လံာ်ဒၤနံးယ့လး 9:25 - Sgaw Karen Common Bible

²⁵ ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.

လံာ်ဒၤနံးယ့လး 9:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:25

တုၤနုၤတစု, စီၤပၤစံးဘၣ်စီၤစၤဒိး, “က့ၤစိာ်ကဒါက့ၤ ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ပူၤတက့ၢ်. ယွၤမ့ၢ်ဘၣ်သူၣ်ဘၣ်သးလၢယၤဒီး, မုၢ်တနံၤန့ၣ်အဝဲကပျဲ ယဟဲက့ၤကဒါက့ၤလၢယကထံၣ်ဘၣ်အီၤဃုာ်ဒီးတၢ်လီၢ်ဖဲတၢ်ပာ်အီၤ န့ၣ်လီၤ.

လံာ်စီၤဧ့စြၤ 4:24

တၢ်ဖံးတၢ်မၤလၢတၢ်လုၢ်ဟံၣ်အဂီၢ်ဘၣ်တၢ်ဆိကတီၢ်ကွံာ်အီၤဒီး ဘၣ်တၢ်ပာ်ဒၣ်အီၤဒ်န့ၣ်တုၤလီၤလၢကီၢ်ပၤရၣ်အစီၤပၤဖးဒိၣ်စီၤ ဒၤရယါဝ့ၣ်ကဲစီၤပၤခံနံၣ်တနံၣ်န့ၣ်လီၤ.

လံာ်စီၤဧ့စြၤ 7:1

တဘျုးနံၣ်ဝံၤအလီၢ်ခံ, ဖဲကီၢ်ပၤရၣ်အစီၤပၤဖးဒိၣ်စီၤအၢ်တၤ ၡါၡတၤကဲစီၤပၤအကတီၢ်န့ၣ်, ပှၤအမံၤစီၤဧ့စြၤအိၣ်ဝဲတဂၤန့ၣ်လီၤ. အဝဲဒွးကဒါက့ၤအမိၢ်ပၢ်ဖံဖုလၢပျၢၤအတၢ်လီၤစၢၤစးထီၣ်လၢ ပှၤလုၢ်တၢ်အခိၣ်အဒိၣ်ကတၢၢ်စီၤအၤဟရိၣ်ဒ်လာ်အံၤလီၤ. စီၤဧ့စြၤမ့ၢ်စီၤစရါယၤအဖိခွါ, စီၤဧစၤရယၤအဖိခွါ, စီၤဃံးစကံယၤအဖိခွါ,

လံာ်စီၤဧ့စြၤ 7:8

အဝဲသ့ၣ်ဟးထီၣ်ဝဲလၢကီၢ်ဘၤဘူၤလိၣ်ဖဲလါအခီၣ်ထံးတလါထီၣ် တသီအနံၤ, ဒီးလၢကစၢ်ယွၤအတၢ်မၤစၢၤန့ၣ်အဝဲသ့ၣ်လဲၤတုၤဃီၤဆူ ဝ့ၢ်ယရူၤၡလ့ၣ်အပူၤ, ဖဲလါယဲၢ်လါတလါထီၣ်တသီအနံၤန့ၣ်လီၤ.

လံာ်စီၤနဃ့မယၤ 3:1

ဒီးအအံၤမ့ၢ်ဝဲဝ့ၢ်အခိၣ်ဒူဘၣ်တၢ်ဘှီထီၣ်က့ၤအီၤဒ်လဲၣ်အဂ့ၢ် န့ၣ်လီၤ. ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်ဒီးပှၤမၤသကိးတၢ် ဒီးအီၤပှၤလုၢ်တၢ်အခိၣ်တဖၣ်ဘှီထီၣ်ကဒါက့ၤပဲတရီသိဒီးပာ် စီဆှံဝဲ, ဒီးပာ်ဝဲပဲတရီလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်စီဆှံတ့ၢ်တၢ်ဒူၣ်စးထီၣ်ဆူတၢးထီမ့ၤအၤဒီးတုၤ လၢတၢးထီဃနၤန့လးန့ၣ်လီၤ.

လံာ်စီၤနဃ့မယၤ 4:2

ဒီးလၢအတံၤသကိးသ့ၣ်တဖၣ်, ဒီးၡၤမရံအပှၤသုးဖိသ့ၣ်တဖၣ် အမဲာ်ညါန့ၣ်စံးဝဲ, “ပှၤယူဒၤဖိလၢအတဂိာ်တသီၣ်တၢ်သ့ၣ်တဖၣ်အံၤမ့ၢ်အဆိကမိၣ်ဝဲ လၢအမၤတၢ်မနူၤန့ၣ်လဲၣ်. မ့ၢ်အဝဲသ့ၣ်အဲၣ်ဒိးသူၣ်ထီၣ်ကဒါက့ၤဝ့ၢ်န့ၣ်ဧါ. မ့ၢ်အဆိကမိၣ်ဝဲဒၣ်လၢခီဖျိအတၢ်လုၢ်ထီၣ်ပာ်ထီၣ်တၢ်န့ၣ်မၤတၢ် လၢတနံၤဃီအတီၢ်ပူၤကဝံၤန့ၣ်ဧါ. မ့ၢ်အမၤကဲထီၣ်လၢၢ်လၢတၢ်တဂိာ်တသီၣ်လၢမ့ၣ်အူအီၣ်အီၤအကျါ န့ၣ်ကသ့စ့ၢ်ကီးဧါ.”

လံာ်စီၤနဃ့မယၤ 4:8

ဒီးလၢတၢ်န့ၣ်အဃိအဝဲသ့ၣ်ခဲလၢာ်ကူၣ်ဝဲဒၣ်လၢကဟဲထီဒါဝ့ၢ် ယရူၤရှလ့ၣ်ဒီးဒုးအိၣ်ထီၣ်တၢ်သဘံၣ်ဘုၣ်န့ၣ်လီၤ.

လံာ်စီၤနဃ့မယၤ 6:15

ဒီးလၢတၢ်ဘှီက့ၤအတၢ်မၤယဲၢ်ဆံခံသီအလီၢ်ခံ လါအလူလးခံဆံယဲၢ်သီတသီအနံၤန့ၣ်ဝ့ၢ်ခိၣ်ဒူဝံၤဝဲဒၣ်လၢ လၢပှဲၤပှဲၤန့ၣ်လီၤ.

စံးထီၣ်ပတြၢၤ 71:10

အဂ့ၢ်ဒ်အံၤ, ယဒုၣ်ယဒါကတိၤတဖၣ်ထီဒါယၤ, ဒီးပှၤလၢအကွၢ်ဟုၣ်ယသးန့ၣ် ကူၣ်ထီၣ်ဖးလီၤတၢ်အၢတပူၤဃီထီဒါယၤလီၤ.

လံာ်ပှၤစံၣ်တဲၤတဲလီၤတၢ် 3:3

တၢ်အကတီၢ်လၢတၢ်မၤသံတၢ်အဂီၢ်, ဒီးတၢ်အကတီၢ်လၢတၢ်မၤဘျါက့ၤ တၢ်အဂီၢ်, တၢ်အကတီၢ်လၢတၢ်ဂုၤလီၤပှီၢ်တၢ်အဂီၢ်, ဒီးတၢ်အကတီၢ်လၢတၢ်သူၣ် ထီၣ်ဘှီထီၣ်တၢ်အဂီၢ်လီၤ.

လံာ်ယၡါယၤ 55:4

ယဒုးကဲထီၣ်အီၤလၢခိၣ်နၢ်တဂၤဒီးပှၤကလုာ်တဖၣ်အသုးခိၣ်ဖးဒိၣ်, ဒီးခီဖျိအီၤန့ၣ်ယဒုးနဲၣ်အဝဲသ့ၣ်လၢ ယတၢ်စိတၢ်ကမီၤလီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ဒၤနံးယ့လး 8:11

အဝဲတၤဒၣ်လဲာ်မူခိၣ်အသုးမုၢ်စီၤပၤဖိ, တြီတၢ်လုၢ်တၢ်ပာ်တ ဖၣ်လၢဘၣ်တၢ်လုၢ်ထီၣ်ဆူအအိၣ်ကိးမုၢ်နံၤန့ၣ်ဒီးမၤဟးဂီၤကွံာ်တ့ၢ် ဝဲတၢ်လုၢ်ဟံၣ်န့ၣ်လီၤ.

လံာ်ဒၤနံးယ့လး 8:25

မ့ၢ်ပှၤလၢအသးက့ၣ်ကူသတးဒီးကမၤနၢၤတၢ်လၢအတၢ်ကူၣ် လီကူၣ်ဝ့ၤအပူၤန့ၣ်လီၤ. ကပာ်ထီၣ်ထီအသးလၢအကစၢ်ဒၣ်ဝဲ အဃိဒီးမၤဟးဂီၤပှၤအါဂၤလၢအသွံၣ်ခုၣ်ခုၣ်အပူၤန့ၣ်လီၤ. အဝဲကတၤဒၣ်လဲာ်စီၤပၤအဒိၣ်ကတၢၢ်လၢစီၤပၤခဲလၢာ် အဖီခိၣ်န့ၣ်ဘၣ်ဆၣ်ဒီးတၢ်စိကမီၤလၢအတသူဘၣ်ပှၤ ကညီအစုဘၣ်န့ၣ်ကမၤဟးဂီၤကွံာ်အီၤန့ၣ်လီၤ.

လံာ်ဒၤနံးယ့လး 9:23

ဖဲလၢနစးထီၣ်သကွံၢ်ကညးတၢ်ဒီးကစၢ်ယွၤန့ၣ်အဝဲစံးဆၢတ့ၢ်နၤလီၤ. အဝဲအဲၣ်နၤသတးဒီးယဟဲယဲဒ်သိးယကတဲနၤတၢ်စံးဆၢန့ၣ်လီၤ. ခဲကနံၣ်အံၤကနၣ်လီၤတံၢ်လီၤဆဲးဖဲယတဲဖျါ ထီၣ်တၢ်ထံၣ်လၢညါခီအဂ့ၢ်န့ၣ်တက့ၢ်.

လံာ်မံကၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ပာ်ဖှိၣ်ထီၣ်သုသုးမုၢ်သံၣ်ဘိတဖၣ်တက့ၢ်. ဒုၣ်ဒါကဝီၤန့ၢ်ပှၤလံ. အဝဲသ့ၣ်တီၢ်လံကီၢ်အံၣ်စရ့လးအပဒိၣ်တဂၤအဘိးပၤလၢနီၢ်တီၢ်လံ.”

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်မးသဲ 13:23

တၢ်ချံလၢအဘၣ်တၢ်ဖှံလီၤအီၤလၢဟီၣ်ခိၣ်လၢအဂ့ၤတဖၣ်, မ့ၢ်ပှၤလၢအနၢ်ဟူတၢ်ကစီၣ်ဒီးနၢ်ပၢၢ်ဝဲလီၤ. အဝဲသ့ၣ်သၣ်ထီၣ်ဝဲ, တနီၤအါန့ၢ်အလီၢ်အစးတကယၤ, တနီၤဃုဆံဒီးတနီၤသၢဆံလီၤ.”

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.

လံာ်ယိၤဟၣ် 1:41

အဝဲဃုဒၣ်ထံၣ်န့ၢ်ဆိအဒီပုၢ်ဝဲၢ်စီၤၡံမိၣ်ဒီးစံးဘၣ်အီၤ, “ပထံၣ်န့ၢ်လံမ့းၡံအၤန့ၣ်လံ.” (အခီပညီမ့ၢ်ခရံာ်န့ၣ်လီၤ.)

လံာ်ယိၤဟၣ် 4:25

ပိာ်မုၣ်န့ၣ်စံးဘၣ်အီၤ, “ယသ့ၣ်ညါလၢမ့းၡံအၤ, လၢအမ့ၢ်ခရံာ်န့ၣ်ကဟဲဝဲ, ဒီးတုၤအဟဲဝဲဒီးကစံးဘၣ်တဲဘၣ် ပှၤလၢတၢ်ခဲလၢာ်န့ၣ်လီၤ.”

မၤတၢ် 3:15

သုမၤသံကွံာ်ပှၤလၢအဆှၢပှၤဆူတၢ်မူနီၢ်နီၢ်တဂၤ, ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်တမံၤအံၤပထံၣ်ဘၣ်လၢပနီၢ်ကစၢ်ဒၣ်ပဝဲလီၤ.

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

မၤတၢ် 8:30

စီၤဖံလံးပူးလဲၤဃ့ၢ်ဝဲဆူလ့ၣ်ကဟၣ်အကပၤ, ဒီးနၢ်ဟူအဝဲဖးလံာ်ဝံယၡါယၤဒီးသံကွၢ်အီၤ, “တၢ်လၢနဖးန့ၣ်မ့ၢ်နနၢ်ပၢၢ်အခီပညီစ့ၢ်ကီးဧါ.”

အ့းဖ့းစူး 5:16

တၢ်ဆၢကတီၢ်ဒီးတၢ်ခွဲးတၢ်ယာ်ကိးကတီၢ်ဒဲးလၢသုဒိးန့ၢ်ဘၣ် န့ၣ်, သူအီၤအဂ့ၤကတၢၢ်တက့ၢ်. အဂ့ၢ်ဒ်အံၤမုၢ်နံၤတဖၣ်အံၤမ့ၢ် အအၢအသီလီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.