လံာ်သိၣ်လီၤသီလီၤတၢ် 1:19 - Sgaw Karen Common Bible

¹⁹ ပမၤတၢ်လၢယွၤ, ပကစၢ်ယွၤမၤလိာ်တ့ၢ်ပှၤန့ၣ်လီၤ. ပဟးထီၣ်ကွံာ်လၢကစၢၢ်စံၤနါ, ဒီးလဲၤခီဖျိပှၢ်မုၢ်ကနၢဖး ဒိၣ်ဖးလဲၣ်ဒီးလီၤပျံၤလီၤဖုး, လၢပတၢ်လဲၤကျဲဆူပှၤဧၣ်မိၣ်ဖိတဖၣ်အကီၢ်လၢအပှဲၤဒီးတၢ်လူၢ်တၢ်တြီၤန့ၣ်လီၤ. ဖဲပလဲၤတုၤလၢဝ့ၢ်ကၤဒ့ၣ်ဘၢ်န့န့ၣ်,

လံာ်သိၣ်လီၤသီလီၤတၢ် 1:19 Iomraidhean Croise

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်တၢ်ဂံၢ် 10:12

ဒီးပှၤအံၣ်စရ့လးဖိတဖၣ်စးထီၣ်အတၢ်လဲၤဟးထီၣ်ကွံာ်လၢကစၢၢ် နံၤနါအပှၢ်မုၢ်ကနၢပူၤန့ၣ်လီၤ. တၢ်အၢၣ်န့ၣ်ဟဲလီၤဒီးအိၣ်ကတီၢ်ဝဲဖဲပှၢ်မုၢ်ကနၢပၤရၣ်န့ၣ်လီၤ.

လံာ်တၢ်ဂံၢ် 13:26

ဆူစီၤမိၤၡ့, စီၤအၤဟရိၣ်, ဒီးကီၢ်အံၣ်စရ့လးအပှၤဒီတဖု လၢအအိၣ်သကိးတပူၤဃီအအိၣ်, ဖဲကၤဒ့ၣ်လၢပၤရၣ်အပှၢ်မုၢ်ကနၢ အပူၤန့ၣ်လီၤ. အဝဲသ့ၣ်တဲဖျါထီၣ်တၢ်လၢအဝဲသ့ၣ်ထံၣ်တ့ၢ်ဝဲဒီးဒုးနဲၣ် အဝဲသ့ၣ်တၤသူတၤသၣ်လၢအဝဲသ့ၣ်ဟဲက့ၤစိာ်ဝဲန့ၣ်လီၤ.

လံာ်တၢ်ဂံၢ် 14:14

အဝဲသ့ၣ်ကတဲဘၣ်တၢ်အံၤဆူပှၤဂီၢ်မုၢ်လၢအအိၣ်လၢကီၢ်တဘ့ၣ်အံၤ အပူၤလီၤ. ပှၤဂီၢ်မုၢ်အံၤနၢ်ဟူတ့ၢ်လံလၢနၤ, ယွၤ, အိၣ်ဒီးပှၤ, လၢနအိၣ်ဖျါလီၤတံၢ်လီၤဆဲးဖဲနတၢ်အၢၣ်အထူၣ်အိၣ် ကတီၢ်လၢပဖီခိၣ်ဒီးနလဲၤဆိတၢ်လၢပမဲာ်ညါလၢတၢ်အၢၣ်အထူၣ် တထူၣ်အပူၤလၢမုၢ်ဆါခီဒီးလၢမ့ၣ်အူထူၣ်တထူၣ်အပူၤလၢမုၢ်နၤ ခီန့ၣ်လီၤ.

လံာ်တၢ်ဂံၢ် 32:8

တၢ်အံၤမ့ၢ်တၢ်လၢသုပၢ်တဖၣ်မၤတ့ၢ်ဝဲဖဲယမၢလီၤအဝဲသ့ၣ်လၢ ကၤဒ့ၣ်ဘၢ်န့ဒ်သိးကလဲၤဃုကွၢ်ထံကီၢ်တဘ့ၣ်အခါန့ၣ်လီၤ.

လံာ်သိၣ်လီၤသီလီၤတၢ် 1:2

(တၢ်လဲၤကျဲလၢကစၢၢ်စံၤနါဆူကၤဒ့ၣ်ဘၢ်နံခီဖျိကီၢ်အဒိၣ် အတၢ်လူၢ်တၢ်တြီၤအကျဲန့ၣ်, ယံာ်ဝဲတဆံတသီန့ၣ်လီၤ.)

လံာ်သိၣ်လီၤသီလီၤတၢ် 1:20

ယတဲဘၣ်သု, ခဲအံၤသုဟဲတုၤဆူပှၤဧၣ်မိၣ်ဖိတဖၣ်အကီၢ်လၢအပှဲၤ ဒီးတၢ်လူၢ်တၢ်တြီၤလၢယွၤ, ပကစၢ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤပှၤန့ၣ်လံ.

လံာ်သိၣ်လီၤသီလီၤတၢ် 1:7

ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်သိၣ်လီၤသီလီၤတၢ် 2:7

သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 32:10

အဝဲထံၣ်ဘၣ်အဝဲသ့ၣ်ဟးဝ့ၤဝီၤတၢ်ခီဖျိပှၢ်မုၢ်ကနၢ, တၢ်အိၣ်သယုၢ်အလီၢ်တပူၤ, ပှၢ်မုၢ်ကနၢဖဲကလံၤအူတၢ်န့ၣ်လီၤ. အဝဲဒီဒၣ်အိၣ်ပှိၤတ့ၢ်အဝဲသ့ၣ်ဒီးကဟုကယာ်အံးထွဲကွၢ်ထွဲ အဝဲသ့ၣ်, ဒ်အဝဲကဒီဒၣ်အိၣ်ပှိၤလီၤက့ၤအသးဒၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 8:15

အဝဲဆှၢခီဖျိသုလၢပှၢ်မုၢ်ကနၢဖးလဲၢ်ဒီးလီၤပျံၤလီၤဖုး အပူၤ, ဖဲဂုၢ်တဖၣ်လၢအအိၣ်ဒီးအစုၣ်အၢဒီးပတ့ၤချဲးတဖၣ်အိၣ်ဝဲန့ၣ် လီၤ. လၢကီၢ်လၢအဃ့ထီဒီးထံတအိၣ်ဘၣ်တကီၢ်အပူၤန့ၣ်, အဝဲဒုးယွၤလီၤထံလၢလၢၢ်အကျၢၤနီၢ်နီၢ်အပူၤလၢသုဂီၢ်န့ၣ် လီၤ.

လံာ်စီၤယိၤၡူ 10:41

စီၤယိၤၡူမၤနၢၤအဝဲသ့ၣ်စးထီၣ်လၢဝ့ၢ်ကၤဒ့ၣ်ဘၢ်န့တုၤလၢ ဝ့ၢ်ဂါစၤ, ဒီးကိၡ့ၣ်အကီၢ်ဒီဘ့ၣ်ညါတုၤလီၤလၢဝ့ၢ်ကံးဘိၣ်န့ၣ်လီၤ.