လံာ်ဒၤနံးယ့လး 9:2 - Sgaw Karen Common Bible

² ယမၤလိလံာ်တၢ်ကွဲးစီဆှံတဖၣ်လၢယွၤကတိၤတ့ၢ်တၢ်ဒီး ဝံယံးရမံယၤဒီးဆိကမိၣ်တၢ်ဘၣ်ဃးဝ့ၢ်ယရူၤၡလ့ၣ်ကအိၣ်လၢ အတၢ်လီၤပှီၢ်တဖၣ်အပူၤအနံၣ်နွံဆံအဂ့ၢ်န့ၣ်လီၤ.

လံာ်ဒၤနံးယ့လး 9:2 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:21

ဒီးလၢတၢ်န့ၣ်အဃိတၢ်လၢယွၤတဲဆိတ့ၢ်ဝဲခီဖျိဝံယံးရမံ ယၤန့ၣ်လၢထီၣ်ပှဲၤထီၣ်ဝဲလီၤ. စံးဝဲ, “ထံကီၢ်ကအိၣ်သယုၢ်လၢအနံၣ်နွံဆံအတီၢ်ပူၤ, ဒ်သိးကမၤပှဲၤက့ၤတၢ်အိၣ်ဘှံးအနံၣ်လၢတၢ်တတိၢ်န့ၢ်မၤထွဲတ့ၢ် အီၤဘၣ်န့ၣ်လီၤ.”

လံာ်စီၤဧ့စြၤ 1:1

ဖဲကီၢ်ပၤရၣ်အစီၤပၤဖးဒိၣ်စီၤကိရ့ၣ်ပၢတၢ်အခီၣ်ထံးတနံၣ် န့ၣ်, ယွၤမၤလၢထီၣ်ပှဲၤထီၣ်တၢ်လၢအစံးတ့ၢ်ဝဲခီဖျိဝံယံးရမံယၤ န့ၣ်လီၤ. အဝဲမၢန့ၢ်ဆီၣ်ခံစီၤကိရ့ၣ်ဒ်သိးအကဟ့ၣ်လီၤအကလုၢ်ဒီးဆှၢ လီၤအီၤလၢတၢ်ကွဲးဒ်လၢလာ်အံၤအသိး, လၢကဘၣ်တၢ်ဖးအီၤလၢအကလုၢ်ဖးဒိၣ်လၢတၢ်လီၢ်ကိးပူၤဒဲးလၢ အဘီအမုၢ်အပူၤန့ၣ်လီၤ.

စံးထီၣ်ပတြၢၤ 119:24

နတၢ်သိၣ်လီၤသီလီၤတဖၣ် ဟ့ၣ်ယၤတၢ်သူၣ်မံသးမုာ်လီၤ. မ့ၢ်တၢ်ဟ့ၣ်ကူၣ်ဟ့ၣ်ဖးယၤလီၤ.

လံာ်ယၡါယၤ 64:10

နဝ့ၢ်စီဆှံတဖၣ်လီၤဂာ်ဒီးမဲးမုၢ်ခိၣ်တပူၤ, ဒီးဝ့ၢ်ယရူၤၡလ့ၣ်မ့ၢ်တၢ် ဟးဂီၤလီၤဃီအလီၢ်တပူၤ,

လံာ်ယံးရမံယၤ 1:1

လံာ်အံၤမ့ၢ်တၢ်ဂ့ၢ်ဘၣ်ဃးဒီးပှၤလုၢ်တၢ်အခိၣ်တဖၣ်အကျါတဂၤ လၢအအိၣ်လၢဝ့ၢ်ဧၤနသိးလၢကီၢ်ဘံၣ်ယၤမံၣ်အပူၤစီၤဃံးလကံယၤ အဖိခွါစီၤယံးရမံယၤစံးကတိၤတ့ၢ်ဝဲန့ၣ်လီၤ.

လံာ်ယံးရမံယၤ 25:18

ဝ့ၢ်ယရူၤၡလ့ၣ်ဒီး ကီၢ်ယူဒၤအဝ့ၢ်တဖၣ်ခဲလၢာ်, ဃုာ်ဒီး အစိကမီၤတဖၣ်ဒီး အခိၣ်အနၢ်တဖၣ် ဘၣ်တၢ်မၢအီၤလၢ ကအီဝဲ, ဒ်သိးအဝဲသ့ၣ် ကကဲထီၣ်မဲးမုၢ်ခိၣ်တတီၤ, တၢ်ထံၣ်ဘၣ်အလီၢ်လၢအလီၤပျံၤလီၤဖုးဒီး လီၤကမၢကမၣ်သတးဒီး ပှၤဂီၢ်မုၢ်ကသူအဝဲသ့ၣ်အမံၤဒ်တၢ်ဆိၣ်အၢဒ် အဝဲသ့ၣ်မၤဒံးဝဲခဲအံၤအသိးန့ၣ်လီၤ.

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်ယံးရမံယၤ 26:6

သုမ့ၢ်တစူၢ်ဒံးဒၣ်တၢ်ဆူညါန့ၣ်, ယကမၤယွၤအတၢ်လုၢ်ဟံၣ် အံၤ ဒ်ယမၤတ့ၢ်ဝ့ၢ်ၡံလိၣ်အသိး, ဒီးပှၤကလုာ်လၢဟီၣ်ခိၣ်ချၢခဲလၢာ် ကသူဝ့ၢ်အံၤ အမံၤဒ်တၢ်ဆိၣ်အၢတမံၤအသိးန့ၣ်လီၤ.”

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.

လံာ်သးသယုၢ်တၢ် 1:1

ဝ့ၢ်ယရူၤၡလ့ၣ်လၢတဘျီအခါအပှဲၤတ့ၢ်မးဒီးပှၤဂီၢ်မုၢ်န့ၣ်, အိၣ်သယုၢ်သညိမးလဲၣ်. တဘျီန့ၣ်ဘၣ်တၢ်ပာ်ဒိၣ်ပာ်ကဲတ့ၢ်အီၤလၢဟီၣ်ခိၣ်, ခဲအံၤမၤအသးဒ်မုၣ်ကမဲတဂၤအသိးမးလဲၣ်. လၢညါလီၤဂာ်ဒီးနီၢ်ပၤမုၣ်ဖိလၢအပၢဘၣ်ကီၢ်စဲၣ်ကီၢ်ဆၣ်တဖၣ် လီၤ. မ့မ့ၢ်ခဲအံၤလီၤတဲာ်ကွံာ်ဆူတၢ်မၢကဲကုၢ်အလီၢ်လံ.

လံာ်ယဃ့းစက့လး 29:11

ပှၤကညီမ့ၢ်ဂ့ၤ ဆၣ်ဖိကီၢ်ဖိမ့ၢ်ဂ့ၤ တလဲၤခီဖျိဘၣ်အီၤဘၣ်. လၢအနံၣ်လွံၢ်ဆံအတီၢ်ပူၤတၢ်တအိၣ်ဆိးဖဲန့ၣ်နီတမံၤဘၣ်.

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.

လံာ်စကၤရယၤ 1:12

တုၤနုၤတဘျီ, ယွၤအကလူးစံးဝဲဒၣ်, “သ့တၢ်လၢာ်ယွၤဧၢ, နသးထီၣ်တ့ၢ်ဝ့ၢ်ယရူၤရှလ့ၣ်ဒီးကီၢ်ယူဒၤအဝ့ၢ်တဖၣ်, ခဲအံၤအိၣ်လံအနံၣ်နွံဆံလံ. တချုးလၢနကဒုးနဲၣ်နတၢ်သးကညီၤအဝဲသ့ၣ်န့ၣ်ကယံာ်ဒံးဆံး ယံာ်လဲၣ်.”

လံာ်စကၤရယၤ 7:5

အဝဲစံးဝဲ, “တဲဘၣ်ပှၤဂီၢ်မုၢ်လၢထံဧိၤကီၢ်ဧိၤအပူၤ, ဒီးပှၤလုၢ်တၢ်အခိၣ်တဖၣ်လၢဖဲအဝဲသ့ၣ်ဒုၣ်တၢ်အီၣ်တၢ် အီဒီးဟီၣ်တၢ်ယၢၤတၢ်လၢလါယဲၢ်လါတလါ, ဒီးလၢလါနွံလါတလါအပူၤ, လၢအနံၣ်နွံဆံအတီၢ်ပူၤန့ၣ်တမ့ၢ်ဘၣ်လၢတၢ်မၤလၤမၤကပီၤယၤ အဂီၢ်န့ၣ်ဘၣ်.

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.

မၤတၢ် 8:34

ပဒိၣ်န့ၣ်သံကွၢ်ဝဲစီၤဖံလံးပူး, “တဲဘၣ်ယၤတက့ၢ်. ဝံတဂၤအံၤမ့ၢ်အကတိၤတၢ်လၢအကစၢ်ဒၣ်ဝဲအဂ့ၢ်ဧါ. မ့တမ့ၢ်ဘၣ်ဒီးမ့ၢ်အကတိၤတၢ်ဘၣ်ဃးပှၤအဂၤတဂၤဂၤ အဂ့ၢ်န့ၣ်လဲၣ်.”

၁ တံၤမသ့း 4:13

တချုးယဟဲဒံးဘၣ်ဒီး, ဟ့ၣ်လီၤနတၢ်ဆၢကတီၢ်ဒီးတၢ်ကျဲးစၢးလၢတၢ်ဖးန့ၢ်ပှၤဂီၢ်မုၢ် လၢတၢ်ကွဲးအသးစီဆှံတဖၣ်, ဒီးလၢတၢ်စံၣ်တဲၤတဲလီၤတၢ်ဒီးလၢတၢ်သိၣ်လိသီလိတၢ် အဂီၢ်န့ၣ်တက့ၢ်.

လံာ်လီၣ်ဖျါ 1:3

ပှၤတဂၤလၢအဖးလံာ်တဘ့ၣ်အံၤန့ၣ်ဘၣ်ဆိၣ်ဂ့ၤဝဲ, ဒီးပှၤတဖၣ်လၢအဒိကနၣ်တၢ်ကတိၤတဖၣ်လၢဝံအတၢ်ကစီၣ် တမံၤအံၤအပူၤဒီးစူၢ်တၢ်လၢအအိၣ်ကွဲးနီၣ်အသးဖဲလံာ် တဘ့ၣ်အံၤအပူၤန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, တၢ်ဆၢကတီၢ်ဘူးထီၣ်တ့ၢ်လံဝဲလၢတၢ်သ့ၣ်တဖၣ်အံၤခဲလၢာ် ကမၤအသးန့ၣ်လီၤ.