လံာ်ဒၤနံးယ့လး 9:6 - Sgaw Karen Common Bible

⁶ ပတဒိကနၣ်တ့ၢ်ဘၣ်နခ့နပှၤဝံသ့ၣ်တဖၣ်လၢအကတိၤတ့ၢ်တၢ်လၢ နမံၤအပူၤဆူပစီၤပၤတဖၣ်, ပပှၤပၢတၢ်တဖၣ်, ပမိၢ်ပၢ်ဖံဖုလၢပျၢၤတဖၣ်ဒီး ပပှၤဒီကလုာ်ညါန့ၣ်ဘၣ်.

လံာ်ဒၤနံးယ့လး 9:6 Iomraidhean Croise

လံာ်စီၤပၤခံဘ့ၣ်တဘ့ၣ် 18:12

ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်တစူၢ်ယွၤ, အဝဲသ့ၣ်အကစၢ်ယွၤဘၣ်, မ့မ့ၢ်ဘိးဃၣ်ကွံာ်တၢ်အၢၣ်လီၤအီလီၤလၢ ယွၤမၤတ့ၢ်ဒီးအဝဲသ့ၣ်, ဒီးတစူၢ်ဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ဟ့ၣ်လီၤလၢယွၤအခ့အပှၤစီၤမိၤၡ့အဃိန့ၣ်လီၤ. အဝဲသ့ၣ်တဒိကနၣ်တၢ်ဒီးတစူၢ်တၢ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 33:10

ယွၤဟ့ၣ်ပလီၢ်တ့ၢ်စီၤမနၤၡ့ၤဒီးအပှၤဂီၢ်မုၢ်သနာ်က့, အဝဲသ့ၣ်တဒိကနၣ်ဝဲဘၣ်.

လံာ်စီၤဧ့စြၤ 9:7

စးထီၣ်လၢပမိၢ်ပၢ်ဖံဖုလၢပျၢၤအမုၢ်နံၤတဖၣ်ဒီးတုၤလီၤခဲ ကနံၣ်အံၤန့ၣ်, ပဝဲဒၣ်, နပှၤဂီၢ်မုၢ်, မၤတ့ၢ်တၢ်ဒဲးဘးဒိၣ်ဒိၣ်မုၢ်မုၢ်န့ၣ် လီၤ. မ့ၢ်လၢပတၢ်ဒဲးဘးတဖၣ်အဃိပဝဲဒၣ်, ပစီၤပၤတဖၣ်, ဒီးပပှၤလုၢ်တၢ်အခိၣ်တဖၣ်, ပဘၣ်တၢ်ဟ့ၣ်လီၤကွံာ် တ့ၢ်ပှၤဆူပှၤတခီဘီမုၢ်ဖိအစီၤပၤတဖၣ်အစုပူၤ, ပဘၣ်တၢ်မၤသံမၤဝီတ့ၢ်ပှၤ, ဂုာ်ဆူၣ်ပျီဆူၣ်ပှၤဒီးစိာ်ထီၣ် ကွံာ်ပှၤဒ်ပှၤဘၣ်တၢ်စၢဃာ်တဖၣ်အသိးန့ၣ်လီၤ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့ဒ်ပမ့ၢ်ဒံးပဝဲခဲအံၤအသိး န့ၣ်လီၤ.

လံာ်စီၤနဃ့မယၤ 9:30

လၢတၢ်သူၣ်စူၤသးစူၤအပူၤနဟ့ၣ်ပလီၢ်အဝဲသ့ၣ် တနံၣ်ဝံၤတနံၣ်န့ၣ်လီၤ. နထိၣ်ဂဲၤထီၣ်နဝံတဖၣ်အသးလၢကစံးကတိၤတၢ်, ဘၣ်ဆၣ်နပှၤဂီၢ်မုၢ်တဖၣ်အနၢ်တအၢဝဲဒၣ်န့ၣ်လီၤ. လၢတၢ်န့ၣ်အဃိနပျဲအဝဲသ့ၣ်ဘၣ်တၢ်မၤနၢၤကွံာ်အီၤလၢပှၤကလုာ် အဂၤတဖၣ်န့ၣ်လီၤ.

လံာ်စီၤနဃ့မယၤ 9:32

အိယွၤ, ပကစၢ်ယွၤဧၢ, နဒိၣ်ဝဲထီဝဲဆံးဒိၣ်လဲၣ်. နလီၤပျံၤဒီးနစိကမီၤဒိၣ်ဝဲဆံးဒိၣ်လဲၣ်. နဟံးဃာ်ဂၢၢ်ကျၢၤနတၢ်အၢၣ်လီၤလၢတၢ်သးတီ အပူၤလီၤ. စးထီၣ်လၢကီၢ်အၤၡူၢ်အစီၤပၤတဖၣ် မၤနးမၤဖှီၣ်ပှၤဒီး တုၤခဲကနံၣ်အံၤဒၣ်လဲာ်ပတူၢ်ဘၣ်ခီၣ်ဘၣ်တၢ်ထဲလဲၣ်. ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ်, ပဝံတဖၣ်, ပမိၢ်ပၢ်ဖံဖုလၢပျၢၤတဖၣ်ဒီးပပှၤဂီၢ်မုၢ်တဖၣ်တူၢ်ဘၣ်တ့ၢ်လံ တၢ်န့ၣ်လီၤ. သ့ၣ်နီၣ်ထီၣ်ပတူၢ်ဘၣ်တ့ၢ်တၢ်ထဲလဲၣ်န့ၣ်တက့ၢ်.

လံာ်စီၤနဃ့မယၤ 9:34

ပမိၢ်ပၢ်ဖံဖုလၢပျၢၤတဖၣ်, ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ် တတိၢ်န့ၢ်ဖံးဃာ်ဘၣ်နတၢ်သိၣ်တၢ်သီ လၢပှၤယူဒၤဖိအဂီၢ်ဘၣ်. အဝဲသ့ၣ်တဒိကနၣ်နတၢ်မၤလိာ်ဒီးနတၢ်ဟ့ၣ်ပလီၢ်သ့ၣ်တဖၣ်န့ၣ်ဘၣ်.

လံာ်ယံးရမံယၤ 26:5

ဒီးခီဖျိသုတၢ်ဒိကနၣ် တၢ်ကတိၤတဖၣ်လၢ ယခ့ယပှၤဝံ တဖၣ်လၢ ယဆှၢလီၤတ့ၢ်ဆူ သုအိၣ်တထံၣ်ဃီ, စံးဝဲန့ၣ်လီၤ. သုတစူၢ်တၢ်လၢ အဝဲသ့ၣ်စံးတ့ၢ်ဝဲန့ၣ် နီတစုဘၣ်.

လံာ်ယံးရမံယၤ 29:19

တၢ်အံၤကမၤအသးဒီး အဝဲသ့ၣ်, မ့ၢ်လၢအဝဲသ့ၣ် တစူၢ်ဘၣ် တၢ်ကစီၣ်လၢ ယဆှၢန့ၢ် အဝဲသ့ၣ်တထံၣ်ဃီခီဖျိ ယခ့ယပှၤဝံတဖၣ် အဃိန့ၣ်လီၤ. အဝဲသ့ၣ်ဂ့ၢ်လိာ်တ့ၢ်ဝဲလၢ ကဒိကနၣ်အီၤန့ၣ်လီၤ.

လံာ်ယံးရမံယၤ 44:16

“ပဂ့ၢ်လိာ်လၢ ပကဒိကနၣ်တၢ်လၢ နစံးဘၣ်တဲဘၣ် တ့ၢ်ပှၤလၢ ယွၤအမံၤအပူၤန့ၣ်လီၤ.

လံာ်ယံးရမံယၤ 7:13

သုမၤတ့ၢ်တၢ်ဒဲးဘးတဖၣ်အံၤခဲလၢာ်, ဒီးယကတိၤတ့ၢ်တၢ်ဒီး သုတဘျီဝံၤတဘျီဒၣ်လဲာ်, သုတဒိကနၣ်ယၤဘၣ်. ဖဲယကိး ထီၣ်တ့ၢ်သုန့ၣ်, သုတစံးဆၢယၤဘၣ်.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ဒၤနံးယ့လး 9:10

အိယွၤ, ပကစၢ်ယွၤဧၢ, ဖဲနစံးဘၣ်ပှၤလၢပကဘၣ်အိၣ်မူဒ် နတၢ်သိၣ်တၢ်သီတဖၣ်အသိးလၢနဟ့ၣ်လီၤပှၤခီဖျိနခ့နပှၤဝံသ့ၣ် တဖၣ်န့ၣ်, ပတဒိကနၣ်တ့ၢ်ဘၣ်နၤဘၣ်.

လံာ်ဒၤနံးယ့လး 9:9

နပှဲၤဒီးတၢ်သးကညီၤဒီးနပျၢ်ပတၢ်ကမၣ်ဖဲပပူထီၣ်ထီဒါတ့ၢ်နၤ အခါဒၣ်လဲာ်န့ၣ်လီၤ.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

မၤတၢ် 13:27

အဂ့ၢ်ဒ်အံၤ, ပှၤအိၣ်ဝဲဆိးဝဲလၢဝ့ၢ်ယရူၤၡလ့ၣ်ဒီးအပှၤခိၣ်ပှၤနၢ် တဖၣ်တသ့ၣ်ညါလၢအဝဲဒၣ်မ့ၢ်ပှၤအုၣ်က့ၤခီၣ်က့ၤတၢ်အကစၢ်, ဒီးတနၢ်ပၢၢ်စ့ၢ်ကီးဝံတဖၣ်အကလုၢ်ကထါလၢအဘၣ်တၢ် ဖးဖျါထီၣ်အီၤကိးမုၢ်အိၣ်ဘှံးနံၤဒဲးန့ၣ်ဘၣ်လီၤ. မ့ၢ်သနာ်က့ဒ်န့ၣ်ဒီး, အဝဲသ့ၣ်ဒုးလၢထီၣ်ပှဲၤထီၣ်ဝံတဖၣ်အကလုၢ်ကထါခီဖျိအစံၣ်ညီၣ် သံယ့ၣ်ၡူးန့ၣ်လီၤ.