လံာ်ဒၤနံးယ့လး 9:20 - Sgaw Karen Common Bible

²⁰ ယဘါထုကဖၣ်ဆူညါ, အၢၣ်လီၤယတၢ်ဒဲးဘးဒီးယပှၤဂီၢ် မုၢ်အံၣ်စရ့လးအတၢ်ဒဲးဘးတဖၣ်ဒီးဃ့ကညးယွၤ, ယကစၢ်ယွၤလၢကမၤအိၣ်ထီၣ်က့ၤအတၢ်လုၢ်ဟံၣ်စီဆှံန့ၣ်လီၤ.

လံာ်ဒၤနံးယ့လး 9:20 Iomraidhean Croise

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

လံာ်စီၤနဃ့မယၤ 1:6

ယွၤဧၢ, ကွၢ်ယၤ, ဒ်ယဃ့တၢ်လၢနခ့နပှၤပှၤအံၣ်စရ့လးဖိ တဖၣ်အဂီၢ်လၢနံၤဒီးနၤန့ၣ်ဒိကနၣ်လၢ်ဘၣ်ယတၢ်ထုကဖၣ် န့ၣ်တက့ၢ်. ယအၢၣ်လီၤလၢပဝဲ, ပှၤအံၣ်စရ့လးဖိတဖၣ်ပအိၣ်ဒီးတၢ်ကမၣ်လီၤ. ယၤဒီးယမိၢ်ယပၢ်ယဖံယဖုတဖၣ်ပမၤတ့ၢ်တၢ်ဒဲးတူၢ်ဒဲးဘးလီၤ.

စံးထီၣ်ပတြၢၤ 145:18

ကယဲၢ်ပှၤလၢအကိးထီၣ်အီၤ, ပှၤလၢအကိးထီၣ်အီၤလၢတၢ်မ့ၢ်တၢ်တီအပူၤန့ၣ် အဝဲအိၣ်ဘူးဒီးအီၤလီၤ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်ယၡါယၤ 56:7

“ယကဟဲစိာ်သုဆူဝ့ၢ်စံယိၣ်, ယတၢ်လူၢ်စီဆှံ, ယကဟ့ၣ်သု တၢ်သးခုလၢယတၢ်ထုကဖၣ်အဟံၣ်ပူၤ, ဒီးတူၢ်လိာ်တၢ်လုၢ်တၢ်ပာ်တဖၣ်လၢသု လုၢ်ထီၣ်ပာ်ထီၣ်အီၤလၢယတၢ်လုၢ်လီၢ် အဖီခိၣ်န့ၣ်လီၤ. ယတၢ်လုၢ်ဟံၣ်ကဘၣ် တၢ်ကိးအီၤလၢတၢ်ထုကဖၣ်အဟံၣ်တဖျၢၣ်လၢပှၤဂီၢ်မုၢ် ကိးကလုာ်ဒဲးအဂီၢ်လီၤ.”

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်ဒၤနံးယ့လး 10:12

အန့ၣ်ဝံၤဒီးအဝဲစံးဘၣ်ယၤ, “စီၤဒၤနံးယ့လးဧၢ, ပျံၤတၢ်တဂ့ၤ, ကစၢ်ယွၤနၢ်ဟူတ့ၢ်လံနတၢ်ထုကဖၣ်တဖၣ်, စးထီၣ်မုၢ်တနံၤလၢ နပာ်လီၤနသးဒ်သိးနကဆီၣ်လီၤနသးလၢနကဒိးန့ၢ်ဘၣ်တၢ် သ့ၣ်ညါနၢ်ပၢၢ်န့ၣ်လီၤ. ယဟဲယဲလၢတၢ်စံးဆၢနတၢ်ထုကဖၣ် အဂီၢ်လီၤ.

လံာ်ဒၤနံးယ့လး 10:2

အကတီၢ်ဖဲန့ၣ်, ယအိၣ်ဒီးတၢ်သူၣ်အုးသးအုးသၢနွံန့ၣ်လီၤ.

လံာ်ဒၤနံးယ့လး 11:45

ဒီးကသူၣ်ထီၣ်ဒၣ်လဲာ်စီၤလိၣ်စီၤပၤအဒဲဖးဒိၣ်တဖၣ်လၢပီၣ်လဲၣ် ဒီးကစၢၢ်အဘၢၣ်စၢၤ, ကစၢၢ်လၢတၢ်လုၢ်ဟံၣ်အိၣ်လၢအလိၤန့ၣ်လီၤ. ဘၣ်ဆၣ်ဒီးကသံဝဲဒီးပှၤမၤစၢၤအီၤဖဲန့ၣ်တအိၣ်ဘၣ်နီတဂၤဘၣ်.”

လံာ်ဒၤနံးယ့လး 9:16

နအိၣ်ပှိၤတ့ၢ်ပှၤလၢပျၢၤလီၤ. မၤသးဒ်န့ၣ်ဒီးသးဒိၣ်ဝ့ၢ်ယရူၤ ၡလ့ၣ်လၢၤတဂ့ၤ. မ့ၢ်ဝဲနဝ့ၢ်, နကစၢၢ်စီဆှံလီၤ. ကယဲၢ်ပှၤ ဂီၢ်မုၢ်ခဲလၢာ်လၢအအိၣ်လၢထံကီၢ်ခိၣ်ဃၢၤတဖၣ်ကွၢ်တလီၤ ဝ့ၢ်ယရူၤၡလ့ၣ်ဒီးနပှၤဂီၢ်မုၢ်, လၢပတၢ်ဒဲးဘးတဖၣ်အဃိ, ဒီးတၢ်အၢတၢ်သီလၢမိၢ်ပၢ် ဖံဖုလၢပျၢၤတဖၣ်မၤတ့ၢ်ဝဲအဃိန့ၣ်လီၤ.

လံာ်စကၤရယၤ 8:3

ယကဟဲက့ၤကဒါက့ၤဆူဝ့ၢ်ယရူၤၡလ့ၣ်, ယဝ့ၢ်စီဆှံ, ဒီးအိၣ်ဆိးဖဲန့ၣ်လီၤ. ကဘၣ်တၢ်သ့ၣ်ညါအီၤဒ်ဝ့ၢ်လၢအသူၣ်တီ သးရၤ, ဒီးသ့တၢ်လၢာ်ယွၤအကစၢၢ်ကဘၣ်တၢ်ကိးအီၤလၢကစၢၢ်စီဆှံန့ၣ် လီၤ.

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

ရိမ့ၤ 3:23

ပှၤဟီၣ်ခိၣ်ဖိခဲလၢာ်မၤတၢ်ဒဲးဘးဒီးတချုးန့ၢ်ထီၣ်ဘးကစၢ်ယွၤ အလၤကပီၤဘၣ်.

ယၤကိာ် 3:2

ပဝဲခဲလၢာ်ပမၤကမၣ်တၢ်တလီၢ်လီၢ်လီၤ. ဘၣ်ဆၣ်ဒီး, ပှၤတဂၤမ့ၢ်တမၤကမၣ်တၢ်ခီဖျိအတၢ်ကလုၢ်ကတိၤအပူၤနီ တဘျီဘၣ်ဒီး, အဝဲဒၣ်မ့ၢ်ပှၤအလၢအပှဲၤတဂၤဒီးသ့ပၢၤစ့ၢ်ကီး အနီၢ်ဒီဂၤညါန့ၣ်လီၤ.

လံာ်လီၣ်ဖျါ 21:10

ယွၤအသးပၢၤဃာ်ယၤ, ဒီးကလူးတဂၤန့ၣ်စိာ်ယၤဆူကစၢၢ်ဖးထီတဖျၢၣ်အဒီခိၣ်လီၤ. အဝဲဒုးနဲၣ်ယၤလၢဝ့ၢ်ယရူၤၡလ့ၣ်, ဝ့ၢ်စီဆှံတဖျၢၣ်, ဟဲလီၤလၢမူခိၣ်, လၢကစၢ်ယွၤအအိၣ်,

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.