လံာ်ဒၤနံးယ့လး 8:19 - Sgaw Karen Common Bible

¹⁹ ဒီးစံးဝဲဒၣ်, “ယကဒုးနဲၣ်နၤတၢ်လၢကစၢ်ယွၤ အတၢ်သးဒိၣ်အကတၢၢ်ကမ့ၢ်တၢ်ဒ်လဲၣ်န့ၣ်လီၤ. တၢ်ထံၣ်လၢညါခီပာ်ဖျါတၢ်အကတၢၢ်အဆၢကတီၢ်န့ၣ်လီၤ.

လံာ်ဒၤနံးယ့လး 8:19 Iomraidhean Croise

စံးထီၣ်ပတြၢၤ 102:13

နကဂဲၤဆၢထၢၣ်ဒီးသူၣ်ကညီၤသးကညီၤစံယိၣ်လီၤ. အဂ့ၢ်ဒ်အံၤ, တၢ်ဆၢကတီၢ်လၢနသ့ၣ်ပာ်လၢ နကသူၣ်ကညီၤသးကညီၤအီၤန့ၣ်ဘၣ်လံ.

လံာ်ဒၤနံးယ့လး 11:27

ဒီးစီၤပၤခံဂၤန့ၣ်ကဆ့ၣ်နီၤလၢစီၢ်နီၤခိၣ်တဖျၢၣ်ဃီဒီးအီၣ်သကိးတၢ်လီၤ. မ့မ့ၢ်အတၢ်တိာ်သူၣ်ပာ်သးတဖၣ်ကမ့ၢ်တၢ်အၢတၢ်သီ, ဒီးကလီလိာ်အသးတဂၤဒီးတဂၤန့ၣ်လီၤ. ဘၣ်ဆၣ်ဒီးတဒိးန့ၢ်ဘၣ်ဝဲတၢ် လၢအသးလီတဖၣ်န့ၣ်ဘၣ်. အဂ့ၢ်ဒ်အံၤ, တၢ်ဆၢကတီၢ် လၢအဝဲန့ၣ်အဂီၢ်တဟဲတုၤဒံးဘၣ်ဝဲဘၣ်.

လံာ်ဒၤနံးယ့လး 12:4

မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်ဒၤနံးယ့လး 8:23

ဘီမုၢ်တဖၣ်န့ၣ်အကတၢၢ်ဘူးထီၣ်ဝဲ, ဒီးအဝဲသ့ၣ်အၢထီၣ်သီထီၣ် နးနးကလဲာ်တုၤကဘၣ်တၢ်စံၣ်ညီၣ်အကတီၢ်န့ၣ်စီၤပၤလၢအခိၣ် ကိၤ, အၢတူာ်ကိာ်ဒီးကူၣ်လီတၢ်သ့တဂၤကအိၣ်ထီၣ်ဝဲလီၤ.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်လူၤကၣ် 21:23

ဖဲမုၢ်နံၤမုၢ်သီတဖၣ်န့ၣ်အဆၢကတီၢ်, ပိာ်မုၣ်လၢအအိၣ်ဒီးအဟုးအသး, ဒီးမိၢ်လၢအအိၣ်ဒီးဖိဆံးအီၣ်နုၢ်ဖိတဖၣ် ကဘၣ်အဖှီၣ်ဆံးဒိၣ်လဲၣ်. တၢ်နးတၢ်ဖှီၣ်အဒိၣ်အမုၢ်ကတုၤအိၣ်ထံကီၢ် တဘ့ၣ်အံၤ, ဒီးကစၢ်ယွၤအတၢ်သးဒိၣ်ကလီၤဘၣ်ထီဒါပှၤဂီၢ်မုၢ်အံၤလီၤ.

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,

လံာ်လီၣ်ဖျါ 10:7

မ့မ့ၢ်ဖဲကလူးနွံဂၤတဂၤအူထီၣ်ကွဲၤန့ၣ်, ကစၢ်ယွၤကမၤလၢထီၣ်ပှဲၤထီၣ်အတၢ်ကူၣ်ထီၣ်ဖးလီၤခူသူၣ်, ဒ်အဝဲဒၣ်ဘိးဘၣ်သ့ၣ်ညါတ့ၢ်ဝဲအခ့အပှၤဝံတဖၣ် အသိး န့ၣ်လီၤ.”

လံာ်လီၣ်ဖျါ 11:18

ပှၤကလုာ်ဂၤတဖၣ်သူၣ်ဒိၣ်သးဖျိးဝဲ, အဂ့ၢ်မ့ၢ်လၢနတၢ်သးထီၣ် အဆၢကတီၢ်ဟဲတုၤဝဲလံ, ဆၢကတီၢ်လၢပှၤသံ ကဘၣ်တၢ်စံၣ်ညီၣ်အီၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကဟ့ၣ်ခိၣ်ဖး ဆူနခ့နပှၤတဖၣ်, ဝံတဖၣ်, ဒီးနပှၤဂီၢ်မုၢ်ခဲလၢာ်, ပှၤကိးဂၤဒဲးလၢအအိၣ်ဒီး တၢ်ယူးယီၣ်ပာ်ကဲနၤတဖၣ်, ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကမၤဟးဂီၤကွံာ် ပှၤတဖၣ်လၢအမၤဟးဂီၤဟီၣ်ခိၣ်န့ၣ်လီၤ.”

လံာ်လီၣ်ဖျါ 15:1

အန့ၣ်ဝံၤအလီၢ်ခံ, ယထံၣ်ဘၣ်တၢ်လီၤတိၢ်လီၤဆီလၢ ပှၤနၢ်ပၢၢ်အဂ့ၢ်တသ့ဘၣ်အဂၤတမံၤလၢမူကပိာ်လိၤ, လၢအဒိၣ်ဝဲသွါဝဲဒီးလီၤကတုၤသးမးတမံၤန့ၣ်လီၤ. ကလူးအိၣ်ဝဲဒၣ်နွံဂၤ, လၢအအိၣ်ဒီးတၢ်နးတၢ်ဖှီၣ်နွံမံၤ, ဒီးမ့ၢ်ဝဲတၢ်နးတၢ်ဖှီၣ်လၢခံကတၢၢ်တဖၣ်, အဂ့ၢ်ဒ်အံၤ, မ့ၢ်ဝဲတၢ်ပာ်ဖျါထီၣ်ကစၢ်ယွၤအတၢ်သးထီၣ်, လၢခံကတၢၢ်န့ၣ်လီၤ.

လံာ်လီၣ်ဖျါ 17:17

အဂ့ၢ်ဒ်အံၤ, ကစၢ်ယွၤပာ်လံတၢ်သးဆူၣ်မၤလၢမၤပှဲၤအဝဲဒၣ်အတၢ်တိာ်ပာ်ခီဖျိအမၤ သကိးတၢ်တပူၤဃီလၢအဝဲသ့ၣ်အသးပူၤ, ဒီးဟ့ၣ်တၢ်ဒူတၢ်ဃိၤတဒုန့ၣ်အဝဲသ့ၣ် အစိကမီၤလၢအကပၢတၢ်တုၤလီၤလၢကစၢ်ယွၤကလုၢ်ကထါ ဟဲလၢထီၣ်ပှဲၤထီၣ်တစုလီၤ.