လံာ်ဒၤနံးယ့လး 9:4 - Sgaw Karen Common Bible

⁴ ယဃ့ဘါထုကဖၣ်ဆူယွၤ, ယကစၢ်ယွၤအအိၣ်ဒီးအၢၣ်လီၤ အီလီၤယပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ. ဒီးယစံး, “ယွၤ, ကစၢ်ယွၤဧၢ, နဒိၣ်ဝဲထီဝဲဒီးပမၤလၤကပီၤနၤလီၤ. နတီဒီးနတၢ်အၢၣ်လီၤဒီးပာ်ဖျါထီၣ်နတၢ်အဲၣ်တဘိယူၢ် ဃီဆူပှၤလၢအအဲၣ်နၤဒီးမၤတၢ်လၢနမၤလိာ်အီၤတဖၣ်န့ၣ်လီၤ.

လံာ်ဒၤနံးယ့လး 9:4 Iomraidhean Croise

လံာ်စီၤပၤအခီၣ်ထံးတဘ့ၣ် 8:23

“ယွၤ, အံၣ်စရ့လးအကစၢ်ယွၤဧၢ, လၢမူခိၣ်လၢထးမ့ၢ်ဂ့ၤ, လၢဟီၣ်ခိၣ်လၢလာ်မ့ၢ်ဂ့ၤကစၢ်ဒ်သိးနၤတအိၣ်နီတဂၤဘၣ်. နဟံးဃာ်ဂၢၢ်ကျၢၤနတၢ်အၢၣ်လီၤဒီးနပှၤဂီၢ်မုၢ်ဒီးနဒုးနဲၣ် ဖျါထီၣ်နတၢ်အဲၣ်အဝဲသ့ၣ်, ဖဲအဝဲသ့ၣ်အိၣ်မူလၢတၢ်စူၢ်နၤလၢသူၣ်ဒီဖျၢၣ်သးဒီဖျၢၣ် အပူၤအကတီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:14

အဝဲသ့ၣ်မ့ၢ်ဘါထုကဖၣ်တၢ်ဆူယအိၣ်ဒီးပီၢ်ယၢ်လီၤက့ၤအသးဒီး ဃၣ်က့ၤအသးလၢတၢ်မၤအအၢတဖၣ်လၢအမၤတ့ၢ်ဝဲန့ၣ်ဒီး, အန့ၣ်တစု, ယကဒိကနၣ်အီၤလၢမူခိၣ်ဒီးပျၢ်ကွံာ်အဝဲသ့ၣ်အတၢ် ဒဲးဘးတဖၣ်, ဒီးဒုးဘီၣ်ထီၣ်ညီထီၣ်အထံဧိၤကီၢ်ဧိၤတဘျီ ကဒီးန့ၣ်လီၤ.

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

လံာ်စီၤနဃ့မယၤ 1:5

ဒီးယစံး, ယွၤ, မူခိၣ်အကစၢ်ယွၤဧၢ, နဒိၣ်ဝဲနီၢ်မးလီၤ. ဒီးပဆၢထၢၣ်လၢတၢ်ပျံၤတၢ်ဖုးအပူၤလၢနခီၣ်ထံးမဲာ်ညါလီၤ. နဟံးဃာ်ဂၢၢ်ကျၢၤနတၢ်အၢၣ်ဒီးလၢပှၤလၢအအဲၣ်နၤဒီးပှၤလၢအလူၤ ထွဲနတၢ်မၤလိာ်န့ၣ်လီၤ.

လံာ်စီၤနဃ့မယၤ 9:32

အိယွၤ, ပကစၢ်ယွၤဧၢ, နဒိၣ်ဝဲထီဝဲဆံးဒိၣ်လဲၣ်. နလီၤပျံၤဒီးနစိကမီၤဒိၣ်ဝဲဆံးဒိၣ်လဲၣ်. နဟံးဃာ်ဂၢၢ်ကျၢၤနတၢ်အၢၣ်လီၤလၢတၢ်သးတီ အပူၤလီၤ. စးထီၣ်လၢကီၢ်အၤၡူၢ်အစီၤပၤတဖၣ် မၤနးမၤဖှီၣ်ပှၤဒီး တုၤခဲကနံၣ်အံၤဒၣ်လဲာ်ပတူၢ်ဘၣ်ခီၣ်ဘၣ်တၢ်ထဲလဲၣ်. ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ်, ပဝံတဖၣ်, ပမိၢ်ပၢ်ဖံဖုလၢပျၢၤတဖၣ်ဒီးပပှၤဂီၢ်မုၢ်တဖၣ်တူၢ်ဘၣ်တ့ၢ်လံ တၢ်န့ၣ်လီၤ. သ့ၣ်နီၣ်ထီၣ်ပတူၢ်ဘၣ်တ့ၢ်တၢ်ထဲလဲၣ်န့ၣ်တက့ၢ်.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

လံာ်တၢ်ဟးထီၣ်ကွံာ် 20:6

ဘၣ်ဆၣ်ဒီးယဒုးနဲၣ်ယတၢ်အဲၣ်ဆူပှၤတဖၣ်လၢအအဲၣ်ယၤဒီးစူၢ်ယတၢ် မၤလိာ်, အစိၤလၢအကထိတဖၣ်န့ၣ်လီၤ.

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်လူၤကၣ် 1:72

အဝဲဒၣ်စံးဝဲလၢအကဒုးနဲၣ်တၢ်သးကညီၤလၢ မိၢ်ပၢ်ဖံဖုလၢပျၢၤတဖၣ် ဒီးသ့ၣ်နီၣ်ထီၣ်အတၢ်အၢၣ်လီၤစီဆှံန့ၣ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

လံာ်သိၣ်လီၤသီလီၤတၢ် 5:10

ဘၣ်ဆၣ်ဒီးယဒုးနဲၣ်ယတၢ်အဲၣ်ဆူပှၤအစိၤလၢအကထိတဖၣ်အအိၣ်လၢ အအဲၣ်ယၤဒီးစူၢ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်လီၤ.

လံာ်သိၣ်လီၤသီလီၤတၢ် 7:12

သုမ့ၢ်ဒိကနၣ်တၢ်မၤလိာ်တဖၣ်အံၤဒီးစူၢ်အီၤလၢတၢ်သူၣ်တီသး ရၤအပူၤန့ၣ်, အန့ၣ်တစု, ယွၤ, သုကစၢ်ကဟံးဃာ်ထွဲဒံးအတၢ် အၢၣ်လီၤဒီးသုဒီးကဒုးနဲၣ်သုလၢအတၢ်အဲၣ်တထံၣ်ဃီဒ်အဝဲ အၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 7:21

လၢတၢ်န့ၣ်အဃိ, ပျံၤဘၣ်ပှၤဂီၢ်မုၢ်တဖၣ်အံၤတဂ့ၤ. ယွၤ, သုကစၢ်ယွၤအိၣ်ဒီးသုလီၤ. အဝဲမ့ၢ်ကစၢ်ယွၤတဂၤလၢအဒိၣ် နီၢ်မး, ဒီးပှၤတဂၤလၢကြၢးဘၣ်တၢ်ပျံၤအီၤန့ၣ်လီၤ.

လံာ်သိၣ်လီၤသီလီၤတၢ် 7:9

သ့ၣ်နီၣ်ထီၣ်က့ၤလၢယွၤ, သုကစၢ်ယွၤမ့ၢ်ကစၢ်ယွၤထဲတဂၤဧိၤ, ဒီးလၢအဝဲမ့ၢ်ပှၤလၢအကလုၢ်တီန့ၣ်တက့ၢ်. အဝဲကဟံးဃာ်အတၢ်အၢၣ်လီၤအီလီၤဒီးဒုးနဲၣ်အတၢ်အဲၣ်အထူအယိာ် ဆူပှၤတဖၣ်လၢအအဲၣ်အီၤဒီးစူၢ်အတၢ်မၤလိာ်, တုၤလီၤလၢပှၤအစိၤတကထိန့ၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.