လံာ်ဒၤနံးယ့လး 8:9 - Sgaw Karen Common Bible

⁹ လၢတၢ်အနၢၤလွံၢ်ဘိအကျါတဘိအလိၤန့ၣ်တၢ်အနၢၤဖိတ ဘိဟဲထီၣ်ဝဲဒီးအစိကမီၤလဲၢ်ထီၣ်ဆူကလံၤထံးဒီးဆူမုၢ်ထီၣ်ဒီး ဆူကီၢ်တၢ်စံးပာ်န့ၣ်လီၤ.

လံာ်ဒၤနံးယ့လး 8:9 Iomraidhean Croise

စံးထီၣ်ပတြၢၤ 105:24

ယွၤဟ့ၣ်လီၤအပှၤဂီၢ်မုၢ်လၢ ဖိတဖၣ်အါဒံ အါဂၤဒီး မၤဂံၢ်ဆူၣ်ဘါဆူၣ်ထီၣ်အီၤ အါန့ၢ်ဒံး အဒုၣ်အဒါတဖၣ်လီၤ.

စံးထီၣ်ပတြၢၤ 48:2

စံယိၣ်, ကစၢ်ယွၤအကစၢၢ်အံၤထီဝဲဒီးဃံလၤဝဲန့ၣ်လီၤ. စီၤပၤဖးဒိၣ်အဝ့ၢ်ဟဲစိာ်န့ၢ်တၢ်သူၣ်ဖှံသးညီဆူ ဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်ယဃ့းစက့လး 20:15

လၢတၢ်န့ၣ်အဃိ, ယမၤတ့ၢ်တၢ်ဆိၣ်တမံၤလၢပှၢ်မုၢ်ကနၢအပူၤ, လၢယတဒုးလဲၤနုာ်ဘၣ်အဝဲသ့ၣ်ဆူကီၢ်တဘ့ၣ်လၢယဟ့ၣ်လီၤတ့ၢ် အဝဲသ့ၣ်, ကီၢ်တဘ့ၣ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ်လၢ အဂ့ၤ, ကီၢ်အဂ့ၤကတၢၢ်တဘ့ၣ်လၢကီၢ်တဖၣ်အကျါန့ၣ်ဘၣ်.

လံာ်ယဃ့းစက့လး 20:6

မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်ဒၤနံးယ့လး 11:16

မ့မ့ၢ်ကီၢ်စူၤရံအသုးမုၢ်တဖၣ်ကမၤအီၤဖဲဒၣ်အသးအိၣ်မၤဝဲဒီး ပှၤကတြီဆၢအီၤတအိၣ်ဘၣ်နီတဂၤဘၣ်. ကဆၢထၢၣ်လၢ ကီၢ်တၢ်စံးပာ်အပူၤဒီးတၢ်ခဲလၢာ်ကအိၣ်လၢအစိကမီၤအဖီလာ် လၢာ်လၢာ်ဆ့ဆ့လီၤ.

လံာ်ဒၤနံးယ့လး 11:21

ဒီးမူခိၣ်ကလူးကတိၤတၢ်ဆူညါဒီးတဲဖျါထီၣ်ဝဲ, “ကီၢ်စူၤရံအစီၤပၤဆူညါတဂၤကမ့ၢ်ဝဲပှၤအၢပှၤသီတဂၤ, လၢပှၤဂီၢ်မုၢ်တပာ်ကဲဘၣ်အီၤဒီးတဟ့ၣ်အီၤအလီၢ်ဒ်စီၤလိၣ်စီၤပၤတဂၤ အသိးဘၣ်န့ၣ်လီၤ. မ့မ့ၢ်ကဟဲထီၣ်ဝဲသတူၢ်ကလာ်ခီဖျိ တၢ်ကတိၤဘျ့လၢအလီန့ၢ်ပှၤအသးဒီးဟံးန့ၢ်ဆူၣ်တၢ်စိကမီၤန့ၣ်လီၤ.

လံာ်ဒၤနံးယ့လး 7:8

ဖဲယကွၢ်စူၣ်ကွၢ်ထံတၢ်အနၢၤတဖၣ်အခါန့ၣ် ယထံၣ်တ့ၢ်တၢ်အနၢၤဆံးဆံးဖိတဘိဟဲထီၣ်ဝဲလၢ အနၢၤအဂၤတဖၣ်အကျါန့ၣ်လီၤ. တၢ်အနၢၤအိၣ်တ့ၢ်လၢ အခီၣ်ထံးတဖၣ်အကျါန့ၣ်အဝဲမၤဟးဂီၤကွံာ်ဝဲသၢဘိန့ၣ်လီၤ. တၢ်အနၢၤဖိတဘိအံၤအိၣ်ဝဲဒၣ်ဒီးပှၤကညီအမဲာ်ချံတဖၣ်ဒီး အထးခိၣ်တပူၤလၢအကတိၤဒိၣ်ကတိၤသွါအသးလၢတၢ်သး ထီၣ်ထီအပူၤန့ၣ်လီၤ.

လံာ်စကၤရယၤ 7:14

ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”