လံာ်သိၣ်လီၤသီလီၤတၢ် 1:12 - Sgaw Karen Common Bible

¹² မ့မ့ၢ်ဒၣ်ထဲယၤတဂၤဧိၤန့ၣ်, ယစိာ်ထီၣ်မူဒါအဃၢလၢတၢ်မၤလိၤ မၤဘၣ်သုတၢ်ဂ့ၢ်လိာ်ဘှီလိာ်တဖၣ်အဂီၢ်ကသ့ဒ်လဲၣ်.

လံာ်သိၣ်လီၤသီလီၤတၢ် 1:12 Iomraidhean Croise

စံးထီၣ်ပတြၢၤ 89:19

လၢပျၢၤ, နကတိၤတၢ်ဒီးနပှၤတီပှၤလိၤတဖၣ်လၢ တၢ်ထံၣ်လၢညါခီအပူၤ, ဒီးနစံး, “ယဟ့ၣ်လီၤလံပှၤသုးဖိ မံၤဟူသၣ်ဖျါတဂၤလၢ တၢ်မၤစၢၤ, ယဟ့ၣ်လီၤလံလီၢ်ပစိာ်ဆူပှၤတဂၤ လၢယဃုထၢအီၤလၢ ပှၤဂီၤမုၢ်အကျါလံ.

လံာ်တၢ်ဟးထီၣ်ကွံာ် 18:18

နကမၤလီၤဘှံးလီၤတီၤနသးဒီးပှၤဂီၢ်မုၢ်တဖၣ်စ့ၢ်ကီးန့ၣ်လီၤ. တၢ်အံၤအါကဲာ်ဆိးလၢနကမၤအီၤထဲတဂၤဧိၤအဂီၢ်လီၤ.

၂ ကရံၣ်သူး 2:16

လၢပှၤလီၤမၢ်တဖၣ်အဂီၢ်န့ၣ်, အဝဲအံၤမ့ၢ်တၢ်နၢအုၣ်နၢ ပူးလၢအဒုးအိၣ်ထီၣ်တၢ်သံတၢ်ပှၢ်, မ့မ့ၢ်လၢပှၤဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်, မ့ၢ်ဝဲတၢ်နၢမူနၢဆှီလၢအဟဲစိာ်တၢ်နၢမူလီၤ. မ့မ့ၢ်ဒ်န့ၣ်ဒီး, မ့ၢ်မတၤမၤတၢ်မၤဒ်သိးအံၤတမံၤသ့ဝဲတဂၤလဲၣ်.

၂ ကရံၣ်သူး 3:5

တၢ်တအိၣ်လၢပပူၤနီတမံၤလၢအကပျဲပစံး, ပမၤတၢ်မၤတမံၤ အံၤသ့ဝဲန့ၣ်ဘၣ်. တၢ်သ့တၢ်ဘၣ်လၢအအိၣ်ဒီးပှၤန့ၣ်, ဟဲလၢကစၢ်ယွၤအအိၣ်တခီလီၤ.

လံာ်သိၣ်လီၤသီလီၤတၢ် 1:11

မ်ယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤမၤအါထီၣ်သု အစးတဖၣ်လၢအကထိတဖၣ်ဒီးဒုးဘီၣ်ထီၣ်ညီထီၣ်သုဒ်အအၢၣ်လီၤတ့ၢ် ဝဲအသိးန့ၣ်တက့ၢ်.

လံာ်သိၣ်လီၤသီလီၤတၢ် 1:13

ဃုထၢထီၣ်ပှၤတနီၤ, လၢအကူၣ်သ့, အိၣ်ဒီးတၢ်သ့ၣ်ညါနၢ်ပၢၢ်ဒီး မ့ၢ်ပှၤလၢအတၢ်လဲၤခီဖျိအါဝဲလၢတဒူၣ်ဘၣ်တဒူၣ်စုာ်စုာ်အပူၤ, ဒီးယကဒုးကဲထီၣ်အဝဲသ့ၣ်လၢသုခိၣ်သုနၢ်န့ၣ်လီၤ.”

လံာ်သိၣ်လီၤသီလီၤတၢ် 1:9

စီၤမိၤၡ့စံးဘၣ်ပှၤဂီၢ်မုၢ်, “ဖဲပအိၣ်ဒံးလၢကစၢၢ်စံၤနါ အခါန့ၣ်, ယစံးဘၣ်တ့ၢ်သု, မူဒါလၢတၢ်ပၢဆှၢသုအဂီၢ်န့ၣ်ဒိၣ်မးလၢ ယဂီၢ်လီၤ. ယမၤအီၤထဲတဂၤဧိၤတသ့ဘၣ်.