လံာ်သိၣ်လီၤသီလီၤတၢ် 1:21 - Sgaw Karen Common Bible

²¹ ကွၢ်တကၢ်. ကီၢ်လၢယွၤပကစၢ်ယွၤဟ့ၣ်လီၤသုန့ၣ်, အိၣ်ဖဲန့ၣ်လီၤ. လဲၤဒီးမၤန့ၢ်အီၤဒ်အဝဲမၤလိာ်တ့ၢ်ဝဲအသိး န့ၣ်တက့ၢ်. မၤယံာ်မၤနီၢ်သုသးဒီးပျံၤတၢ်တဂ့ၤ.

လံာ်သိၣ်လီၤသီလီၤတၢ် 1:21 Iomraidhean Croise

လံာ်စီၤနဃ့မယၤ 9:15

တုၤတၢ်သၣ်ဝံၤအဝဲသ့ၣ်အသးဒီးနဟ့ၣ်အီၤကိၣ်လၢမူခိၣ်ဒီးတုၤ တၢ်သူအဝဲသ့ၣ်အသးလၢထံ ဒီးနဒုးဟဲထီၣ်ထံလၢလၢၢ်တဖျၢၣ်အပူၤန့ၣ်လီၤ. နတဲဘၣ်တ့ၢ်အဝဲသ့ၣ်လၢကပၢထံဧိၤကီၢ်ဧိၤ လၢနအၢၣ်လီၤတ့ၢ်လၢနကဟ့ၣ်အဝဲသ့ၣ်န့ၣ်လီၤ.

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 46:7

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်တၢ်ဂံၢ် 13:30

စီၤကၤလ့းဒုးအိၣ်ဘှီၣ်ပှၤဂီၢ်မုၢ်လၢအကဒူးကဒ့ၣ်တၢ်ထီဒါ စီၤမိၤၡ့ဒီးစံးဝဲဒၣ်, “ပကြၢးလဲၤထီၣ်ဒုးတၢ်ခဲအံၤဒီးမၤန့ၢ်ကီၢ်န့ၣ်လီၤ. ပဂံၢ်ပဘါအိၣ်လၢလၢပှဲၤပှဲၤလၢပကမၤနၢၤအီၤအဂီၢ်လီၤ.”

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

လံာ်သိၣ်လီၤသီလီၤတၢ် 1:20

ယတဲဘၣ်သု, ခဲအံၤသုဟဲတုၤဆူပှၤဧၣ်မိၣ်ဖိတဖၣ်အကီၢ်လၢအပှဲၤ ဒီးတၢ်လူၢ်တၢ်တြီၤလၢယွၤ, ပကစၢ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤပှၤန့ၣ်လံ.

လံာ်သိၣ်လီၤသီလီၤတၢ် 20:1

တုၤသုဟးထီၣ်ဒ်သိးသုကဒုးတၢ်ထီဒါသုဒုၣ်သုဒါတဖၣ်ဒီးသု မ့ၢ်ထံၣ်လ့ၣ်ကဟၣ်တဖၣ်ဒီးကသ့ၣ်တဖၣ်ဒီးသုးမုၢ်တဖုလၢအပှၤအနီၣ် ဂံၢ်အါန့ၢ်ဒံးသုပှၤန့ၣ်, ပျံၤအဝဲသ့ၣ်တဂ့ၤ. ယွၤသုကစၢ်ယွၤလၢအမၤပူၤဖျဲးတ့ၢ်သုလၢကီၢ်အဲၤကူပတူးန့ၣ် ကအိၣ်ဒီးသုလီၤ.

လံာ်သိၣ်လီၤသီလီၤတၢ် 20:3

ကီၢ်အံၣ်စရ့လးအပှၤသ့ၣ်ဧၢ, ဒိကနၣ်တၢ်တက့ၢ်. တနံၤအံၤသုကလဲၤဆူတၢ်ဒုးတၢ်ယၤအပူၤလီၤ. ပျံၤဘၣ်သုဒုၣ်သုဒါတဖၣ်မ့ၢ်ဂ့ၤ, မၤဟါမၢ်ကွံာ်သုတၢ်သးခူ တလ့ၢ်မ့ၢ်ဂ့ၤ, ပျံၤတၢ်ကလီကလီလၢအဂ့ၢ်တအိၣ်ကျိၤတအိၣ်မ့ၢ်ဂ့ၤ န့ၣ်တဂ့ၤ.

လံာ်သိၣ်လီၤသီလီၤတၢ် 31:6

ပာ်လီၤသုသးလီၤတံၢ်လီၤဆဲးသပှၢ်တၢၢ်ဒီးအိၣ်ဒီးတၢ်နာ်အဂၢၢ် အကျၢၤတက့ၢ်. ပျံၤဘၣ်အဝဲသ့ၣ်တဂ့ၤ, ယွၤ, သုကစၢ်ယွၤအနီၢ်ကစၢ်ဒၣ်ဝဲကအိၣ်ဒီးသုလီၤ. အဝဲတလီၤတိၢ်ကွံာ်ဘၣ်လၢသုဂီၢ်မ့ၢ်ဂ့ၤ, ပာ်လီၤတဲာ်တ့ၢ်ကွံာ် သုမ့ၢ်ဂ့ၤန့ၣ်ဘၣ်.”

လံာ်သိၣ်လီၤသီလီၤတၢ် 7:18

ပျံၤဘၣ်အဝဲသ့ၣ်တဂ့ၤ. သ့ၣ်နီၣ်ထီၣ်တၢ်လၢယွၤ, သုကစၢ်ယွၤမၤတ့ၢ်ဘၣ်ကီၢ်အဲၤကူပတူးအစီၤပၤဒီးအပှၤဂီၢ်မုၢ် ခဲလၢာ်အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 7:21

လၢတၢ်န့ၣ်အဃိ, ပျံၤဘၣ်ပှၤဂီၢ်မုၢ်တဖၣ်အံၤတဂ့ၤ. ယွၤ, သုကစၢ်ယွၤအိၣ်ဒီးသုလီၤ. အဝဲမ့ၢ်ကစၢ်ယွၤတဂၤလၢအဒိၣ် နီၢ်မး, ဒီးပှၤတဂၤလၢကြၢးဘၣ်တၢ်ပျံၤအီၤန့ၣ်လီၤ.

လံာ်သိၣ်လီၤသီလီၤတၢ် 9:23

ဒီးဖဲအဝဲဆှၢထီၣ်သုလၢဝ့ၢ်ကၤဒ့ၣ်ဘၢ်န့ဃုာ်ဒီးအတၢ်မၤလိာ် လၢသုကလဲၤဒီးမၤန့ၢ်ကီၢ်လၢအဝဲဟ့ၣ်လီၤသုန့ၣ်, သုပူထီၣ်ထီဒါအီၤလီၤ. သုတနာ်အီၤမ့ၢ်ဂ့ၤစူၢ်အီၤမ့ၢ်ဂ့ၤ န့ၣ်ဘၣ်.

ဧ့ၤဘြံၤ 13:6

လၢတၢ်အံၤအဃိပစံးပဝဲလၢတၢ်သးခူတလ့ၣ်အပူၤသ့ဝဲလၢ, “ကစၢ်မ့ၢ်ပှၤလၢအမၤစၢၤယၤ ယတပျံၤဘၣ်တၢ်ဘၣ်. ပှၤဟီၣ်ခိၣ်ဖိမၤယၤကသ့မနုၤတမံၤလဲၣ်.”

လံာ်စီၤယိၤၡူ 1:6

ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”