လံာ်ဒၤနံးယ့လး 8:2 - Sgaw Karen Common Bible

² လၢတၢ်ထံၣ်လၢညါခီအံၤအပူၤယထံၣ်လီၤက့ၤယသးသတူၢ် ကလာ်လၢယအိၣ်လၢကီၢ်ဧ့ၤလၣ်အဝ့ၢ်ခိၣ်ဝ့ၢ်ၡူၡၣ်အပူၤန့ၣ်လီၤ. ယဆၢထၢၣ်တ့ၢ်ဖဲထံကျိဖးဒိၣ်အူလဲၤအကၢၢ်နံၤန့ၣ်လီၤ.

လံာ်ဒၤနံးယ့လး 8:2 Iomraidhean Croise

လံာ်တၢ်ကဲထီၣ်အခီၣ်ထံး 10:22

ဒီးစီၤၡ့ၣ်အဖိခွါတဖၣ်န့ၣ်မ့ၢ်ဝဲ, စီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူးဒီးစီၤအရၣ်လီၤ. အဝဲသ့ၣ်မ့ၢ်ပၢ်လၢ ပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်တဖၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 14:1

ဒီးတၢ်မၤအသးလၢစီၤပၤလွံၢ်ဂၤလၢအမ့ၢ်ကီၢ်ဘၤဘူၤလိၣ်အစီၤ ပၤစီၤအးမရၤဖ့လး, ပှၤအ့းလးစၢ်အစီၤပၤစီၤအၤရယိာ်, ပှၤဧ့ၤလၣ်အစီၤပၤစီၤကဒၢ်လဧိမ့ၢ်ဒီးပှၤကလုာ်တဖၣ်အစီၤပၤ စီၤတံးဒၤလးသ့ၣ်တဖၣ်န့ၣ်,

လံာ်စီၤနဃ့မယၤ 1:1

ဒီးအအံၤမ့ၢ်စီၤဃကါလယၤအဖိခွါစီၤနဃ့မယၤအတၢ်ကတိၤတဖၣ်န့ၣ်လီၤ. ဒီးလၢကီၢ်ပၤရၣ်အစီၤပၤဖးဒိၣ်အၢ်တၤၡါၡတၤပၢတၢ်ပှဲၤထီၣ် အနံၣ်ခံဆံ, လါကံးစလ့ၤအပူၤန့ၣ်, ယအိၣ်လၢဝ့ၢ်ၡူၡၣ်လၢအမ့ၢ်ဝ့ၢ်ခိၣ်အပူၤ န့ၣ်လီၤ.

လံာ်နီၢ်အ့ၤစတၢ် 2:8

တုၤစီၤပၤဟ့ၣ်လီၤအတၢ်မၤလိာ်အသီန့ၣ်မုၣ်လိၤဘိအါဂၤဘၣ် တၢ်ဟဲဆှၢအီၤဆူဝ့ၢ်ၡူၡၣ်ဒီးနီၢ်အ့ၤစတၢ်အိၣ်လၢအဝဲသ့ၣ်အကျါန့ၣ်လီၤ. အဝဲစ့ၢ်ကီးဘၣ်တၢ်ပာ်အီၤလၢစီၤပၤအနီပူၤ, လၢပှၤကွၢ်ထွဲပိာ်မုၣ်အဟံၣ်, စီၤဟ့က့ၤအတၢ်အံးထွဲကွၢ်ထွဲအပူၤန့ၣ်လီၤ.

လံာ်နီၢ်အ့ၤစတၢ် 3:15

လၢစီၤပၤအကလုၢ်န့ၣ်တၢ်မၤလိာ်ဘၣ်တၢ်ရၤလီၤ အီၤလၢဝ့ၢ်ခိၣ်ဝ့ၢ်ၡူၡၣ်အပူၤဒီး, ပှၤဆှၢလံာ်ဖိတဖၣ်ဆှၢလီၤတၢ်ကစီၣ်ဆူကီၢ်တဖၣ်န့ၣ်လီၤ. စီၤပၤဒီးစီၤဟၤမၣ်ဆ့ၣ်နီၤဝဲဒီးအီတၢ်, ဖဲဝ့ၢ်ၡူၡၣ်ပှဲၤဝဲဒီး တၢ်သဘံၣ်ဘုၣ်ဒီးသူၣ်ကိၢ်သးဂီၤအခါန့ၣ်လီၤ.

လံာ်နီၢ်အ့ၤစတၢ် 7:6

နီၢ်အ့ၤစတၢ်စံးဆၢဝဲ, “ပဒုၣ်ပဒါ, ပှၤလၢအမၤနးမၤဖှီၣ်ပှၤန့ၣ်, မ့ၢ်ပှၤအအၢစီၤဟၤမၣ်အံၤလီၤ.” တုၤနုၤတစုစီၤဟၤမၣ်ပျံၤတၢ်ဖုးတၢ်လၢစီၤပၤဒီးနီၢ်ပၤမုၣ်အမဲာ် ညါန့ၣ်လီၤ.

လံာ်နီၢ်အ့ၤစတၢ် 8:15

စီၤမၢ်ဒကဲၤဟးထီၣ်ဝဲလၢနီပူၤ, ကူသိးဝဲဒၣ်စီၤပၤအကူအသိး, လၢတၢ်လါဒီးတၢ်ဝါဆ့ကၤဖးထီတဘ့ၣ်လၢပှၤမၤအီၤလၢ ဖှီဝါကဆှၣ်လုးတကုာ်အိၣ်ဒီးခိၣ်သလုးထူဖးဒိၣ်လီၤ. ဝ့ၢ်ၡူၡၣ်အပှၤဝ့ၢ်ဖိကိးပသူထီၣ်လၢတၢ်သူၣ်ခုသးခုဒီး တၢ်သူၣ်ဖှံသးညီလၢကျဲတဖၣ်အပူၤလီၤ.

လံာ်နီၢ်အ့ၤစတၢ် 9:11

လၢမုၢ်တနံၤဃီန့ၣ်, ပှၤလၢအဘၣ်တၢ်မၤသံအီၤလၢဝ့ၢ်ၡူၡၣ်ပူၤအနီၣ်ဂံၢ်န့ၣ်ဘၣ်တၢ် ပာ်ဖျါထီၣ်အီၤဆူစီၤပၤန့ၣ်လီၤ.

လံာ်နီၢ်အ့ၤစတၢ် 9:15

လၢလါအးဒၢ်ထီၣ်တဆံလွံၢ်နံၤတနံၤန့ၣ် ပှၤယူဒၤဖိလၢအအိၣ်လၢဝ့ၢ်ၡူၡၣ်အပူၤတဖၣ်ပာ်ဖှိၣ်ထီၣ်ကဒီး အသး, ဒီးမၤသံပှၤသၢကယၤလၢဝ့ၢ်ပူၤန့ၣ်လီၤ. ဘၣ်ဆၣ်ဒီး, အဝဲသ့ၣ်တဂုာ်ဆူၣ်ပျီဆူၣ်တၢ်နီတမံၤန့ၣ်ဘၣ်.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယံးရမံယၤ 25:25

ကီၢ်ဧ့ရ့းအစီၤပၤခဲလၢာ်, မဲးမုၢ်ခိၣ်အဒူၣ်တဖၣ် အစီၤပၤခဲလၢာ်,

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ယဃ့းစက့လး 32:24

ကီၢ်ဧ့ၤလၣ်အိၣ်ဖဲန့ၣ်ဃုာ်ဒီးအသုးဖိတဖၣ်အသွၣ်ခိၣ်လၢအအိၣ် ဝးတရံးအီၤန့ၣ်လီၤ. အဝဲသ့ၣ်ခဲလၢာ်ဘၣ်တၢ်မၤသံအီၤလၢ တၢ်ဒုးအပူၤဒီးအဝဲလဲၤလီၤဝဲဒၣ်ဆူပှၤသံတဖၣ်အကီၢ်ပူၤတအိၣ် ဘၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. ဖဲအအိၣ်မူဒံးအ ခါန့ၣ်အဝဲသ့ၣ်, ရၤလီၤတၢ်မၤပျံၤမၤဖုး, ဘၣ်ဆၣ်ခဲအံၤအဝဲသ့ၣ် သံကွံာ်ဝဲဒၣ်လၢတၢ်လီၤမဲာ်ဆှးအပူၤန့ၣ်လီၤ.

လံာ်ဒၤနံးယ့လး 10:4

လၢနံၣ်အဝဲန့ၣ်အပူၤ, လါအခီၣ်ထံးတလါ, ခံဆံလွံၢ်သီအနံၤ န့ၣ်, ယဆၢထၢၣ်လၢထံကျိဖးဒိၣ်ဃံးဒက့လးအကၢၢ်နံၤန့ၣ်လီၤ.

လံာ်ဒၤနံးယ့လး 7:15

တၢ်ထံၣ်လၢညါခီတဖၣ်လၢယထံၣ်တ့ၢ်အီၤန့ၣ်မၤကိၢ်မၤဂီၤယသး, ဒီးယသးဘၣ်တံာ်တာ်ဒိၣ်ဒိၣ်ကလဲာ်လီၤ.

လံာ်ဒၤနံးယ့လး 7:2

စီၤဒၤနံးယ့လးစံးတ့ၢ်ဝဲ, လၢယတၢ်ထံၣ်လၢညါခီလၢမုၢ်နၤန့ၣ်, ကလံၤတဖၣ်အူတၢ်လၢကိးကပၤဒဲးဒီးထိၣ်ဂဲၤပီၣ်လဲၣ်ဖးဒိၣ် အထံဖံးခိၣ်န့ၣ်လီၤ.

လံာ်ဒၤနံးယ့လး 8:1

“လၢစီၤပၤဘ့ၤလၡါစၢ်ပၢတၢ်သၢနံၣ်တနံၣ်န့ၣ်ယထံၣ်တ့ၢ် တၢ်လၢညါခီခံမံၤတမံၤန့ၣ်လီၤ.

လံာ်ဒၤနံးယ့လး 8:3

ဒီးဖဲထံကျိဖးဒိၣ်အံၤအကပၤန့ၣ်ယထံၣ်တ့ၢ်သိဖါတဒုလၢ အအိၣ်ဒီးအနၢၤဖးထီခံဘိ, လၢအကျါတဘိန့ၣ်ထီဝဲဒီးသီ ဝဲအါန့ၢ်ဒံးအဂၤတဘိန့ၣ်လီၤ.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

ဧ့ၤဘြံၤ 1:1

လၢပျၢၤန့ၣ်, ကစၢ်ယွၤကတိၤတ့ၢ်တၢ်ဒီးပမိၢ်ပၢ်ဖံဖုလၢပျၢၤ တဖၣ်ဘၣ်ထွဲတၢ်အါမံၤအါကလုာ်ဒီးအါဘျီခီဖျိဝံတဖၣ်လီၤ.

လံာ်လီၣ်ဖျါ 9:17

ဒီးလၢယတၢ်ထံၣ်တၢ်လၢညါခီအပူၤန့ၣ်ယထံၣ်ဘၣ်ကသ့ၣ် တဖၣ်, ဒီးပှၤလၢအဒိးအီၤတဖၣ်လီၤ. အဝဲသ့ၣ်အိၣ်ဒီးသဃိးတဖၣ်လၢအဂီၤဝဲဒ်မ့ၣ်အူအသိး, လါအဲးဝဲဒ်တၢ်မျၢ်နံၤလါ, ဒီးဘီဝဲဒ်ကးကမူၣ်အသိးန့ၣ်လီၤ. ကသ့ၣ်တဖၣ်အခိၣ်လီၤဂာ်ဒ်ခ့ယုၢ်အခိၣ်, ဒီးလၢအဝဲသ့ၣ် တဖၣ်အကိာ်ပူၤန့ၣ်, မ့ၣ်အူ, တၢ်အလုၢ်ခုၣ်ဒီးကးကမူၣ် ဟဲဖျိးထီၣ်ဝဲဒၣ်လီၤ.