လံာ်သိၣ်လီၤသီလီၤတၢ် 1:7 - Sgaw Karen Common Bible

⁷ ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်သိၣ်လီၤသီလီၤတၢ် 1:7 Iomraidhean Croise

လံာ်တၢ်ကဲထီၣ်အခီၣ်ထံး 12:9

ဒီးသုးအလီၢ်ဆူညါတတီၤဘၣ်တတီၤဒီးလဲၤဝဲဆူကီၢ်ကနၤဧၣ် အကလံၤထံးတခီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:3

အန့ၣ်ဝံၤဒီးအဝဲမၤနၢၤကွံာ်ပှၤစူၤရံဖိအစီၤပၤလၢကီၢ်ဆၣ်စိဘၤ, စီၤရဃိာ်အဖိခွါစီၤဟးဒးဧ့စ့ၢ်, ဖဲစီၤဟးဒးဧ့စ့ၢ်လဲၤ တၢ်လၢကျဲအဖၢမုၢ်ဒ်သိးအကလဲၤမၤန့ၢ်က့ၤအတၢ်ပၢၤဘၣ်လီၢ်ကဝီၤ လၢထံကျိဖရၤသးအထးခီအဂီၢ်အခါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:3

မၤကဒီးစီၤဒၤဝံးဒုးကီၢ်စူၤရံအကီၢ်ဆၣ်စိဘၤအစီၤပၤဟး ဒၢ်ဧ့စ့ၢ်, ဘူးဒီးဝ့ၢ်ဃမါသး, မ့ၢ်လၢစီၤပၤဟးဒၢ်ဧ့စ့ၢ်ဂုာ်ကျဲးစၢး လၢကမၤန့ၢ်တၢ်လီၢ်ဖဲထံကျိဖရၤသးအထးခီလၢကပၢဘၣ်ဝဲအဂီၢ် အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:29

စီၤၡံးတြဲၤလၢဝ့ၢ်ၡၤရိၣ်မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲ ဂီၤဘုၣ်ဂီၤဖံးတဖၣ်လၢၡၤရိၣ်အအီၣ်ဆၣ်လီၢ်လါဟ့ပူၤန့ၣ်လီၤ. စီၤဧၤလဒဲအဖိခွါစီၤၡၤဖးမ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲဂီၤဘုၣ်ဂီၤဖံးတဖၣ်လၢကစၢၢ်ကဆူးပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:9

အဝဲသ့ၣ်အိၣ်ဒီးဆၣ်ဖိကီၢ်ဖိအဖုအဂီၢ်ဖးဒိၣ်လၢကီၢ်ကံးလဧး အပူၤ, ဒီးလၢတၢ်န့ၣ်အဃိအဝဲသ့ၣ်ဟံးန့ၢ်တၢ်လီၢ်ယံၤဝဲ တုၤလၢမုၢ်ထီၣ်မဲးမုၢ်ခိၣ်လၢအအိၣ်လၢထံကျိဖရၤသးအကၢၣ်ခိၣ် ဒီတကျိၤန့ၣ်လီၤ.

လံာ်တၢ်ဟးထီၣ်ကွံာ် 23:31

ယကမၤလဲၢ်ထီၣ်သုကီၢ်အဆၢစးထီၣ်လၢပီၣ်လဲၣ်က့ၣ်ကျီၤအကၣ်ဘၣ် ပၢၢ်တုၤလၢထံကျိဖးဒိၣ်ဖရၤသးဒီးစးထီၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်တုၤလၢပှၢ်မုၢ်ကနၢန့ၣ်လီၤ. ယကဟ့ၣ်သုတၢ်စိတၢ်ကမီၤလၢပှၤအိၣ်လၢကီၢ်န့ၣ်တဖၣ်အဖီခိၣ်ဒီး သုကနီၣ်ထီၣ်ကွံာ်အီၤဖဲသုလဲၤထီၣ်ဒုးတၢ်န့ၣ်လီၤ.

လံာ်ဧၤမိၣ် 2:9

ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်တၢ်ဂံၢ် 10:12

ဒီးပှၤအံၣ်စရ့လးဖိတဖၣ်စးထီၣ်အတၢ်လဲၤဟးထီၣ်ကွံာ်လၢကစၢၢ် နံၤနါအပှၢ်မုၢ်ကနၢပူၤန့ၣ်လီၤ. တၢ်အၢၣ်န့ၣ်ဟဲလီၤဒီးအိၣ်ကတီၢ်ဝဲဖဲပှၢ်မုၢ်ကနၢပၤရၣ်န့ၣ်လီၤ.

လံာ်သိၣ်လီၤသီလီၤတၢ် 1:19

ပမၤတၢ်လၢယွၤ, ပကစၢ်ယွၤမၤလိာ်တ့ၢ်ပှၤန့ၣ်လီၤ. ပဟးထီၣ်ကွံာ်လၢကစၢၢ်စံၤနါ, ဒီးလဲၤခီဖျိပှၢ်မုၢ်ကနၢဖး ဒိၣ်ဖးလဲၣ်ဒီးလီၤပျံၤလီၤဖုး, လၢပတၢ်လဲၤကျဲဆူပှၤဧၣ်မိၣ်ဖိတဖၣ်အကီၢ်လၢအပှဲၤဒီးတၢ်လူၢ်တၢ်တြီၤန့ၣ်လီၤ. ဖဲပလဲၤတုၤလၢဝ့ၢ်ကၤဒ့ၣ်ဘၢ်န့န့ၣ်,

လံာ်သိၣ်လီၤသီလီၤတၢ် 11:11

မ့မ့ၢ်, ကီၢ်လၢသုကလဲၤနုာ်လီၤဆူအပူၤန့ၣ်, မ့ၢ်ကီၢ်တဘ့ၣ်လၢအပှဲၤဒီးကစၢၢ်ကလိတဖၣ်ဒီးတၢ်တြီၤတဖၣ်, ကီၢ်တဘ့ၣ်လၢအဘၣ်တၢ်မၤဘၣ်စီၣ်အီၤလၢမူခိၣ်စူၤထံန့ၣ်လီၤ.

လံာ်သိၣ်လီၤသီလီၤတၢ် 11:24

ကယဲၢ်တၢ်လီၢ်လၢသုခီၣ်ယီၢ်လီၤလၢအဖီခိၣ်န့ၣ်ကမ့ၢ်သု တၢ်လီၤ. သုလီၢ်ကဝီၤကလဲၢ်ဝဲစးထီၣ်လၢပှၢ်မုၢ်ကနၢလၢကလံၤ ထံးတခီတုၤဆူကီၢ်လဘၤနိၣ်အကစၢၢ်ကလိတဖၣ်လၢကလံၤစိးတခီ, ဒီးစးထီၣ်လၢထံကျိဖရၤသးလၢမုၢ်ထီၣ်တခီတုၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်လၢမုၢ်နုာ်တခီန့ၣ်လီၤ.

လံာ်စီၤယိၤၡူ 1:4

သုကီၢ်ဆၢကစးထီၣ်အသးလၢပှၢ်မုၢ်ကနၢလၢကလံၤထံးဒီးကတုၤဝဲ လၢလဘၤနိၣ်အကစၢၢ်တဖၣ်လၢကလံၤစိး, ဒီးလၢထံကျိဖးဒိၣ်ဖရၤသးလၢမုၢ်ထီၣ်တခီ, ဃ့ၤသးဖိအကီၢ်ဒီဘ့ၣ်, ဒီးတုၤလၢပီၣ်လဲၣ်ဖးဒိၣ်လၢမုၢ်နုာ် တခီန့ၣ်လီၤ.

လံာ်စီၤယိၤၡူ 10:40

စီၤယိၤၡူမၤန့ၢ်မၤနၢၤကီၢ်ဒီဘ့ၣ်ညါန့ၣ်လီၤ. မၤနၢၤစီၤပၤတ ဖၣ်လၢကစၢၢ်ကလိအကီၢ်, မုၢ်ထီၣ်တၢ်ပၢၤလီၤတဖၣ်, ဒီးမုၢ်နုာ်ကစၢၢ်ဂံၢ်ထံးတဖၣ်ဃုာ်ဒီးကလံၤထံးအကီၢ်လၢအဃ့ထီ ဝဲန့ၣ်လီၤ. တပျဲပူၤပှၤနီတဂၤဘၣ်. မၤသံပှၤကိးဂၤဒဲးန့ၣ်လီၤ. တၢ်အံၤမ့ၢ်တၢ်လၢယွၤအံၣ်စရ့လးအကစၢ်မၤလိာ်တ့ၢ်ဝဲန့ၣ်လီၤ.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်စီၤယိၤၡူ 9:1

အံၣ်စရ့လးအတၢ်မၤနၢၤအံၤဘၣ်တၢ်သ့ၣ်ညါအီၤလၢစီၤပၤတဖၣ်လၢ ထံကျိယၢ်ဒ့ၣ်အမုၢ်နုာ်လၢကစၢၢ်ကလိတဖၣ်, လၢကစၢၢ်ခီၣ်ထံးတဖၣ်, ဒီးလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အဃၢၤ, ဒီးလၢကလံၤစိးန့ၣ်ယံၤဝဲတုၤလၢလဘၤနိၣ်, လၢအမ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိ အစီၤပၤတဖၣ်အအိၣ်န့ၣ်လီၤ.

လံာ်လီၣ်ဖျါ 9:14

တၢ်ကလုၢ်စံးဘၣ်ကလူးဃုဂၤတဂၤန့ၣ် “ပျၢ်လီၤကွံာ်ကလူးလွံၢ်ဂၤလၢအဘၣ်တၢ်စၢဃာ်အီၤဖဲထံကျိ ဖးဒိၣ်ဖရၤသးန့ၣ်တက့ၢ်.”