လံာ်ဒၤနံးယ့လး 9:17 - Sgaw Karen Common Bible

¹⁷ အိကစၢ်ယွၤဧၢ, ဒိကနၣ်လၢ်ယတၢ်ထုကဖၣ်ဒီးယတၢ်ဃ့ ကညးတက့ၢ်. မၤအိၣ်ထီၣ်က့ၤနတၢ်လုၢ်ဟံၣ်လၢအဘၣ်တၢ် မၤဟးဂီၤအီၤတက့ၢ်. မၤအိၣ်ထီၣ်က့ၤအီၤဒ်သိးပှၤကိးဂၤ ကသ့ၣ်ညါလၢနမ့ၢ်ကစၢ်ယွၤတက့ၢ်.

လံာ်ဒၤနံးယ့လး 9:17 Iomraidhean Croise

လံာ်စီၤပၤအခီၣ်ထံးတဘ့ၣ် 8:28

ယွၤ, ယကစၢ်ယွၤဧၢ, ယမ့ၢ်နခ့နပှၤန့ၣ်လီၤ. ကနၣ်လၢ်ယတၢ်ထုကဖၣ်, ဒီးဟ့ၣ်လီၤလၢ်ယၤတၢ်တဖၣ်လၢယဃ့ကညးနၤ လၢမုၢ်မဆါတနံၤအံၤန့ၣ်တက့ၢ်.

လံာ်စီၤနဃ့မယၤ 1:6

ယွၤဧၢ, ကွၢ်ယၤ, ဒ်ယဃ့တၢ်လၢနခ့နပှၤပှၤအံၣ်စရ့လးဖိ တဖၣ်အဂီၢ်လၢနံၤဒီးနၤန့ၣ်ဒိကနၣ်လၢ်ဘၣ်ယတၢ်ထုကဖၣ် န့ၣ်တက့ၢ်. ယအၢၣ်လီၤလၢပဝဲ, ပှၤအံၣ်စရ့လးဖိတဖၣ်ပအိၣ်ဒီးတၢ်ကမၣ်လီၤ. ယၤဒီးယမိၢ်ယပၢ်ယဖံယဖုတဖၣ်ပမၤတ့ၢ်တၢ်ဒဲးတူၢ်ဒဲးဘးလီၤ.

စံးထီၣ်ပတြၢၤ 119:135

ဒုးကပီၤထီၣ်နမဲာ်လၢနခ့နပှၤအလိၤ, ဒီးသိၣ်လိယၤလၢနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 4:6

ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ လၢတၢ်အဂ့ၤန့ၣ်လဲၣ်. ယွၤဧၢ, ကွၢ်လီၤပှၤလၢ တၢ်သူၣ်ကညီၤသးကညီၤအပူၤတက့ၢ်.”

စံးထီၣ်ပတြၢၤ 67:1

မ်ကစၢ်ယွၤသူၣ်ကညီၤသးကညီၤပှၤဒီးဆိၣ်ဂ့ၤပှၤတက့ၢ်. ဒီးမ်အဒုးကပီၤထီၣ်ဘၣ်အမဲာ်လၢပလိၤ, စ့လၤ

စံးထီၣ်ပတြၢၤ 67:2

ဒ်သိးပှၤဟီၣ်ခိၣ်ဖိကသ့ၣ်ညါအကျဲ, ပှၤကလုာ်ခဲလၢာ်ကသ့ၣ်ညါ အတၢ်အုၣ်က့ၤခီၣ်က့ၤအစိကမီၤန့ၣ်တက့ၢ်.

စံးထီၣ်ပတြၢၤ 74:3

ပဒုၣ်ပဒါတဖၣ်မၤဟးဂီၤတ့ၢ်လံတၢ်ခဲလၢာ်လၢ အအိၣ်လၢတၢ်လုၢ်ဟံၣ်အပူၤန့ၣ်လံ. ကွၢ်ဃုသ့ၣ်ညါတၢ်ဟးဂီၤလၢာ်လၢာ်ဆ့ဆ့ တဖၣ်အံၤန့ၣ်တက့ၢ်.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 80:19

ယွၤ, သ့တၢ်လၢာ်အကစၢ်ဧၢ, ဒုးဟဲက့ၤပှၤတက့ၢ်. ဒုးထံၣ်ပှၤလၢနတၢ်သးကညီၤ, ဒီးပကဘၣ်တၢ်အုၣ်က့ၤခီၣ်က့ၤပှၤလီၤ.

စံးထီၣ်ပတြၢၤ 80:3

ကစၢ်ယွၤဧၢ, ဒုးဟဲက့ၤပှၤ, ဒုးနဲၣ်ပှၤလၢနတၢ်သးကညီၤ, ဒီးပကဘၣ်တၢ်အုၣ်က့ၤခီၣ်က့ၤပှၤလီၤ.

စံးထီၣ်ပတြၢၤ 80:4

ယွၤသ့တၢ်လၢာ်အကစၢ်ယွၤဧၢ, မ့ၢ်နကသးထီၣ်နပှၤဂီၢ်မုၢ် အတၢ်ထုကဖၣ်န့ၣ်ဆံးယံာ်လဲၣ်.

စံးထီၣ်ပတြၢၤ 80:7

သ့တၢ်လၢာ်အကစၢ်ယွၤဧၢ, ဒုးဟဲက့ၤပှၤ, ဒုးထံၣ်ပှၤလၢနတၢ်သးကညီၤ, ဒီးပကဘၣ်တၢ်အုၣ်က့ၤခီၣ်က့ၤပှၤလီၤ.

လံာ်ယၡါယၤ 48:11

တၢ်လၢယမၤအီၤန့ၣ်, ယမၤတ့ၢ်အီၤလၢယကစၢ်ဒၣ်ယဲအဃိလီၤ. ယတပျဲယမံၤအလၤကပီၤဟးဂီၤမ့ၢ်ဂ့ၤပှၤအဂၤတဂၤဂၤနီၤဟံးန့ၢ် တၢ်လၤကပီၤအဝဲန့ၣ်မ့ၢ်ဂ့ၤဘၣ်. အဝဲန့ၣ်ကြၢးမ့ၢ်ဒၣ်ယတၢ်, ထဲယၤတဂၤဧိၤအတၢ်န့ၣ်လီၤ.”

လံာ်သးသယုၢ်တၢ် 3:56

ဒီးဖဲယဃ့ကညးနၤလၢနကဒိကနၣ်ယတၢ်ကိးပသူထီၣ်ဒီးနနၢ်ဟူတ့ၢ် လီၤ.

လံာ်သးသယုၢ်တၢ် 5:18

အဂ့ၢ်ဒ်အံၤ, ကစၢၢ်စံယိၣ်အိၣ်သယုၢ်ဒီး ဘၣ်တၢ်စူးကွံာ်ညိကွံာ်အီၤလီၤ. ထွံၣ်ဟီၣ်ခိၣ်တဖၣ်လဲၤဝ့ၤဝီၤကစုဒုလၢ အတၢ်လီၤပှီၢ်လီၤဟိတဖၣ်အကျါလီၤ.

လံာ်ဒၤနံးယ့လး 9:19

ယွၤဧၢ, ဒိကနၣ်လၢ်ပှၤတက့ၢ်. ယွၤဧၢ, ပျၢ်လၢ်ပကမၣ်တက့ၢ်. ယွၤဧၢ, ဒိကနၣ်ပှၤဒီးမၤတၢ်တက့ၢ်. ဒ်သိးပှၤကိးဂၤကသ့ၣ်ညါလၢန မ့ၢ်ကစၢ်ယွၤဒီး, မၤယံာ်မၤနီၣ်နသးတဂ့ၤ. ဝ့ၢ်တဝ့ၢ်အံၤဒီးပှၤဂီၢ်မုၢ်အံၤမ့ၢ်နတၢ်လီၤ.”

လံာ်ယိၤဟၣ် 16:24

တုၤအခဲအံၤန့ၣ်, သုတဃ့တၢ်နီတမံၤလၢယမံၤဒံးဘၣ်. ဃ့တၢ်တက့ၢ်. ဒီးသုကန့ၢ်ဘၣ်တၢ်, ဒ်သိးသုတၢ်သူၣ်ခုသးခုကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

၂ ကရံၣ်သူး 1:20

အဂ့ၢ်ဒ်အံၤ, အဝဲဒၣ်မ့ၢ်ဝဲ “မ့ၢ်” လၢယွၤတၢ်စံးပာ်ခဲလၢာ် အဂီၢ်လီၤ. လၢတၢ်တမံၤအံၤအဃိ, ခီဖျိယ့ၣ်ၡူးခရံာ်န့ၣ်ပ “အၤမ့ၣ်” ဘၣ်တၢ်ကတိၤထီၣ်ဖျဲးအီၤလၢကစၢ်ယွၤအလၤ ကပီၤအဂီၢ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.