လံာ်သိၣ်လီၤသီလီၤတၢ် 1:35 - Sgaw Karen Common Bible

³⁵ လၢပှၤအၢပှၤသီတစိၤအံၤအကျါန့ၣ်, ပှၤတနုာ်လီၤဘၣ်နီ တဂၤဆူကီၢ်လၢအပှဲၤဒီးဟီၣ်ခိၣ်ညၣ်ထ့ၣ်လၢယအၢၣ်လီၤတ့ၢ်လၢ ယကဟ့ၣ်သုမိၢ်ပၢ်ဖံဖုလၢပျၢၤန့ၣ်ဘၣ်.

လံာ်သိၣ်လီၤသီလီၤတၢ် 1:35 Iomraidhean Croise

စံးထီၣ်ပတြၢၤ 106:26

လၢတၢ်န့ၣ်အဃိ အဝဲဒၣ် ဟ့ၣ်လီၤအဝဲသ့ၣ်လၢ တၢ်ဟ့ၣ်ပလီၢ်လီၤတံၢ်လီၤဆဲးတမံၤ လၢကမၤသံကွံာ်အဝဲသ့ၣ်လၢပှၢ်မုၢ်ကနၢ,

စံးထီၣ်ပတြၢၤ 95:11

ယသးဒိၣ်ထီၣ်ဒီးမၤတၢ်အၢၣ်လီၤ သမှံၤသပှၢ်တထံၣ် ဒီးစံး, “သုတလဲၤနုာ်ဘၣ်ဆူ ကီၢ်ဖဲယကဟ့ၣ်သုတၢ် တၢ်အိၣ်ဘှံးအပူၤန့ၣ်နီတစုဘၣ်.”

လံာ်ယဃ့းစက့လး 20:15

လၢတၢ်န့ၣ်အဃိ, ယမၤတ့ၢ်တၢ်ဆိၣ်တမံၤလၢပှၢ်မုၢ်ကနၢအပူၤ, လၢယတဒုးလဲၤနုာ်ဘၣ်အဝဲသ့ၣ်ဆူကီၢ်တဘ့ၣ်လၢယဟ့ၣ်လီၤတ့ၢ် အဝဲသ့ၣ်, ကီၢ်တဘ့ၣ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ်လၢ အဂ့ၤ, ကီၢ်အဂ့ၤကတၢၢ်တဘ့ၣ်လၢကီၢ်တဖၣ်အကျါန့ၣ်ဘၣ်.

1 ကရံၣ်သူး 10:5

ဘၣ်ဆၣ်ဒီးအန့ၣ်ဒၣ်လဲာ်, ကစၢ်ယွၤတဘၣ်သူၣ်ဘၣ်သးအဝဲသ့ၣ်အါဒၣ်တၢ်တက့ၢ်, ဒီးလၢတၢ်န့ၣ်အဃိ, အဝဲသ့ၣ်အစိၣ်တဖၣ်အိၣ်ပြံပြါလၢပှၢ်မုၢ် ကနၢအပူၤလီၤ.

လံာ်သိၣ်လီၤသီလီၤတၢ် 1:8

ကယဲၢ်တၢ်ခဲလၢာ်အံၤမ့ၢ်ကီၢ်လၢယၤ, ယွၤ, အၢၣ်လီၤတ့ၢ်လၢကဟ့ၣ် အီၤဆူသုမိၢ်ပၢ်ဖံဖုလၢပျၢၤတဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်ဒီးဆူအဝဲသ့ၣ်အစၢၤအသွဲၣ်တဖၣ် အအိၣ်န့ၣ်လီၤ. လဲၤဒီးမၤန့ၢ်အီၤတက့ၢ်.”

လံာ်သိၣ်လီၤသီလီၤတၢ် 2:14

တၢ်အံၤမ့ၢ်ဖဲပဟးထီၣ်ကွံာ်လၢဝ့ၢ်ကၤဒ့ၣ်ဘၢ်န့အကီၢ်အလီၢ်ခံ သၢဆံဃိးနံၣ်န့ၣ်လီၤ. ကယဲၢ်ပှၤဒုးတၢ်ယၤတၢ်ဖိလၢပှၤတစိၤန့ၣ်သံလၢာ်လံဝဲဒ်ယွၤစံး တ့ၢ်လၢပဝဲသ့ၣ်ကဘၣ်သံအသိးန့ၣ်လီၤ.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ဧ့ၤဘြံၤ 3:16

ပှၤလၢအနၢ်ဟူကစၢ်ယွၤအကလုၢ်ဒီးထီဒါအီၤန့ၣ်မ့ၢ် မတၤတဖၣ်လဲၣ်. မ့ၢ်ပှၤခဲလၢာ်လၢအဘၣ်တၢ်ထုးထီၣ်အီၤလၢ စီၤမိၤၡ့လၢကီၢ်အဲၤကူပတူးအပူၤတဖၣ်လီၤ.