လံာ်ဒၤနံးယ့လး 8:4 - Sgaw Karen Common Bible

⁴ ယအိၣ်ခိးကွၢ်တ့ၢ်သိဖါတဒုန့ၣ်ဘျၢၣ်တၢ်လၢအနၢၤဆူမုၢ်နုာ်, ကလံၤစိးဒီးကလံၤထံးတကပၤန့ၣ်လီၤ. တၢ်မံၤလာ်လၢအတြီအီၤန့ၢ်မ့ၢ်ဂ့ၤ, ဃ့ၢ်ပူၤဖျဲးလၢအစိကမီၤမ့ၢ်ဂ့ၤတအိၣ်ဘၣ်နီတဒုဘၣ်. မၤဝဲဖဲဒၣ်အသးဒီးမၤဒိၣ်မၤဆူၣ်ထီၣ်အသးန့ၣ်လီၤ.

လံာ်ဒၤနံးယ့လး 8:4 Iomraidhean Croise

လံာ်စီၤပၤအခီၣ်ထံးတဘ့ၣ် 22:11

ဝံအကျါတဂၤလၢအမ့ၢ်စီၤကနၤနါအဖိခွါစီၤစံးဒကံယၤပိာ်တၢ် အနၢၤတဖၣ်လၢထးဒီးစံးဘၣ်စီၤအၤဃာ်, “တၢ်အံၤမ့ၢ်တၢ်လၢယွၤစံးဝဲ, လၢတၢ်သ့ၣ်တဖၣ်အံၤန့ၣ်, နကဒုးပှၤစူၤရံဖိတဖၣ်ဒီးမၤနၢၤမၤဃၣ်ကွံာ်အဝဲသ့ၣ်လၢာ်လၢာ် ဆ့ဆ့န့ၣ်လီၤ.”

လံာ်စီၤယိၤဘး 10:7

နသ့ၣ်ညါလၢယတမ့ၢ်ဘၣ်ပှၤအိၣ်ဒီးတၢ်ကမၣ်ဒီးပှၤမၤပူၤဖျဲး ယၤလၢနစုပူၤသ့တအိၣ်နီတဂၤဘၣ်.

စံးထီၣ်ပတြၢၤ 44:5

ဒီးလၢနတၢ်စိတၢ်ကမီၤန့ၣ်, ပမၤနၢၤပဒုၣ်ပဒါတဖၣ်န့ၣ်လီၤ.

စံးထီၣ်ပတြၢၤ 50:22

“ကွၢ်ဆိကမိၣ်တၢ်အံၤ, ပှၤလၢအသးပ့ၤနီၣ်ကစၢ်ယွၤသ့ၣ်ဧၢ, ယကအ့ၣ်ဖှီဘၣ်ဖုးသု ဒီးပှၤမၤပူၤဖျဲးတၢ်တအိၣ်ဘၣ်နီတဂၤဘၣ်.

စံးထီၣ်ပတြၢၤ 7:2

ကအ့ၣ်ဖှီဘၣ်ဖုးယၤဒ်ခ့ယုၢ်အသိး, ကတွံၢ်တြူာ်ယၤဆူ တၢ်မၤပူၤဖျဲးတအိၣ်ဘၣ်အလီၢ်ဒီး ဖှီကွံာ်ယၤဆူ အက့အခီတဖၣ်န့ၣ်လီၤ.

လံာ်ယဃ့းစက့လး 34:21

သုဆီၣ်ကပၤကွံာ်သိလၢအဆူးအဆါတဖၣ်ဒီးဘျၢၣ်ဖျိးကွံာ် အဝဲသ့ၣ်လၢသိတဖုအအိၣ်န့ၣ်လီၤ.

လံာ်ဒၤနံးယ့လး 11:16

မ့မ့ၢ်ကီၢ်စူၤရံအသုးမုၢ်တဖၣ်ကမၤအီၤဖဲဒၣ်အသးအိၣ်မၤဝဲဒီး ပှၤကတြီဆၢအီၤတအိၣ်ဘၣ်နီတဂၤဘၣ်. ကဆၢထၢၣ်လၢ ကီၢ်တၢ်စံးပာ်အပူၤဒီးတၢ်ခဲလၢာ်ကအိၣ်လၢအစိကမီၤအဖီလာ် လၢာ်လၢာ်ဆ့ဆ့လီၤ.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 5:19

အဝဲဒၣ်အစိကမီၤဒိၣ်တုၤဒၣ်လဲာ်လၢပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီး, ပှၤကတိၤကျိာ်အကလုာ်ကလုာ်ခဲလၢာ်, ပျံၤဘၣ်အီၤဒီးကနိးကစုာ်တ့ၢ်မးလီၤ. မ့ၢ်အဲၣ်ဒိးမၤသံပှၤ တဂၤဂၤ, မ့ၢ်အဲၣ်ဒိးပာ်မူပှၤတဂၤဂၤ, ဒီးမၤဝဲဒၣ်လီၤ. တၢ်မၤလၤကပီၤပှၤတဂၤဂၤမ့ၢ်ဂ့ၤ, တၢ်မၤမဲာ်ဆှးပှၤတဂၤဂၤ မ့ၢ်ဂ့ၤ, ဖဲဒၣ်အသးန့ၣ်မၤဝဲဒၣ်လီၤ.

လံာ်ဒၤနံးယ့လး 5:30

ဒီးလၢမုၢ်တနၤဃီန့ၣ်အပူၤ, ကီၢ်ဘၤဘူၤလိၣ်အစီၤပၤစီၤပၤ ဘ့ၤလၡါစၢ်ဘၣ်တၢ်မၤသံကွံာ်အီၤန့ၣ်လီၤ.

လံာ်ဒၤနံးယ့လး 7:5

ဆၣ်ဖိကီၢ်ဖိအၢအၢသီသီခံဒုတဒုန့ၣ်လီၤဂာ်ဒီးတၤသူ တဒုဆၢထၢၣ်အိၣ်သကူးလီၤအသးလၢအခီၣ်လၢခံ, ခံခီအဖီခိၣ်န့ၣ်လီၤ. အဝဲဒၣ်အ့ၣ်တံၢ်ဃးတၢ်အဂုၢ်ဃံ သၢဘ့ၣ်လၢအမဲ, ဒီးတၢ်စံးဘၣ်အီၤ, ဂဲၤထၢၣ်, အီၣ်တၢ်ဖံးတၢ်ညၣ်ထဲသိးနအီၣ်ကဲတက့ၢ်န့ၣ်လီၤ.

လံာ်ဒၤနံးယ့လး 8:7

ယအိၣ်ခိးကွၢ်တ့ၢ်အတၢ်ဟဲမၤဒၢၣ်သိဖါန့ၣ်လီၤ. အဝဲအသးထီၣ်ဆူၣ်မးဒီးဘျၢၣ်အီၤဒီးမၤကၢ်ကွံာ်အနၢၤခံဘိ လိာ်န့ၣ်လီၤ. သိဖါကတြီဆၢက့ၤအီၤန့ၣ်အဂံၢ်အဘါတအိၣ်ဘၣ်. ဘၣ်တၢ်ကွံာ်လီၤအီၤဆူဟီၣ်ခိၣ်လိၤဒီးယီၢ်တံၢ်ကွံာ်အီၤလီၤ. ပှၤလၢအမၤပူၤဖျဲးအီၤသ့တအိၣ်ဘၣ်နီတဂၤဘၣ်.

လံာ်မံကၤ 5:8

ဒီးကီၢ်အံၣ်စရ့လးအပှၤဂီၢ်မုၢ်လၢအအိၣ်လီၤတဲာ်ဒံးလၢ ပှၤကလုာ်တဖၣ်အကျါန့ၣ်ကလီၤဂာ်ဒီးခ့ယုၢ်တဒုလၢအဃုကွၢ်တၢ် အိၣ်လၢပှၢ်လၢ်ကျါမ့တမ့ၢ်လၢတၢ်အီၣ်ဆၣ်အလီၢ်န့ၣ်လီၤ. ဟဲနုာ်ဆူသိတဖၣ်အကျါ, စံၣ်ပှီၤအဝဲသ့ၣ်ဒီးအ့ၣ်ဖှီလီၤကလဲ ကွံာ်အီၤဒီးတၢ်မုၢ်လၢ်လၢကပူၤဖျဲးတအိၣ်ဘၣ်.

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”