လံာ်သိၣ်လီၤသီလီၤတၢ် 1:1 - Sgaw Karen Common Bible

¹ လၢလံာ်အံၤအပူၤအိၣ်ဒီးတၢ်ကတိၤတဖၣ်လၢစီၤမိၤၡ့ကတိၤတ့ၢ် ဝဲဆူကီၢ်အံၣ်စရ့လးအပှၤဂီၢ်မုၢ်, ဖဲအဝဲသ့ၣ်အိၣ်လၢပှၢ်မုၢ်ကနၢအပူၤလၢထံကျိယၢ်ဒ့ၣ်အမုၢ်ထီၣ် အခါန့ၣ်လီၤ. အဝဲသ့ၣ်အိၣ်လၢထံကျိယၢ်ဒ့ၣ်အတၢ်တြီၤပူၤဘူးဒီးဝ့ၢ်စူး, လၢအအိၣ်ဖဲလၢတၢ်ဘၢၣ်စၢၤဖဲတခီမ့ၢ်ဝ့ၢ်ပၤရၣ်ဒီးလၢအဂၤတခီ န့ၣ်အိၣ်ဒီးဝ့ၢ်တိဖလး, ဝ့ၢ်လၤဘၣ်, ဝ့ၢ်ဃစ့ရိးဒီးဝ့ၢ်ဒံစၤဟးတဖၣ်န့ၣ်လီၤ.

လံာ်သိၣ်လီၤသီလီၤတၢ် 1:1 Iomraidhean Croise

လံာ်တၢ်ကဲထီၣ်အခီၣ်ထံး 21:21

အမိၢ်ဃုထံၣ်န့ၢ်အီၤအဲၤကူပတူးမုၣ်တဂၤလၢကကဲထီၣ်အမါအဂီၢ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:18

အဝဲသ့ၣ်ဟးထီၣ်ကွံာ်လၢကီၢ်မံးဒယၣ်အပူၤဒီးလဲၤဝဲဆူကီၢ်ပၤ ရၣ်ဖဲပှၤအဂၤတနီၤပာ်ဖှိၣ်ထီၣ်အသးဒီးအဝဲသ့ၣ်န့ၣ်လီၤ. အန့ၣ်ဝံၤဒီး, အဝဲသ့ၣ်လဲၤဝဲဆူကီၢ်အဲၤကူပတူး, ဒီးလဲၤဝဲဆူစီၤပၤအအိၣ်, ဒီးစီၤပၤဟ့ၣ်လီၤစီၤဟၤဒးလၢတၢ်လီၢ်တနီၤ, ဒီးဟံၣ်တဖျၢၣ်ဒီးဟ့ၣ်လီၤအီၤလၢတၢ်အီၣ်တၢ်အီန့ၣ်လီၤ.

လံာ်ဃဘးကူာ် 3:3

ကစၢ်ယွၤဟဲကဒီးလၢကီၢ်အဒိၣ်, ကစၢ်ယွၤလၢအစီဝဲဆှံဝဲတဂၤဟဲလီၤလၢပၤရၣ်အကစၢၢ်တဖၣ်လီၤ. အတၢ်လီၤဘီလီၤမုၢ်ကးဘၢမူကပိာ်လိၤတဖၣ် ဒီးဟီၣ်ခိၣ်ပှဲၤဝဲဒီးအတၢ်စံးထီၣ်ပတြၢၤလီၤ.

လံာ်တၢ်ဂံၢ် 10:12

ဒီးပှၤအံၣ်စရ့လးဖိတဖၣ်စးထီၣ်အတၢ်လဲၤဟးထီၣ်ကွံာ်လၢကစၢၢ် နံၤနါအပှၢ်မုၢ်ကနၢပူၤန့ၣ်လီၤ. တၢ်အၢၣ်န့ၣ်ဟဲလီၤဒီးအိၣ်ကတီၢ်ဝဲဖဲပှၢ်မုၢ်ကနၢပၤရၣ်န့ၣ်လီၤ.

လံာ်တၢ်ဂံၢ် 11:35

ပှၤဂီၢ်မုၢ်သုးအသးလၢတၢ်လီၢ်န့ၣ်ဆူဃစ့ရိၤ, တၢ်လီၢ်ဖဲအဝဲသ့ၣ်သူၣ်ထီၣ်ဒဲန့ၣ်လီၤ.

လံာ်တၢ်ဂံၢ် 12:16

အန့ၣ်ဝံၤဒီးအဝဲသ့ၣ်ဟးထီၣ်ကွံာ်လၢဃစ့ရိၤဒီးသူၣ်ဒဲလၢပၤရၣ်အပှၢ်မုၢ်ကနၢပူၤန့ၣ်လီၤ.

လံာ်တၢ်ဂံၢ် 13:26

ဆူစီၤမိၤၡ့, စီၤအၤဟရိၣ်, ဒီးကီၢ်အံၣ်စရ့လးအပှၤဒီတဖု လၢအအိၣ်သကိးတပူၤဃီအအိၣ်, ဖဲကၤဒ့ၣ်လၢပၤရၣ်အပှၢ်မုၢ်ကနၢ အပူၤန့ၣ်လီၤ. အဝဲသ့ၣ်တဲဖျါထီၣ်တၢ်လၢအဝဲသ့ၣ်ထံၣ်တ့ၢ်ဝဲဒီးဒုးနဲၣ် အဝဲသ့ၣ်တၤသူတၤသၣ်လၢအဝဲသ့ၣ်ဟဲက့ၤစိာ်ဝဲန့ၣ်လီၤ.

လံာ်တၢ်ဂံၢ် 13:3

စီၤမိၤၡ့စူၢ်တၢ်ဒီးလၢပၤရၣ်အပှၢ်မုၢ်ကနၢန့ၣ်အဝဲဆှၢလီၤ ပှၤခိၣ်ပှၤနၢ်တဖၣ်ဒ်လၢလာ်အံၤအသိးန့ၣ်လီၤ. ပှၤအဒူၣ် ခိၣ်နၢ် ရူၤဘ့ၣ် စီၤစးကူၢ်အဖိခွါစီၤၡးမူၤ စူၤမ့းအိၣ် စီၤဃိရံၤအဖိခွါစီၤၡၤဖး ယူဒၤ စီၤယဖူန့ၤအဖိခွါစီၤကၤလ့း ယံးစၣ်ကၢ် စီၤယိၤသးအဖိခွါစီၤယံးကအၤလး အ့ၤဖရဲၣ် စီၤနိၣ်အဖိခွါစီၤယိၤၡူ ဘံၣ်ယၤမံၣ် စီၤရါဖူၤအဖိခွါစီၤပးလတံၤ စဘူလိၣ် စီၤစိဒံၤအဖိခွါစီၤကးဒံၤအ့လး မနၤၡ့ၤ စီၤစူစံၤအဖိခွါစီၤကၤဒံ ဒၣ် စီၤကမးလံၤအဖိခွါစီၤဧးမံၤအ့လး အၤၡ့ၢ် စီၤမံၤက့လးအဖိခွါစီၤစသူၢ် နးသၤလံ စီၤဝးဖစံၤအဖိခွါ, စီၤဃၤနဘံ ကံး စီၤမၤကံအဖိခွါစီၤကအူၤမ့လး

လံာ်တၢ်ဂံၢ် 32:19

ပတဟံးစ့ၢ်ကီးတၢ်စုလီၢ်ခီၣ်ခိၣ်အတၢ်န့ၢ်သါလၢအဝဲသ့ၣ်အကျါ လၢထံကျိယၢ်ဒ့ၣ်အဘးခီတကပၤန့ၣ်နီတမံၤဘၣ်. အဂ့ၢ်ဒ်အံၤ, ပဒိးန့ၢ်တ့ၢ်လံတၢ်နီၤဖးလၢပဂီၢ်ဖဲအံၤလၢယၢ် ဒ့ၣ်အမုၢ်ထီၣ်တခီလံန့ၣ်လီၤ.”

လံာ်တၢ်ဂံၢ် 32:32

လၢအဝဲအတၢ်မၤလိာ်အဖီလာ်န့ၣ်ပကခီဂာ်တၢ်ဆူ ကီၢ်ကနၤဧၣ်အပူၤဒီးလဲၤဒုးတၢ်ဒ်သိးပပၢၤဃးပတၢ်စုလီၢ်ခီၣ် ခိၣ်ဖဲအံၤလၢထံကျိယၢ်ဒ့ၣ်အမုၢ်ထီၣ်တကပၤအံၤကသ့ဝဲန့ၣ် လီၤ.”

လံာ်တၢ်ဂံၢ် 32:5

ဝံသးစူၤဟ့ၣ်ပှၤတၢ်လီၢ်အံၤဒ်ပတၢ်စုလီၢ်ခီၣ်ခိၣ်အသိး, ဒီးတဘၣ်ဒုးလဲၤခီဂာ်ပှၤဆူထံကျိယၢ်ဒ့ၣ်အဝၢ်ဘးခီလၢပကသူၣ် လီၤဆီလီၤပသးဖဲန့ၣ်တဂ့ၤ.”

လံာ်တၢ်ဂံၢ် 34:15

လၢထံကျိယၢ်ဒ့ၣ်အမုၢ်ထီၣ်တကပၤသဃီၤဒီးဝ့ၢ်ယရံၤဃိန့ၣ်လီၤ.”

လံာ်သိၣ်လီၤသီလီၤတၢ် 2:8

မၤသးဒ်န့ၣ်ဒီးပလဲၤဆူညါဒီးဟးထီၣ်ကွံာ်လၢကျဲလဲၤဆူ ဝ့ၢ်အ့လၤသးဒီးဝ့ၢ်ဧ့းစယိၣ်က့ဘ့ၢ်, ဆူပီၣ်လဲၣ်သံဒီးပလဲၤ တရံးဃီၤဆူကလံၤစိးမုၢ်ထီၣ်လိၤလိၤဆူကီၢ်မိၤအးန့ၣ်လီၤ.

လံာ်သိၣ်လီၤသီလီၤတၢ် 27:1

အန့ၣ်ဝံၤဒီး, စီၤမိၤၡ့ဃုာ်ဒီးကီၢ်အံၣ်စရ့လးအခိၣ်အနၢ်တဖၣ် စံးဘၣ်ပှၤဂီၢ်မုၢ်, “စူၢ်ကယဲၢ်တၢ်သိၣ်လိနဲၣ်ယုၤတဖၣ်လၢယက ဟ့ၣ်လီၤသုလၢမုၢ်မဆါတနံၤအံၤတက့ၢ်.

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.

လံာ်သိၣ်လီၤသီလီၤတၢ် 31:1

စီၤမိၤၡ့ကတိၤထွဲဒံးတၢ်ဆူကီၢ်အံၣ်စရ့လးအပှၤဂီၢ်မုၢ်, ဒီးစံးဝဲ, “ခဲအံၤ, ယသးအိၣ်လံအနံၣ်တကယၤခံဆံ, ဒီးယကကဲထီၣ်သုခိၣ်သုနၢ်ဆူညါန့ၣ်ယမၤတသ့လၢၤဘၣ်. လၢန့ၣ်အမဲာ်ညါ, ယွၤစံးဘၣ်တ့ၢ်ယၤလၢယတဘၣ်ခီဂာ်ထံကျိယၢ် ဒ့ၣ်ဘၣ်.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

လံာ်သိၣ်လီၤသီလီၤတၢ် 4:46

တၢ်လီၢ်အံၤအိၣ်ဝဲလၢပှၤဧၣ်မိၣ်ဖိတဖၣ်အစီၤပၤစီၤစံဃိၣ်လၢ အပၢတၢ်လၢဝ့ၢ်ဃ့ၡဘိၣ်, အလီၢ်ကဝီၤပူၤန့ၣ်လီၤ. စီၤမိၤၡ့ဒီးကီၢ်အံၣ်စရ့လးအပှၤဂီၢ်မုၢ်မၤနၢၤကွံာ်အီၤဖဲ အဝဲသ့ၣ်ဟးထီၣ်ကွံာ်လၢကီၢ်အဲၤကူပတူးပူၤအခါန့ၣ်လီၤ.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်စီၤယိၤၡူ 22:4

အခဲအံၤ, ယွၤသုကစၢ်ဟ့ၣ်လီၤသုဒီပုၢ်ဝဲၢ်ပှၤအံၣ်စရ့လးဖိတဖၣ် လၢတၢ်ဃူတၢ်ဖိးဒ်အအၢၣ်လီၤတ့ၢ်ဝဲအသိးန့ၣ်လီၤ. လၢတၢ်န့ၣ်အဃိ, က့ၤသုဝဲဆူကီၢ်လၢအမ့ၢ်သုတၢ်န့ၢ်သါ, ကီၢ်လၢထံကျိယၢ်ဒ့ၣ်အမုၢ်ထီၣ်တကပၤလၢယွၤအခ့အပှၤ စီၤမိၤၡ့ဟ့ၣ်လီၤသုန့ၣ်တက့ၢ်.

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.

လံာ်စီၤယိၤၡူ 9:1

အံၣ်စရ့လးအတၢ်မၤနၢၤအံၤဘၣ်တၢ်သ့ၣ်ညါအီၤလၢစီၤပၤတဖၣ်လၢ ထံကျိယၢ်ဒ့ၣ်အမုၢ်နုာ်လၢကစၢၢ်ကလိတဖၣ်, လၢကစၢၢ်ခီၣ်ထံးတဖၣ်, ဒီးလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အဃၢၤ, ဒီးလၢကလံၤစိးန့ၣ်ယံၤဝဲတုၤလၢလဘၤနိၣ်, လၢအမ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိ အစီၤပၤတဖၣ်အအိၣ်န့ၣ်လီၤ.

လံာ်စီၤယိၤၡူ 9:10

ဒီးတၢ်လၢအမၤဘၣ်ပှၤအမိၢ်ဖိအစီၤ ပၤခံဂၤလၢထံကျိယၢ်ဒ့ၣ်အမုၢ်ထီၣ်ဃ့ၡဘိၣ်အစီၤပၤစံ ဃိၣ်, ဒီးဘၤၡၣ်အစီၤပၤဧိာ်လၢအအိၣ်ဝဲလၢဧၤၡၤတြိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:1

စီၤၡမူၤအ့လးသံဝဲဒီးကယဲၢ်ပှၤအံၣ်စရ့လးဖိတဖၣ်ဟဲသကိး ဒီးဟီၣ်တၢ်ယၢၤတၢ်လၢအဃိလီၤ. အန့ၣ်ဝံၤဒီးအဝဲသ့ၣ်ခူၣ်လီၤအီၤလၢအဟံၣ်လၢဝ့ၢ်ရၤမါအပူၤ န့ၣ်လီၤ.