လံာ်သိၣ်လီၤသီလီၤတၢ် 1:44 - Sgaw Karen Common Bible

⁴⁴ အန့ၣ်တစု, ပှၤဧၣ်မိၣ်ဖိတဖၣ်လၢအအိၣ်ဆိးဝဲလၢတၢ်လူၢ်တဖၣ် န့ၣ်, ဟဲထီၣ်ထီဒါသု, ဒ်ကနဲတဖုတဂီၢ်န့ၣ်လီၤ. အဝဲသ့ၣ်လူၤသုတုၤဒၣ်လဲာ်ဆူဝ့ၢ်ဃိၢ်မါဒီးမၤနၢၤကွံာ်သု ဖဲန့ၣ်လၢကီၢ်အဒိၣ်လၢအပှဲၤဒီးတၢ်လူၢ်တၢ်တြီၤအပူၤန့ၣ်လီၤ.

လံာ်သိၣ်လီၤသီလီၤတၢ် 1:44 Iomraidhean Croise

စံးထီၣ်ပတြၢၤ 118:12

အဝဲသ့ၣ် အိၣ်ဖှိၣ်ဂီၢ်မုၢ်လၢယလိၤ ဒ်ကွဲဧိၤကနဲဧိၤအသိး, ဘၣ်ဆၣ်ဒီး မ့ၣ်အူအီၣ်ကွံာ်အဝဲသ့ၣ်ချ့သဒံးဒ် မ့ၣ်အူအီၣ်တၤဆှုၣ်အသိး, ယမၤဟးဂီၤကွံာ်အဝဲသ့ၣ်လၢ ယွၤအစိကမီၤအပူၤန့ၣ်လီၤ.

လံာ်ယၡါယၤ 7:18

ဖဲတၢ်ဆၢကတီၢ်န့ၣ်တုၤဃီၤဝဲဒီး, ယွၤကညိၣ်ကလံၤဒ်တၢ် ပနီၣ်တမံၤအသိးလၢပှၤအဲၤကူပတူးဖိတဖၣ်ကကဲဝဲဒ်သၣ်ဘုလါ တဖၣ်လၢထံကျိနံၤလါအဒ့အတြၢ်အယံၤကတၢၢ်တဖၣ်အသိး, ဒီးပှၤအၤၡူၢ်ဖိတဖၣ်ကဟဲဝဲလၢအထံအကီၢ်ဒ်ကနဲတဖၣ်အသိး န့ၣ်လီၤ.

လံာ်တၢ်ဂံၢ် 14:45

တုၤနုၤတစု, ပှၤဧမၤလ့းဖိတဖၣ်ဒီးပှၤကနၤဧၣ်ဖိတဖၣ်လၢအအိၣ် လၢတၢ်လီၢ်ဖဲန့ၣ်, ဒုးအဝဲသ့ၣ်ဒီးမၤနၢၤကွံာ်အဝဲသ့ၣ်ဒီးလူၤထွဲ အဝဲသ့ၣ်ယံၤတုၤလၢဃိၢ်မါန့ၣ်လီၤ.

လံာ်တၢ်ဂံၢ် 21:3

ယွၤနၢ်ဟူအဝဲသ့ၣ်ဒီးမၤစၢၤအီၤလၢကမၤနၢၤပှၤကနၤဧၣ်ဖိ တဖၣ်လီၤ. မၤသးဒ်န့ၣ်ဒီး, ပှၤအံၣ်စရ့လးဖိတဖၣ်မၤဟးဂီၤကွံာ် ပှၤကနၤဧၣ်ဖိဒီးအဝ့ၢ်တဖၣ်လၢာ်လၢာ်ဆ့ဆ့ဒီးယုၢ်တၢ်လီၢ်န့ၣ် အမံၤလၢကီၢ်ဃိၢ်မါလီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 7:5

ပှၤဝ့ၢ်ဂဲဖိတဖၣ်စးထီၣ်လူၤအီၤလၢဝ့ၢ်အတြဲၤတုၤလၢၡဘၤရံၣ် ဒီးမၤသံကွံာ်ပှၤသၢဆံဃုဂၤဃၣ်ဃၣ်လၢကျဲလဲၤလီၤလၢကစၢၢ် အလိၤန့ၣ်လီၤ. ဒီးပှၤဂီၢ်မုၢ်အသးပှံၢ်လီၤကွံာ်, ဒီးမၤအသးဒ်ထံအသိးန့ၣ်လီၤ.