လံာ်ဒၤနံးယ့လး 8:3 - Sgaw Karen Common Bible

³ ဒီးဖဲထံကျိဖးဒိၣ်အံၤအကပၤန့ၣ်ယထံၣ်တ့ၢ်သိဖါတဒုလၢ အအိၣ်ဒီးအနၢၤဖးထီခံဘိ, လၢအကျါတဘိန့ၣ်ထီဝဲဒီးသီ ဝဲအါန့ၢ်ဒံးအဂၤတဘိန့ၣ်လီၤ.

လံာ်ဒၤနံးယ့လး 8:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 21:16

စီၤဒၤဝံးထံၣ်တ့ၢ်ကလူးန့ၣ်ဂဲၤဆၢထၢၣ်လၢမူခိၣ်ဒီးဟီၣ်ခိၣ် အဘၢၣ်စၢၤ, စိာ်ဒီးနးလၢအစုပူၤ, အိၣ်ကတဲာ်ကတီၤအသးလၢကမၤဟးဂီၤဝ့ၢ်ယရူၤၡလ့ၣ်န့ၣ်လီၤ. တုၤနုၤတစုစီၤဒၤဝံးဒီးပှၤဂီၢ်မုၢ်အခိၣ်အနၢ်တဖၣ်, အဝဲသ့ၣ်ကိးဂၤဒဲးကူသိးဝဲထၢၣ်တၢ်ကံးယာ်ဒီး, သကုးလီၤအသးအိၣ်ဒီးအမဲာ်သၣ်တဖၣ်လၢအကျးလီၤအသးလၢဟီၣ်ခိၣ် လိၤန့ၣ်လီၤ.

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်စီၤဧ့စြၤ 4:5

အဝဲသ့ၣ်ဟ့ၣ်ခိၣ်ဖးလာ်ဆှိးဆူကီၢ်ပၤရၣ်အပဒိၣ်ပပှၢ်တဖၣ်အအိၣ်ဒ် သိးကမၤတၢ်ထီဒါပှၤယူဒၤဖိန့ၣ်လီၤ. အဝဲသ့ၣ်မၤတၢ်အံၤတပယူာ်ဃီစးထီၣ်လၢစီၤပၤဖးဒိၣ်ကိရ့ၣ် အစိၤဒီးတုၤလီၤလၢစီၤပၤဖးဒိၣ်ဒၤရယါဝ့ၣ်အစိၤန့ၣ်လီၤ.

လံာ်နီၢ်အ့ၤစတၢ် 1:3

လၢအဝဲပၢတၢ်သၢနံၣ်တနံၣ်န့ၣ်, မၤတၢ်အီၣ်တၢ်အီအမူးဖးဒိၣ်တခါလၢအပဒိၣ်တဖၣ်ဒီးပှၤပၢတၢ် သ့ၣ်တဖၣ်အဂီၢ်န့ၣ်လီၤ. ကီၢ်ပၤရၣ်ဒီးကီၢ်မၤဒဲအသုးမုၢ်သံၣ်ဘိတဖၣ်, ဒီးဒ်န့ၣ်အသိးကီၢ်ဖိတဖၣ်အပဒိၣ်ဖးဒိၣ်ဒီးပှၤတူၢ်ဒိၣ်ကီၢ်ဒိၣ်တဖၣ် ဟဲဝဲစ့ၢ်ကီးန့ၣ်လီၤ.

လံာ်ယၡါယၤ 13:17

ယွၤစံးဝဲဒၣ်, “ယထိၣ်ဂဲၤထီၣ်ပှၤမၤဒဲဖိတဖၣ် လၢကဒုးတၢ်ထီဒါဘၤဘူၤလိၣ်လီၤ. အဝဲသ့ၣ်တပာ်လုၢ်ပာ်ပှ့ၤ စ့ဘၣ်ဒီးတၢ်လ့ပစီအီၤလၢထူတန့ၢ်ဘၣ်.

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ဒၤနံးယ့လး 10:5

ယကွၢ်ထီၣ်ဒီးယထံၣ်တ့ၢ်ပှၤတဂၤသိးဆ့ဖှီဝါကဆှၣ်တဖၣ်အိၣ်ဒီးယီၢ် တကိးထူဂ့ၤဂ့ၤတဘိန့ၣ်လီၤ.

လံာ်ဒၤနံးယ့လး 2:39

လၢတၢ်န့ၣ်အလီၢ်ခံန့ၣ်ဘီမုၢ်အသီတဘ့ၣ်လၢတဒိၣ်ဘၣ်ထဲသိး နဘီမုၢ်န့ၣ်ကပၢၢ်ထီၣ်ဝဲလီၤ. ဒီးလၢခံန့ၣ်တိၢ်ဘီအဘီမုၢ်လၢ အမ့ၢ်ဘီမုၢ်သၢဘ့ၣ်တဘ့ၣ်ကပၢၢ်ထီၣ်ဒီးပၢဟီၣ်ခိၣ်ဒီဘ့ၣ်ညါ လီၤ.

လံာ်ဒၤနံးယ့လး 5:31

ဒီးပှၤမၤဒဲဖိစီၤဒၤရယါဝ့ၣ်လၢအသးပှၢ်ဝဲဃုဆံခံနံၣ်န့ၣ် ဒိးန့ၢ်ဘၣ်ဘီမုၢ်အဝဲန့ၣ်လီၤ.

လံာ်ဒၤနံးယ့လး 6:28

ဒီးစီၤဒၤနံးယ့လးဘီၣ်ထီၣ်ညီထီၣ်လၢစီၤပၤဒၤရယါဝ့ၣ်အတၢ်ပၢတၢ် ပြးဒီးကီၢ်ပၤရၣ်အစီၤပၤစီၤကိရ့ၣ်ပၢတၢ်အစိၤန့ၣ်လီၤ.

လံာ်ဒၤနံးယ့လး 7:5

ဆၣ်ဖိကီၢ်ဖိအၢအၢသီသီခံဒုတဒုန့ၣ်လီၤဂာ်ဒီးတၤသူ တဒုဆၢထၢၣ်အိၣ်သကူးလီၤအသးလၢအခီၣ်လၢခံ, ခံခီအဖီခိၣ်န့ၣ်လီၤ. အဝဲဒၣ်အ့ၣ်တံၢ်ဃးတၢ်အဂုၢ်ဃံ သၢဘ့ၣ်လၢအမဲ, ဒီးတၢ်စံးဘၣ်အီၤ, ဂဲၤထၢၣ်, အီၣ်တၢ်ဖံးတၢ်ညၣ်ထဲသိးနအီၣ်ကဲတက့ၢ်န့ၣ်လီၤ.

လံာ်ဒၤနံးယ့လး 8:2

လၢတၢ်ထံၣ်လၢညါခီအံၤအပူၤယထံၣ်လီၤက့ၤယသးသတူၢ် ကလာ်လၢယအိၣ်လၢကီၢ်ဧ့ၤလၣ်အဝ့ၢ်ခိၣ်ဝ့ၢ်ၡူၡၣ်အပူၤန့ၣ်လီၤ. ယဆၢထၢၣ်တ့ၢ်ဖဲထံကျိဖးဒိၣ်အူလဲၤအကၢၢ်နံၤန့ၣ်လီၤ.

လံာ်ဒၤနံးယ့လး 8:20

သိဖါအိၣ်ဒီးအနၢၤခံဘိလၢနထံၣ်တ့ၢ်အီၤန့ၣ်ဒိလီၤပှၤမၤဒဲဖိဒီး ပှၤပၤရၣ်ဖိအဘီအမုၢ်တဖၣ်န့ၣ်လီၤ.

လံာ်စကၤရယၤ 1:18

လၢတၢ်ထံၣ်လၢညါခီအဂၤတမံၤအပူၤန့ၣ်, ယထံၣ်ကျီၢ်ဖါအနၢၤလွံၢ်ဘိလီၤ.

လံာ်စကၤရယၤ 2:1

လၢတၢ်ထံၣ်လၢညါခီအဂၤတမံၤအပူၤန့ၣ်, ယထံၣ်ဘၣ်ပှၤတဂၤလၢအအိၣ်ဒီးနီၣ်ထိၣ်ပျံၤတဘိလၢအစုပူၤလီၤ.

လံာ်စကၤရယၤ 5:1

ယကွၢ်ကဒီးတၢ်ဒီးတဘျီအံၤယထံၣ်လံာ် ထူတထူယူၤဝဲဒၣ်လၢကလံၤကျါန့ၣ်လီၤ.

လံာ်စကၤရယၤ 5:5

ကလူးအိၣ်ဖျါထီၣ်ကဒီး, ဒီးစံးဝဲ, “ကွၢ်, တၢ်အဂၤတမံၤဟဲကဒီးလံ.”

လံာ်စကၤရယၤ 5:9

ယကွၢ်ထီၣ်တၢ်ဒီးထံၣ်ဘၣ်ပိာ်မုၣ်ခံဂၤဟဲယူၤဝဲဒၣ် ဆူယအိၣ်လၢအအိၣ်ဒီးဒံးဆ့တဖၣ်လၢအဂံၢ်ဆူၣ်ဘါ ဆူၣ်ဝဲဒ်ထိၣ်ဖးဒိၣ်တဘ့ၣ်အဒံးဆ့တဖၣ်အသိးလီၤ. အဝဲသ့ၣ်စိာ်ထီၣ်ဃၤန့ၣ်ဒီးယူၤကွံာ်ဃုာ်ဒီးအီၤလီၤ.

လံာ်စကၤရယၤ 6:1

ယအိၣ်ဒီးတၢ်ထံၣ်လၢညါခီအဂၤတမံၤကဒီးလီၤ. တဘျီအံၤ, ယထံၣ်လ့ၣ်ကဟၣ်လွံၢ်ဆိလၢအဟဲထီၣ်လၢကစၢၢ် တိၢ်ဘီခံဖျၢၣ်အကဆူးန့ၣ်လီၤ.

လံာ်တၢ်ဂံၢ် 24:2

အဝဲကွၢ်ဃီၤတၢ်လိၤလိၤဆူမဲးမုၢ်ခိၣ်ဒီးထံၣ်ဘၣ်ကီၢ်အံၣ်စရ့လး အပှၤဂီၢ်မုၢ်သူၣ်ဒဲတဒူၣ်ဘၣ်တဒူၣ်န့ၣ်လီၤ. ကစၢ်ယွၤအသးလီၤ ဘၣ်လၢအလိၤ,

လံာ်စီၤယိၤၡူ 5:13

ဖဲစီၤယိၤၡူလဲၤဘူးဒီးဝ့ၢ်ယရံၤဃိန့ၣ်, သတူၢ်ကလာ်အဝဲထံၣ်ပှၤတဂၤဆၢထၢၣ်လၢအမဲာ်ညါ, ဟံးဃာ်ဒီးနးတဘ့ၣ်န့ၣ်လီၤ. စီၤယိၤၡူလဲၤဆူအအိၣ်ဒီးသံကွၢ်အီၤ, “နမ့ၢ်ပပှၤဧါ, မ့တမ့ၢ်ဘၣ်ဒီးပဒုၣ်ပဒါအပှၤဧါ.”

လံာ်လီၣ်ဖျါ 13:11

အန့ၣ်ဝံၤအလီၢ်ခံယထံၣ်တၢ်ဒူတၢ်ဃိၤအဂၤတဒုလၢ အဟဲထီၣ်လၢဟီၣ်ခိၣ်အပူၤန့ၣ်လီၤ. အဝဲအိၣ်ဒီးအနၢၤခံ ဘိဒ်သိဖိအနၢၤအသိး, ဒီးအဝဲဒၣ်ကတိၤတၢ်ဒ်ပယိၤ အသိးန့ၣ်လီၤ.

လံာ်လီၣ်ဖျါ 5:6

တုၤနုၤတစုယထံၣ်သိဖိတဒုဆၢထၢၣ်လၢလီၢ်ပစိာ်အခၢၣ်သး, ဘၣ်တၢ်ကဝီၤဃာ်အီၤလၢတၢ်အသးသမူအိၣ်လွံၢ်ဒုဒီးပှၤ သူၣ်က့သးပှၢ်တဖၣ်န့ၣ်လီၤ. အိၣ်ဖျါလၢသိဖိတဒုန့ၣ်ဘၣ် တၢ်မၤသံအီၤလီၤ. အဝဲအိၣ်ဒီးအနၢၤနွံဘိဒီးအမဲာ်ချံနွံတိၣ်, လၢအမ့ၢ်ဝဲကစၢ်ယွၤအသးနွံဖျၢၣ်, လၢအဘၣ်တၢ်ဆှၢလီၤတ့ၢ်အီၤသကုၤဟီၣ်ခိၣ်ဒီဘ့ၣ်ညါန့ၣ်လီၤ.