မၤလိာ်တဖၣ်အံၤဒီးစူၢ်အီၤလၢတၢ်သူၣ်တီသး ရၤအပူၤန့ၣ်, အန့ၣ်တစု, ယွၤ, သုကစၢ်ကဟံးဃာ်ထွဲဒံးအတၢ် အၢၣ်လီၤဒီးသုဒီးကဒုးနဲၣ်သုလၢအတၢ်အဲၣ်တထံၣ်ဃီဒ်အဝဲ အၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 7:13

အဝဲဒၣ်ကအဲၣ်သုဒီးဆိၣ်ဂ့ၤသုဒ်သိးသုကအါထီၣ်လၢနီၣ်ဂံၢ်ဒီး အိၣ်ဒီးဖိတဖၣ်အါအါဂီၢ်ဂီၢ်န့ၣ်လီၤ. အဝဲကဆိၣ်ဂ့ၤသုစံာ်ဧိၤပျီဧိၤတဖၣ်, ဒ်သိးသုကအိၣ်ဒီးဘုဧိၤဟုဧိၤ, စပံးထံ, ဒီးသ့ၣ်စၤယံးအသိန့ၣ်လီၤ. ဒီးအဝဲဒၣ်ကဆိၣ်ဂ့ၤသုခီဖျိတၢ်ဟ့ၣ်လီၤသုလၢဂီၤဘုၣ်ဂီၤ ဖံးဒီးသိအါအါကလဲာ်န့ၣ်လီၤ. အဝဲကဟ့ၣ်လီၤသုလၢကယဲၢ်တၢ်ဆိၣ်ဂ့ၤခဲလၢာ်အံၤ, လၢကီၢ်တဘ့ၣ်အပူၤလၢအဝဲအၢၣ်လီၤတ့ၢ်သုမိၢ်ပၢ်ဖံဖု လၢပျၢၤန့ၣ်, လၢအဝဲကဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.

လံာ်သိၣ်လီၤသီလီၤတၢ် 8:1

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤ အံၤလၢတၢ်သူၣ်တီသးရၤအပူၤဒ်သိးသုကမူ, အါထီၣ်လၢနီၣ်ဂံၢ်ဒီးမၤန့ၢ်ကီၢ်တဘ့ၣ်လၢယွၤအၢၣ်လီၤတ့ၢ်လၢ ကဟ့ၣ်လီၤဝဲဆူသုမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 9:5

တမ့ၢ်လၢသုမ့ၢ်ပှၤတဖၣ်လၢအဂ့ၤဒီးမၤတၢ်လၢအဘၣ်အဃိဒီးယွၤ ပျဲသုမၤန့ၢ်ဘၣ်အဝဲသ့ၣ်အကီၢ်အံၤဘၣ်. ယွၤကနီၣ်ထီၣ်ကွံာ်အဝဲသ့ၣ်မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ် မ့ၢ်လၢအဝဲပာ်လီၤအသးလၢကဟံးဃာ်ဂၢၢ်ကျၢၤအတၢ်အၢၣ်လီၤအီလီၤ လၢအမၤတ့ၢ်ဝဲဒီးသုပၢ်ဖးဒိၣ်လၢပျၢၤတဖၣ်ဒ်စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အဃိန့ၣ်လီၤ.

ဧ့ၤဘြံၤ 6:13

ဖဲကစၢ်ယွၤစံးပာ်တၢ်ဒီးစီၤအၤဘြၤဟၣ်န့ၣ်အဝဲဆိၣ်လီၤ အသးလၢကမၤလၢပှဲၤတၢ်စံးပာ်အံၤန့ၣ်လီၤ. အဂ့ၢ်ဒ်အံၤ, ပှၤဒိၣ်န့ၢ်အီၤတအိၣ်ဘၣ်ဒီးယွၤသူအမံၤဒၣ်ဝဲလၢ အတၢ်ဆိၣ်လီၤအသးအပူၤ,

ဧ့ၤဘြံၤ 6:14

ဒီးစံး, “ယအၢၣ်လီၤနၤလၢယကဆိၣ်ဂ့ၤနၤဒီးဟ့ၣ်နၤလၢ နစၢၤနသွဲၣ်အါဂၤန့ၣ်လီၤ.”

လံာ်စီၤယိၤၡူ 1:6

ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:1

ဒီးယွၤအကလူးလဲၤတၢ်လၢဝ့ၢ်ကံးလကၤလးဆူဝ့ၢ်ဘိးကံၣ်ဒီး စံးဘၣ်ပှၤအံၣ်စရ့လးဖိတဖၣ်, “ယထုးထီၣ်သုလၢကီၢ်အဲၤကူပတူးအပူၤဒီးဆှၢသုဆူကီၢ်တဘ့ၣ် လၢယအၢၣ်လီၤအီလီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်လီၤ. ဒီးယစံး, ယတမၤဟးဂီၤယတၢ်အၢၣ်လီၤအီလီၤဒီးသုနီတစုဘၣ်.