လံာ်ဒၤနံးယ့လး 8:5 - Sgaw Karen Common Bible

⁵ ဖဲယဆိကမိၣ်တၢ်တမံၤအံၤအခီပညီမ့ၢ်တၢ်ဒ်လဲၣ်အခါန့ၣ်မဲာ်တဲး လဲးတဒုဟဲဃ့ၢ်သဖှိထီၣ်လၢမုၢ်နုာ်တခီ, ဃ့ၢ်ဝဲချ့နးမး တုၤအခီၣ်တဖၣ်တထိးဘၣ်ဟီၣ်ခိၣ်ဒၣ်လဲာ်ဘၣ်န့ၣ်လီၤ. အဝဲအိၣ်ဒီးအနၢၤဖျါလီၤတိၢ်လီၤဆီတဘိဖဲအမဲာ်ချံခံဖျၢၣ် အဘၢၣ်စၢၤန့ၣ်လီၤ.

လံာ်ဒၤနံးယ့လး 8:5 Iomraidhean Croise

လံာ်ဒၤနံးယ့လး 11:3

အန့ၣ်ဒီးစီၤပၤလၢအဂံၢ်အဘါဆူၣ်ဖးဒိၣ်တဂၤကပၢၢ်ထီၣ်ဝဲ, ဒီးကပၢတၢ်လၢဘီမုၢ်ဖးဒိၣ်တဘ့ၣ်အဖီခိၣ်, ဒီးမၤဖဲဒၣ်အသး န့ၣ်လီၤ.

လံာ်ဒၤနံးယ့လး 2:32

တၢ်ဂီၤအံၤအခိၣ်န့ၣ်မ့ၢ်ထူစီ, အသးနါပှၢ်ဒီးအစုဒုၣ်စုတီၤ တဖၣ်မ့ၢ်စ့, အဟၢဖၢဒီးအကံၣ်ဒုၣ်တဖၣ်မ့ၢ်တိၢ်ဘီ,

လံာ်ဒၤနံးယ့လး 2:39

လၢတၢ်န့ၣ်အလီၢ်ခံန့ၣ်ဘီမုၢ်အသီတဘ့ၣ်လၢတဒိၣ်ဘၣ်ထဲသိး နဘီမုၢ်န့ၣ်ကပၢၢ်ထီၣ်ဝဲလီၤ. ဒီးလၢခံန့ၣ်တိၢ်ဘီအဘီမုၢ်လၢ အမ့ၢ်ဘီမုၢ်သၢဘ့ၣ်တဘ့ၣ်ကပၢၢ်ထီၣ်ဒီးပၢဟီၣ်ခိၣ်ဒီဘ့ၣ်ညါ လီၤ.

လံာ်ဒၤနံးယ့လး 7:6

ဒီးဖဲယအိၣ်ခိးကွၢ်တၢ်အဖၢမုၢ်န့ၣ်, ဆၣ်ဖိကီၢ်ဖိအၢအၢသီ သီအဂၤတဒုအိၣ်ဖျါထီၣ်ဝဲဒၣ်န့ၣ်လီၤ. အဝဲလီၤဂာ်ဒီးခ့စံၣ်ပိၣ် တဒုဘၣ်ဆၣ်ဒီးအိၣ်ဝဲဒီးအဒံးဆ့လွံၢ်ဘ့ၣ်လၢအချၢ, လီၤဂာ်ဒီးထိၣ်တဘ့ၣ်အဒံးဆ့တဖၣ်လီၤ. ဒီးအခိၣ်အိၣ်ဝဲဒၣ်လွံၢ်ဖျၢၣ်န့ၣ်လီၤ. အဝဲဖျါအိၣ်ဒီးပၢတၢ်အစိကမီၤန့ၣ်လီၤ.

လံာ်ဒၤနံးယ့လး 8:21

မဲာ်တဲးလဲးတဒုန့ၣ်ဒိလီၤပှၤကြံး(ခ်) ဖိအဘီအမုၢ်ဒီးတၢ်အနၢၤ ဖျါလီၤတိၢ်လီၤဆီတဘိလၢအမဲာ်ချံခံဖျၢၣ်အဘၢၣ်စၢၤန့ၣ် မ့ၢ်စီၤပၤအဆိကတၢၢ်တဂၤန့ၣ်လီၤ.

လံာ်ဒၤနံးယ့လး 8:6

အဝဲဟဲဃ့ၢ်လိၤလိၤဆူသိဖါတဒုလၢယထံၣ်တ့ၢ်လၢထံကျိဖး ဒိၣ်အဃၢၤန့ၣ်အအိၣ်ဒီးသဖှိဃီၤဝဲဆူအအိၣ်လၢအဂံၢ်အဘါ ခဲလၢာ်န့ၣ်လီၤ.

လံာ်ဒၤနံးယ့လး 8:8

မဲာ်တဲးလဲးတဒုန့ၣ်အဂံၢ်အဘါဒိၣ်ထီၣ်ဆူၣ်ထီၣ်အါထီၣ်ဝဲပှီၢ်ပှီၢ်လီၤ. ဘၣ်ဆၣ်ဒီးဖဲအတုၤလၢအစိကမီၤအထီကတၢၢ်န့ၣ် အနၢၤကၢ်ကွံာ်ဝဲဒၣ်လီၤ. လၢအလီၢ်န့ၣ်တၢ်အနၢၤဖျါလီၤ တိၢ်လီၤဆီလွံၢ်ဘိပၢၢ်ထီၣ်ဝဲဒီးယူာ်ဃီၤအသးဆူတၢ်အလီၢ် ကိးကပၤဒဲးန့ၣ်လီၤ.