လံာ်သိၣ်လီၤသီလီၤတၢ် 1:28 - Sgaw Karen Common Bible

²⁸ ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

လံာ်သိၣ်လီၤသီလီၤတၢ် 1:28 Iomraidhean Croise

လံာ်တၢ်ကဲထီၣ်အခီၣ်ထံး 11:4

ဒီးအဝဲသ့ၣ်စံးဝဲ, “ခဲကနံၣ်အံၤမ်ပကသူၣ်ထီၣ်သကိးဝ့ၢ် တဝ့ၢ်ဃုာ်ဒီးတၢးထီခၢၣ်သနၢၢ်တခါလၢအတုၤထီၣ်ဘးမူခိၣ်ဒ်သိး ပကမၤဒိၣ်မၤဖျါပမံၤဒီးပသုတလီၤပြံလီၤပြါလၢဟီၣ်ခိၣ်ဒီ ဘ့ၣ်ညါတဂ့ၤအဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 15:15

ခိၣ်နၢ်တဖၣ်လၢကီၢ်အဒိၣ်အပူၤန့ၣ်ပျံၤတၢ်နးနးကလဲာ်, ကီၢ်မိၤအးအပှၤဂံၢ်ဆူၣ်ဘါဆူၣ်တဖၣ်ကနိးကစုာ်ဝဲ, ဒီးပှၤဂီၢ်မုၢ်လၢကီၢ်ကနၤဧၣ်အတၢ်သူၣ်ဒူသးဒူ လီၤမၢ်ကွံာ်လီၤ.

လံာ်ယၡါယၤ 13:7

ပှၤကိးဂၤဒဲးအစုတဖၣ်ကလီၤစၢ်လီၤစဲၤဒီးပှၤကိးဂၤဒဲးအတၢ် သးဒူကဟးမၢ်ကွံာ်ဝဲလီၤ.

လံာ်ယဃ့းစက့လး 21:7

တုၤအဝဲသ့ၣ်သံကွၢ်နၤ, ဘၣ်မနုၤအဃိလၢနကအုကစွါလဲၣ်န့ၣ်, တဲဘၣ်အဝဲသ့ၣ်လၢတၢ်န့ၣ်မ့ၢ်လၢတၢ်ကစီၣ်လၢအကဟဲဝဲ အဃိန့ၣ်လီၤ. ဖဲအဟဲတုၤန့ၣ်အဝဲသ့ၣ်အသးတဖၣ်ကပှဲၤဝဲဒီး တၢ်ပျံၤတၢ်ဖုး, အဝဲသ့ၣ်အစုတဖၣ်ကလီၤဘျ့ကွံာ်, အဝဲသ့ၣ်အတၢ်သူၣ်ဒူသးဒူကလီၤမၢ်ကွံာ်ဒီးအဝဲသ့ၣ်အခီၣ်လ့ၢ်ခိၣ် တဖၣ်ကကနိးကစုာ်ဝဲန့ၣ်လီၤ. တၢ်ဆၢကတီၢ်တုၤဃီၤလံ. မ့ၢ်ခဲကနံၣ်အံၤလီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်သိၣ်လီၤသီလီၤတၢ် 1:29

ဘၣ်ဆၣ်ဒီးယတဲဘၣ်သု, ပျံၤပှၤဂီၢ်မုၢ်တဖၣ်န့ၣ်တဂ့ၤ.

လံာ်သိၣ်လီၤသီလီၤတၢ် 2:10

(ပှၤတကလုာ်လၢအဂံၢ်ဆူၣ်ဘါဆူၣ်ဒီးအနီၢ်ဒိၣ်နီၢ်သွါလၢအဘၣ်တၢ် ကိးအီၤလၢပှၤအ့ၣ်မ့းဖိတဖၣ်ညီနုၢ်အိၣ်ဆိးဝဲဖဲဝ့ၢ်ဧၢ်န့ၣ်လီၤ. အဝဲသ့ၣ်အနီၢ်ထီဝဲထဲသိးသိးပှၤဧနးဖိတဖၣ်လၢအမ့ၢ်ပှၤနီၢ် ဒိၣ်နီၣ်သွါတကလုာ်န့ၣ်လီၤ.

လံာ်သိၣ်လီၤသီလီၤတၢ် 20:20

သုကကူာ်လီၤကွံာ်သ့ၣ်အဂၤတဖၣ်ဒီးသူအီၤလၢတၢ်မၤထီၣ်ဟီၣ်ခိၣ် ထီၣ်စိကဝီၤဃးတၢ်အပူၤ, တုၤလၢဝ့ၢ်န့ၣ်ဘၣ်တၢ်မၤန့ၢ်ကွံာ်အီၤတစုန့ၣ်လီၤ.

လံာ်သိၣ်လီၤသီလီၤတၢ် 20:8

သုးခိၣ်သုးနၢ်တဖၣ်ကဘၣ်စံးဘၣ်စ့ၢ်ကီးအပှၤတဖၣ်လၢ, ဖဲအံၤမ့ၢ်ပှၤအိၣ်တဂၤဂၤလၢအသဒံပှံၢ်လီၤမ့ၢ်ဂ့ၤ, အပျံၤတၢ်ဖုးတၢ်မ့ၢ်ဂ့ၤန့ၣ်ဧါ. မ့ၢ်အိၣ်ဒီး, အဝဲကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲကမၤဟးဂီၤကွံာ် ပှၤအဂၤတဖၣ်အသးအဂံၢ်အဘါန့ၣ်လီၤ.

လံာ်သိၣ်လီၤသီလီၤတၢ် 7:17

တဲလီၤသုသးလၢပှၤတဖၣ်အံၤအနီၣ်ဂံၢ်အါန့ၢ်ဒံးသုဒီးသုနီၣ် ထီၣ်ကွံာ်အီၤတန့ၢ်ဘၣ်န့ၣ်တဂ့ၤ.

လံာ်စီၤယိၤၡူ 11:22

ဒီးလၢပှၤအံၣ်စရ့လးဖိတဖၣ်အကီၢ်ပူၤန့ၣ်, ပှၤဧနးဖိ တအိၣ်လီၤတဲာ်နီတဂၤလၢၤဘၣ်န့ၣ်လီၤ. အိၣ်တီၢ်ဒၣ်စှၤဂၤလၢဝ့ၢ်ဂါစၤ, ဝ့ၢ်ကၤသးဒီးဝ့ၢ်အၤစဒိာ် အပူၤန့ၣ်လီၤ.

လံာ်စီၤယိၤၡူ 14:8

ဘၣ်ဆၣ်ပှၤလၢအလဲၤတၢ်ဒီးယၤတဖၣ်မၤပျံၤမၤဖုးပပှၤဂီၢ်မုၢ်န့ၣ်လီၤ. မ့မ့ၢ်ယဲယစူၢ်ယွၤယကစၢ်ယွၤလၢလၢပှဲၤပှဲၤန့ၣ်လီၤ.

လံာ်စီၤယိၤၡူ 15:14

စီၤကၤလ့းဟီထီၣ်ကွံာ်စီၤ ဧနးအစၢၤအသွဲၣ်တဖၣ်လၢဝ့ၢ်အပူၤလၢအမ့ၢ်စီၤၡ့ၡဲ, စီၤအဃံမ့ၣ်ဒီးစီၤတးလမဲအဒူၣ်ထၢတဖၣ်န့ၣ်လီၤ.

လံာ်စီၤယိၤၡူ 2:11

ဖဲပနၢ်ဟူတၢ်အံၤတဘျီဃီဒီးပပျံၤတၢ်လီၤ. လၢသုဃိပတၢ်သူၣ်ဒူသးဒူလီၤမၢ်ကွံာ်လၢာ်လံ. ယွၤသုကစၢ်ယွၤအံၤမ့ၢ်ကစၢ်ယွၤလၢအအိၣ်လၢမူခိၣ်လၢထးဒီး လၢဟီၣ်ခိၣ်အံၤစ့ၢ်ကီးန့ၣ်လီၤ.

လံာ်စီၤယိၤၡူ 2:24

ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”

လံာ်စီၤယိၤၡူ 2:9

ဒီးစံးဘၣ်အဝဲသ့ၣ်, “ယသ့ၣ်ညါလၢယွၤဟ့ၣ်လီၤသုကီၢ်အံၤလီၤ. ပှၤကိးဂၤဒဲးလၢထံကီၢ်ပူၤအံၤပျံၤသုလီၤ.

လံာ်ပှၤစံၣ်ညီၣ်ကွီၢ် 1:10

ဒီးအဝဲသ့ၣ်လဲၤထီၣ်ထီဒါပှၤကနၤဧၣ်ဖိအိၣ်လၢဝ့ၢ်ဃ့ဘြိၣ်လၢ တၢ်ညီနုၢ်ကိးအီၤလၢဝ့ၢ်ကံးရယးအၢ်ဘၤန့ၣ်လီၤ. ဖဲန့ၣ်, အဝဲသ့ၣ်မၤနၢၤကွံာ်စီၤၡ့ၤၡဲအဒူၣ်, စီၤအဃံမ့ၣ်အဒူၣ်ဒီး စီၤတၤလမဲအဒူၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:20

ဒ်စီၤမိၤၡ့မၤလိာ်တ့ၢ်ဝဲအသိးတၢ်ဟ့ၣ်လီၤဝ့ၢ်ဃ့ဘြိၣ်ဆူ စီၤကၤလ့းန့ၣ်လီၤ. ဒီးအဝဲနီၣ်ထီၣ်ကွံာ်စီၤဧနးအဒူၣ်အထၢသၢဒူၣ်န့ၣ်လီၤ.