လံာ်ဒၤနံးယ့လး 9:24 - Sgaw Karen Common Bible

²⁴ တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်ဒၤနံးယ့လး 9:24 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:24

ဝံၤဒီးပှၤလုၢ်တၢ်အခိၣ်တဖၣ်မၤသံကွံာ်မဲာ်တဲးလဲးတဖၣ်ဒီးလူ လီၤအသွံၣ်, လၢတၢ်လုၢ်လီၢ်အလိၤဒ်တၢ်လုၢ်တၢ်ပာ်တမံၤအသိးလၢကစိာ်ထီၣ်ကွံာ် ပှၤဂီၢ်မုၢ်အတၢ်ဒဲးဘးအဂီၢ်န့ၣ်လီၤ. အဂ့ၢ်ဒ်အံၤ, စီၤပၤမၤလိာ်တ့ၢ်ဝဲလၢတၢ်လုၢ်မ့ၣ်အူတဖၣ်ဒီးတၢ် လုၢ်တၢ်ဒဲးဘးတဖၣ်န့ၣ်ကဘၣ်တၢ်မၤအီၤလၢပှၤအံၣ်စရ့လးဖိခဲ လၢာ်အဂီၢ်န့ၣ်လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 45:7

နအဲၣ်တၢ်လၢအမ့ၢ်ဝဲတီဝဲ ဒီးသးဟ့တၢ်အၢတၢ်သီန့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤ, ဃုထၢတ့ၢ်နၤ ဒီးလူလီၤတၢ်သးဖှံလၢနလိၤ အါန့ၢ်စီၤပၤအဂၤတက့ၢ်န့ၣ်လီၤ.

လံာ်ယၡါယၤ 42:4

တုၤလၢအဝဲဒုးအိၣ်ထီၣ်ဂၢၢ်ကျၢၤတၢ်စံၣ်ညီၣ်တီလၢဟီၣ်ခိၣ်အံၤ တစုန့ၣ်တပျဲတၢ်မုၢ်လၢ်မ့ၢ်ဂ့ၤတၢ်သူၣ်ဒူသးဒူမ့ၢ်ဂ့ၤကလီၤ မၢ်ကွံာ်န့ၣ်ဘၣ်. အဂ့ၢ်ဒ်အံၤ, ကီၢ်လၢအယံၤတဖၣ်အိၣ်ခိးကွၢ်လၢ်အတၢ်သိၣ်လိလၢတၢ် သူၣ်ဆူၣ်သးဂဲၤအပူၤလီၤ.”

လံာ်ယၡါယၤ 51:6

ကွၢ်ထီၣ်တၢ်ဆူမူခိၣ်မူကပိာ်လိၤ, ကွၢ်တၢ်ဆူဟီၣ်ခိၣ်တက့ၢ်. မူခိၣ်မူကပိာ်လိၤကလီၤမၢ်ကွံာ်ဝဲဒ်မ့ၣ်အူလုၣ်အသိး, ဟီၣ်ခိၣ်ကလီၢ်လံၤဖီဃးကွံာ်ဝဲဒ်ဆ့ကၤလီၢ်လံၤ အသိးလီၤ. ဒီးအပှၤဂီၢ်မုၢ်ခဲလၢာ်ကသံဝဲဒ် သၣ်ဘုလါတဖၣ်အသိးလီၤ. ဘၣ်ဆၣ်ဒီးတၢ်မၤပူၤဖျဲးလၢယဟဲစိာ်န့ၣ် ကအိၣ်ဝဲလီၤထူလီၤယိာ် ဒီးယတၢ်မၤနၢၤအကတၢၢ်တအိၣ်ဝဲဘၣ်လီၤ.

လံာ်ယၡါယၤ 51:8

အဝဲသ့ၣ်ကဟါမၢ်ကွံာ်ဝဲဒ်တၢ် ကူတၢ်ကၤလၢအဃၢ်အီၣ်ကွံာ်အီၤအသိးလီၤ. မ့မ့ၢ်, တၢ်မၤပူၤဖျဲးလၢယဟဲစိာ်န့ၢ်သုန့ၣ်, ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ. ယတၢ်မၤနၢၤကအိၣ်ဂၢၢ်အိၣ်ကျၢၤ ကိးဆၢကိးကတီၢ်ဒဲးလီၤ.”

လံာ်ယၡါယၤ 56:1

ယွၤစံးဘၣ်အပှၤဂီၢ်မုၢ်, “မၤတၢ်လၢအတီဒီးအဘၣ်တက့ၢ်. အဂ့ၢ်ဒ်အံၤ, တယံာ်လၢၤဘၣ်ဒီးယကအုၣ်က့ၤခီၣ်က့ၤသုလီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်သးသယုၢ်တၢ် 4:22

ဝ့ၢ်စံယိၣ်ဟ့ၣ်တ့ၢ်တၢ်အပှ့ၤလၢအတၢ်ဒဲးဘးအဂီၢ်လံ. ယွၤတပာ်ပှၤလၢတၢ်စိာ်မၢကဲကုၢ်အလီၢ် ယံာ်ယံာ်လၢၤဘၣ်. မ့မ့ၢ်ကီၢ်အဒိၣ်ဧၢ, ကစၢ်ယွၤကစံၣ်ညီၣ်နၤ, ကလီၣ်ဖျါထီၣ်နတၢ်မၤ, တၢ်သရူးကမၣ်တဖၣ်န့ၣ်လီၤ.

လံာ်ယဃ့းစက့လး 4:5

လၢအသီသၢကယၤခွံဆံအတီၢ်ပူၤ, နကအိၣ်ဖဲန့ၣ်, ဒီးတူၢ်တၢ်လၢအဝဲသ့ၣ်အတၢ်ကမၣ်အဃိန့ၣ်လီၤ. အဂ့ၢ်ဒ်အံၤ, ယစံၣ်ညီၣ်နၤတသီလၢအဝဲသ့ၣ်အတၢ်စံၣ်ညီၣ်ကယံာ်တနံၣ် အဂီၢ်န့ၣ်လီၤ.

လံာ်ယဃ့းစက့လး 4:6

ဖဲနမၤတၢ်န့ၣ်ဝံၤဒီး, ဃၣ်နသးဆူနစုထွဲတကပၤဒီးတူၢ်တၢ်ဖဲ န့ၣ်လၢကီၢ်ယူဒၤအတၢ်ကမၣ်အဂီၢ်အသီလွံၢ်ဆံ, တသီလၢအဝဲသ့ၣ်ကဘၣ်တၢ်စံၣ်ညီၣ်အီၤတနံၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:8

ဒီးသုကဘၣ်ဂံၢ်နွံနံၣ်နွံဝီ, ခဲလၢာ်ကဘၣ်အိၣ်လွံၢ်ဆံခွံနံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:15

စီၤမိၤၡ့မၤသံဂီၤဖံးဖါဖိန့ၣ်ဒီးဟံးန့ၢ်ဝဲအသွံၣ်တနီၤ, ဒီးပာ်ထီၣ်ဝဲဒီးအစုမုၢ်လၢတၢ်လုၢ်ထီၣ်အနၢၤတဖၣ်အလိၤ လၢတၢ်ပာ်စီဆှံထီၣ်အဂီၢ်န့ၣ်လီၤ. ဒီးတၢ်သွံၣ်လၢအအိၣ်တ့ၢ်န့ၣ်လူလီၤဝဲလၢတၢ်လုၢ်လီၢ်အခီၣ်ထံး ဒ်အမ့ၢ်တၢ်ပာ်စီဆှံထီၣ်ဒီးမၤစီဆှံအီၤအသိးန့ၣ်လီၤ.

လံာ်စကၤရယၤ 4:14

တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”

လံာ်တၢ်ဂံၢ် 14:34

သုကတူၢ်ဘၣ်တၢ်လၢအကြၢးဝဲဘၣ်ဝဲဒီးသုတၢ်ဒဲးဘးလၢအနံၣ် လွံၢ်ဆံအတီၢ်ပူၤ, တနံၣ်လၢအသီလွံၢ်ဆံစုာ်စုာ်အဂီၢ်လၢသုသူတ့ၢ်အီၤလၢတၢ်ဃု ထံၣ်သ့ၣ်ညါကီၢ်အဂီၢ်န့ၣ်လီၤ. သုကသ့ၣ်ညါယဘၣ်ထီဒါသုအခီပညီဒ်လဲၣ်န့ၣ်လီၤ.

လံာ်မးသဲ 1:21

အဝဲကဆံးစၢ်န့ၢ်ဖိခွါတဂၤဒီးနကဘၣ်ယုၢ်န့ၢ်အမံၤလၢယ့ၣ်ၡူး လီၤ. အဂ့ၢ်မ့ၢ်လၢအဝဲကအုၣ်က့ၤခီၣ်က့ၤအပှၤဂီၢ်မုၢ်လၢအဝဲသ့ၣ် အတၢ်ဒဲးဘးအပူၤလီၤ.”

လံာ်မးသဲ 11:13

တုၤလီၤလၢစီၤယိၤဟၣ်အစိၤန့ၣ်, ဝံတဖၣ်ခဲလၢာ်ဒီးစီၤမိၤၡ့ အတၢ်သိၣ်တၢ်သီတဖၣ်ကတိၤဆိတ့ၢ်တၢ်ဘၣ်ဃးဒီးဘီမုၢ်အံၤအဂ့ၢ်လီၤ.

လံာ်မးသဲ 4:5

မုၣ်ကီၤလံၢ်ဆှၢကဒီးယ့ၣ်ၡူးဆူဝ့ၢ်စီဆှံလၢအမ့ၢ်ဝ့ၢ်ယရူၤၡ လ့ၣ်ဒီးဒုးဆၢထၢၣ်အီၤလၢတၢ်လုၢ်ဟံၣ်အခိၣ်စိၣ်

လံာ်မၢ်ကူး 1:24

အဝဲဒၣ်ကိးပသူထီၣ်ဒီးစံး, “ပှၤနစၤရ့းဖိယ့ၣ်ၡူးဧၢ, နတၢ်ဘၣ်ဃးဒီးပှၤအိၣ်မနုၤလဲၣ်. နဟဲလၢနကမၤဟးဂီၤကွံာ် ပှၤအဂီၢ်ဧါ. နမ့ၢ်မတၤတဂၤလဲၣ်န့ၣ်ယသ့ၣ်ညါနမ့ၢ်ပှၤစီဆှံ လၢကစၢ်ယွၤမၢလီၤအီၤတဂၤန့ၣ်လီၤ.”

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်လူၤကၣ် 21:22

အဂ့ၢ်ဒ်အံၤ, တၢ်အံၤတဖၣ်မ့ၢ်ဝဲတၢ်စံၣ်ညီၣ်အမုၢ်နံၤမုၢ်သီတဖၣ် လၢအကမၤလၢထီၣ်ပှဲၤထီၣ်တၢ်ခဲလၢာ်ခဲဆ့လၢတၢ်ကွဲး အသးစီဆှံစံးဝဲလၢအဂ့ၢ်န့ၣ်လီၤ.

လံာ်ယိၤဟၣ် 1:41

အဝဲဃုဒၣ်ထံၣ်န့ၢ်ဆိအဒီပုၢ်ဝဲၢ်စီၤၡံမိၣ်ဒီးစံးဘၣ်အီၤ, “ပထံၣ်န့ၢ်လံမ့းၡံအၤန့ၣ်လံ.” (အခီပညီမ့ၢ်ခရံာ်န့ၣ်လီၤ.)

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

မၤတၢ် 3:14

အဝဲဒၣ်မ့ၢ်ပှၤစီဆှံဒီးပှၤအတီအလိၤတဂၤလီၤ. ဘၣ်ဆၣ်ဒီးသုညိကွံာ်အီၤလီၤ. မ့မ့ၢ်သုဃ့တၢ်သးကညီၤလၢပဒိၣ်စီၤပံၤလးဒ်သိးအကပျၢ်ထူၣ် ဖျဲးန့ၢ်သုလၢပှၤတဂၤလၢအမၤသံပှၤကညီန့ၣ်လီၤ.

မၤတၢ် 3:22

အဂ့ၢ်ဒ်အံၤ, စီၤမိၤၡ့စံးဝဲ ‘ကစၢ်ယွၤသုကစၢ်ကဒုးအိၣ်ထီၣ်ဝံတဂၤဟဲဆူသုအိၣ်ဒ်အမၢလီၤ ယၤအသိးန့ၣ်လီၤ. ဝံအဝဲန့ၣ်ကမ့ၢ်သုပှၤကလုာ်ဒၣ်သုဝဲ, ဒီးသုကဘၣ်စူၢ်အကလုၢ်ကိးထံၣ်ကိးဘီဒဲးန့ၣ်လီၤ.

မၤတၢ် 4:26

စီၤပၤလၢဟီၣ်ခိၣ်ချၢတဖၣ်ကတဲာ်ကတီၤအသး, ဒီးပှၤလၢအပၢတၢ်တဖၣ်ပာ်ဖှိၣ်ထီၣ်သကိးအသး လၢကဒုးတၢ်ထီဒါကစၢ်ဒီးအခရံာ်န့ၣ်လီၤ.’

ရိမ့ၤ 5:10

ပမ့ၢ်တ့ၢ်ကစၢ်ယွၤအဒုၣ်အဒါတဖၣ်, ဘၣ်ဆၣ်အဝဲမၤဘၣ်လိာ်က့ၤပှၤဒီးအီၤခီဖျိအဖိခွါအတၢ်သံန့ၣ်လီၤ. ဒီးခဲအံၤမ့ၢ်လၢပမ့ၢ်ကစၢ်ယွၤအတံၤသကိးတဖၣ်အဃိဒီး, ခရံာ်အတၢ်မူကအုၣ်က့ၤခီၣ်က့ၤပှၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

ကလီးစဲ 1:20

ဒီးခီဖျိအီၤန့ၣ်ကစၢ်ယွၤကမၤဘၣ်လိာ်က့ၤတၢ်ခဲလၢာ်ဒီး အနီၢ်ကစၢ်ဒၣ်ဝဲ, ဒီးခီဖျိဖိခွါအတၢ်ဒိးသံအသးလၢထူၣ်စုညါ အလိၤန့ၣ်, အဝဲမၤတၢ်ဃူတၢ်ဖိးဒီးတၢ်အိၣ်လၢဟီၣ်ခိၣ် ဒီးမူခိၣ်ခဲလၢာ်, ဒီးကိးက့ၤအဝဲသ့ၣ်ဆူအနီၢ်ကစၢ်ဒၣ်ဝဲအအိၣ် န့ၣ်လီၤ.

ကလီးစဲ 2:14

အဝဲတြူာ်ကွံာ်တၢ်ကွဲးနီၣ်ကွဲးဃါဘၣ်ဃးပဒ့ၣ်ကမၢ်ခဲလၢာ်ဃုာ် ဒီးတၢ်သိၣ်တၢ်သီလၢအစၢဃာ်တၢ်တဖၣ်လၢာ်လၢာ်ဆ့ဆ့ ခီဖျိအပျၤထီကွံာ်ဝဲလၢထူၣ်စုညါအလိၤန့ၣ်လီၤ.

ဧ့ၤဘြံၤ 10:14

အဂ့ၢ်ဒ်အံၤခီဖျိတၢ်လုၢ်ထီၣ်ပာ်ထီၣ်တဘျီဧိၤန့ၣ်အဝဲဒၣ် မၤလၢထီၣ်ပှဲၤထီၣ်လံပှၤလၢအဘၣ်တၢ်မၤစီဆှံအီၤ တဖၣ်န့ၣ်လံ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

ဧ့ၤဘြံၤ 9:26

မ့ၢ်မၤဝဲဒ်န့ၣ်ဒီးကဘၣ်တူၢ်တၢ်တဘျီဘၣ်တဘျီအါဘျီ စးထီၣ်လၢဟီၣ်ခိၣ်အခီၣ်ထံးလံၤလံၤန့ၣ်လီၤ. မ့မ့ၢ်အခဲအံၤ ဖဲတၢ်အကတၢၢ်ဘူးထီၣ်အကတီၢ်အံၤ, အဝဲလီၣ်ဖျါထီၣ် အသးထဲတဘျီဧိၤဒ်သိးအကသုးကွံာ်တၢ်ဒဲးဘးခီဖျိ အလုၢ်ထီၣ်အကစၢ်ဒၣ်ဝဲန့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

လံာ်လီၣ်ဖျါ 14:6

အန့ၣ်ဝံၤဒီး, ယထံၣ်ကလူးအဂၤတဂၤယူၤဝဲဒၣ်ထီထီကလဲာ်လၢ ကလံၤကျါအိၣ်ဒီးတၢ်ကစီၣ်အထူအယိာ်ဘၣ်ဃးတၢ်သးခု ကစီၣ်လၢအကဘိးဘၣ်သ့ၣ်ညါဝဲဆူပှၤအိၣ်လၢဟီၣ်ခိၣ်ချၢ တဖၣ်, ဆူပှၤကိးကလုာ်ဒဲး, ပှၤကိးဒူၣ်ကိးထၢဒဲး, ပှၤကတိၤ ကျိာ်တကျိာ်လၢ်လၢ်, ဒီးထံကီၢ်ကိးကီၢ်ဒဲးအအိၣ်န့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.