လံာ်သိၣ်လီၤသီလီၤတၢ် 1:15 - Sgaw Karen Common Bible

¹⁵ မၤသးဒ်န့ၣ်ဒီး, ယဟံးန့ၢ်ပှၤကူၣ်တၢ်သ့ဒီးခိၣ်နၢ်တဖၣ်လၢအတၢ် လဲၤခီဖျိအါဝဲလၢသုဃုထၢထီၣ်အီၤလၢသုဒူၣ်တဖၣ်အကျါ, ဒီးယပာ်ထီၣ်အဝဲသ့ၣ်ဒ်သုခိၣ်သုနၢ်အသိးန့ၣ်လီၤ. ပှၤတနီၤအမူအဒါအိၣ်ဝဲလၢပှၤတကထိအဖီခိၣ်, တနီၤလၢပှၤတကယၤအဖီခိၣ်, တနီၤလၢပှၤယဲၢ်ဆံအဖီခိၣ်, ဒီးတနီၤလၢပှၤတဆံအဖီခိၣ်အဂီၢ်န့ၣ်လီၤ. ယဃုထၢပာ်လီၤစ့ၢ် ကီးပှၤခိၣ်ပှၤနၢ်အဂၤတဖၣ်လၢပှၤအဒူၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 1:15 Iomraidhean Croise

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 24:1

ယွၤစံးဘၣ်စီၤမိၤၡ့, “ဟဲထီၣ်ဆူကစၢၢ်ကလိဆူယအိၣ်, နဲဒၣ်ဒီးစီၤအၤဟရိၣ်, စီၤနၤဒးဒီးစီၤအဘံဟူၤ, ဒီးပှၤအံၣ်စရ့လးဖိအခိၣ်အနၢ်တဖၣ်အဂၤနွံဆံန့ၣ်တက့ၢ်. ဒီးဖဲသုအိၣ်ဒံးလၢအယံၤန့ၣ်ဆုးလီၤသုခိၣ်လၢတၢ်ဘူၣ်ထီၣ် ဘါထီၣ်အပူၤတက့ၢ်.

လံာ်တၢ်ဂံၢ် 1:4

ဃ့တၢ်မၤစၢၤလၢဒူၣ်တဒူၣ်အခိၣ်လၢဒူၣ်ကိးဒူၣ်ဒဲးအပူၤလၢကမၤ စၢၤနၤအဂီၢ်တက့ၢ်.”

လံာ်တၢ်ဂံၢ် 31:14

စီၤမိၤၡ့သးဒိၣ်ထီၣ်ပှၤခိၣ်ပှၤနၢ်တဖၣ်, သုးခိၣ်သုးနၢ်တဖၣ် လၢအပၢဆှၢသုးမုၢ်အကထိတဖၣ်ဒီးအကရူၢ်တဖၣ်, လၢအဟဲက့ၤကဒါက့ၤလၢတၢ်ဒုးပျီပူၤန့ၣ်လီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 1:14

သုအၢၣ်လီၤထွဲလၢတၢ်အံၤမ့ၢ်တၢ်လၢပဂ့ၤမၤအီၤတမံၤလီၤ.

လံာ်သိၣ်လီၤသီလီၤတၢ် 1:16

အကတီၢ်ဖဲန့ၣ်, ယသိၣ်လိနဲၣ်ယုၤအဝဲသ့ၣ်, လၢကဒိကနၣ်တၢ်ဂ့ၢ်လိာ် ဘှီလိာ်တဖၣ်လၢအဟဲထီၣ်လၢအပှၤဂီၢ်မုၢ်အကျါန့ၣ်လီၤ. ယမၢအစံၣ်ညီၣ်တီတၢ်ဂ့ၢ်လိာ်ဘှီလိာ်တီတီလိၤလိၤလၢအဘၣ်ဃး ဒီးအပှၤဂီၢ်မုၢ်ဒၣ်ဝဲမ့ၢ်ဂ့ၤ, ဘၣ်ဃးဃုာ်ဒီးပှၤတခီဘီမုၢ်ဖိတဖၣ်လၢအအိၣ်ဆိးလၢအကျါမ့ၢ် ဂ့ၤန့ၣ်လီၤ.

လံာ်သိၣ်လီၤသီလီၤတၢ် 16:18

ဃုထၢပာ်လီၤပှၤစံၣ်ညီၣ်ကွီၢ်တဖၣ်ဒီးပဒိၣ်ပပှၢ်အဂၤတဖၣ်လၢ ကယဲၢ်ဝ့ၢ်တဖၣ်အပူၤလၢယွၤသုကစၢ်ယွၤဟ့ၣ်လီၤသုန့ၣ်တက့ၢ်. ပှၤတဖၣ်န့ၣ်ကဘၣ်စံၣ်ညီၣ်ပှၤဂီၢ်မုၢ်တအိၣ်ဘၣ်ဒီးတၢ်ကွၢ်မဲာ်ဘၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:18

ဒီးလဲၤစိာ်တၢ်နုၢ်ထံလီၤသကၤအလိၣ်တဆံအံၤဆူသုးခိၣ်ဖးဒိၣ် အအိၣ်တက့ၢ်. ဃုသ့ၣ်ညါနဝဲၢ်တဖၣ်မ့ၢ်အအိၣ်မၤသးဒ်လဲၣ်ဒီးဟဲက့ၤစိာ်တၢ် တမံၤလၢကဒုးနဲၣ်တၢ်လၢနထံၣ်တ့ၢ်အဝဲသ့ၣ်ဒီးလၢအဝဲသ့ၣ်အိၣ် ဆူၣ်အိၣ်ချ့အဂ့ၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 22:7

ဒီးအဝဲစံးဘၣ်အသုးနၢ်တဖၣ်, “ဒိကနၣ်တၢ်တက့ၢ်, စီၤဘံၣ်ယၤမံၣ်အပှၤကညီဧၢ, မ့ၢ်သုဆိကမိၣ်လၢစီၤဒၤဝံး ကဟ့ၣ်စံၣ်ပျီဒီးစပံးအလီၢ်တဖၣ် ဆူသုဝဲခဲလၢာ်အအိၣ်ဒီးဒုးကဲသု လၢသုးခိၣ်သုးနၢ်လၢအသုးမုၢ်ပူၤန့ၣ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 8:12

အဝဲကဒုးကဲထီၣ်အီၤတနီၤလၢပှၤအဂၤတကထိအခိၣ်ဒီးတနီၤလၢပှၤ အဂၤယဲၢ်ဆံအခိၣ်လီၤ. သုဖိခွါတဖၣ်ကဘၣ်ထူန့ၢ်အဝဲအစံာ်တဖၣ်, ကူးန့ၢ်က့ၤအဘုဧိၤဟုဧိၤ, ဒီးဘှီန့ၢ်အစုကဝဲၤဒီးတၢ်အပီးအလီလၢအလ့ၣ်ကဟၣ်ဒုးသုးတဖၣ် အဂီၢ်န့ၣ်လီၤ.