လံာ်ဒၤနံးယ့လး 9:8 - Sgaw Karen Common Bible

⁸ ယွၤဧၢ, ပစီၤပၤတဖၣ်, ပပှၤပၢတၢ်တဖၣ်, ဒီးမိၢ်ပၢ်ဖံဖုလၢပျၢၤတဖၣ်မၤတ့ၢ်တၢ်လၢအလီၤမဲာ်ဆှး ဒီးမၤတ့ၢ်တၢ်ဒဲးဘးထီဒါနၤလီၤ.

လံာ်ဒၤနံးယ့လး 9:8 Iomraidhean Croise

လံာ်စီၤပၤခံဘ့ၣ်တဘ့ၣ် 21:15

ယကမၤဘၣ်ယပှၤဂီၢ်မုၢ်လၢတၢ်အံၤ, မ့ၢ်လၢအဝဲသ့ၣ်မၤတ့ၢ်တၢ်ဒဲး ဘးထီဒါယၤဒီးထိၣ်ဂဲၤထီၣ်ယတၢ်သးကဲၤထီၣ်စးထီၣ်လၢအဝဲသ့ၣ် အမိၢ်ပၢ်ဖံဖုလၢပျၢၤတဖၣ်ဟးထီၣ်လၢကီၢ်အဲၤကူပတူး, တုၤလီၤလၢမုၢ်မဆါတနံၤအံၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:37

ဒိကနၣ်လၢ်နပှၤဂီၢ်မုၢ်အတၢ်ထုကဖၣ်တဖၣ်န့ၣ်တက့ၢ်. လၢထံကီၢ်အဝဲန့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးဒီးဘါ ထုကဖၣ်ဆူနအိၣ်, ဒီးအၢၣ်လီၤက့ၤဝဲလၢမၤဘၣ်တၢ်ဒဲးဘးထဲလဲၣ်, ဒီးအဝဲသ့ၣ်မ့ၢ်တ့ၢ်ပှၤအၢဝဲသီဝဲထဲလဲၣ်န့ၣ်, ယွၤဧၢ, ဒိကနၣ်လၢ်အဝဲသ့ၣ်အတၢ်ထုကဖၣ်တဖၣ်န့ၣ်တက့ၢ်.

လံာ်စီၤနဃ့မယၤ 1:6

ယွၤဧၢ, ကွၢ်ယၤ, ဒ်ယဃ့တၢ်လၢနခ့နပှၤပှၤအံၣ်စရ့လးဖိ တဖၣ်အဂီၢ်လၢနံၤဒီးနၤန့ၣ်ဒိကနၣ်လၢ်ဘၣ်ယတၢ်ထုကဖၣ် န့ၣ်တက့ၢ်. ယအၢၣ်လီၤလၢပဝဲ, ပှၤအံၣ်စရ့လးဖိတဖၣ်ပအိၣ်ဒီးတၢ်ကမၣ်လီၤ. ယၤဒီးယမိၢ်ယပၢ်ယဖံယဖုတဖၣ်ပမၤတ့ၢ်တၢ်ဒဲးတူၢ်ဒဲးဘးလီၤ.

လံာ်ယၡါယၤ 64:4

ကစၢ်ယွၤဒ်နၤတဂၤအသိး, လၢအမၤတၢ်ဒ်န့ၣ်တဖၣ်လၢပှၤ လၢအပာ်အတၢ်မုၢ်လၢ်လၢနပူၤအဂီၢ်န့ၣ်ပှၤတထံၣ်တ့ၢ်ဒီးနၢ်ဟူ တ့ၢ်နီတဂၤဘၣ်.

လံာ်ယံးရမံယၤ 14:20

ယွၤဧၢ, ပမၤတ့ၢ်တၢ်ဒဲးဘးထီဒါနၤလီၤ. ပအၢၣ်လီၤပတၢ်ဒဲးဘးဒၣ်ပဝဲတဖၣ် ဒီးပမိၢ်ပၢ်ဖံဖုလၢပျၢၤတဖၣ်အတၢ်ဒဲးဘးတဖၣ်န့ၣ်လီၤ.

လံာ်ယံးရမံယၤ 32:32

မ့ၢ်လၢတၢ်အၢတၢ်သီ ခဲလၢာ်လၢ အဘၣ်တၢ်မၤတ့ၢ်အီၤလၢ ပှၤဂီၢ်မုၢ်လၢ ကီၢ်ယူဒၤဒီးဝ့ၢ်ယရူၤရှလ့ၣ်, ဃုာ်ဒီး အဝဲသ့ၣ်အစီၤပၤတဖၣ်ဒီး အခိၣ်အနၢ်တဖၣ်, ဒီးအပှၤလုၢ်တၢ်အခိၣ်တဖၣ်ဒီး အဝံတဖၣ်အဃိန့ၣ်လီၤ.

လံာ်ယံးရမံယၤ 7:19

ဘၣ်ဆၣ်ဒီး, မ့ၢ်ယမ့ၢ်နီၢ်နီၢ်ပှၤတဂၤလၢအဝဲသ့ၣ်မၤဘၣ်ဒိဘၣ်ထံးဝဲန့ၣ်ဧါ. တမ့ၢ်ဘၣ်. အဝဲသ့ၣ်မၤဘၣ်ဒိဘၣ်ထံးလီၤဒၣ်အသး ဒၣ်ဝဲဒီးမၤမဲာ်ဆှးလီၤက့ၤအသးဒၣ်ဝဲတခီန့ၣ်လီၤ.

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်သးသယုၢ်တၢ် 3:42

“ပမၤတ့ၢ်တၢ်ဒဲးဘးဒီးပူထီၣ်တ့ၢ်တၢ်, ဒီးနဲဒၣ်ယွၤဧၢ, နတပျၢ်ဘၣ်ပတၢ်ကမၣ်ဘၣ်.

လံာ်သးသယုၢ်တၢ် 5:16

ပကပာ်ကဖၢလၢသးအဂီၢ်တၢ်တအိၣ်လီၤတဲာ်တ့ၢ်ဘၣ်နီတမံၤဘၣ်. ပမၤတ့ၢ်တၢ်ဒဲးဘးဒီးခဲအံၤပဘၣ်တၢ်စံၣ်ညီၣ်ဃါမနၤန့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 5:6

ဘၣ်ဆၣ်, ဝ့ၢ်ယရူၤရှလ့ၣ်ပူထီၣ်တၢ်ထီဒါယတၢ်မၤလိာ်တဖၣ်ဒီးဒုး နဲၣ်အသးလၢအအၢအသီဒိၣ်န့ၢ်ဒံးပှၤကလုာ်အဂၤတဖၣ်တက့ၢ်, တစူၢ်တၢ်ဒိၣ်န့ၢ်ဒံးထံကီၢ်အိၣ်ဝးတရံးအီၤတက့ၢ်န့ၣ်လီၤ. ဝ့ၢ်ယရူၤရှလ့ၣ်ညိကွံာ်ယတၢ်မၤလိာ်တဖၣ်ဒီးတလဲၤတၢ်လၢယတၢ်သိၣ် တၢ်သီတဖၣ်အပူၤဘၣ်.

လံာ်ဒၤနံးယ့လး 9:9

နပှဲၤဒီးတၢ်သးကညီၤဒီးနပျၢ်ပတၢ်ကမၣ်ဖဲပပူထီၣ်ထီဒါတ့ၢ်နၤ အခါဒၣ်လဲာ်န့ၣ်လီၤ.