လံာ်ဒၤနံးယ့လး 8:18 - Sgaw Karen Common Bible

¹⁸ ဖဲအဝဲဒၣ်ကတိၤတၢ်ဒီးယၤအဖၢမုၢ်န့ၣ်, ယလီၤဃံၤလၢဟီၣ်ခိၣ် လိၤသပ့ၤသူၣ်သပ့ၤသးန့ၣ်လီၤ. ဘၣ်ဆၣ်ဒီးအဝဲဝံၢ်ထီၣ်က့ၤယၤဒီးဒုးဆၢထၢၣ်က့ၤယၤလၢယခီၣ်အလိၤ,

လံာ်ဒၤနံးယ့လး 8:18 Iomraidhean Croise

လံာ်တၢ်ကဲထီၣ်အခီၣ်ထံး 15:12

ဒီးဖဲမုၢ်လီၤနုာ်အကတီၢ်န့ၣ်စီၤအၤဘြၣ်မံဘၣ်အသးတုၤအနၢ် လီၤယိာ်ဝဲဒီးတၢ်ပျံၤတၢ်ဖုးဖးဒိၣ်လီၤဘၣ်လၢအလိၤန့ၣ်လီၤ.

လံာ်စီၤယိၤဘး 4:13

ဒီးဒ်တၢ်မံမီၢ်ပျီၢ်သီအၢအသိးမၤတံာ်တာ်ယတၢ်မံန့ၣ်လီၤ.

လံာ်ယဃ့းစက့လး 2:2

ဖဲတၢ်ကလုၢ်ကတိၤဒံးတၢ်အဖၢမုၢ်န့ၣ်, ကစၢ်ယွၤအသးဟဲနုာ်လၢ ယပူၤဒီးဒုးဆၢထၢၣ်ယၤလၢယခီၣ်ဒီးယနၢ်ဟူတၢ်ကလုၢ်သီၣ်စံး ဝဲ,

လံာ်ဒၤနံးယ့လး 10:16

အန့ၣ်ဝံၤဒီး, မူခိၣ်ကလူးလၢအလီၤဂာ်ဒီးပှၤကညီ တဂၤန့ၣ်ယူာ်ဃီၤအစုဒီးထိးဘၣ်ယနိးဖံးတဖၣ်လီၤ. ဒီးယစံးဘၣ်အီၤ, “တၢ်ဒိၣ်ဧၢ, တၢ်ထံၣ်လၢညါခီအံၤမၤစၢ် လီၤယဂံၢ်ယဘါတုၤဒၣ်လဲာ်ယကနိးကစုာ်တကတၢၢ်ဘၣ်လီၤ.

လံာ်ဒၤနံးယ့လး 10:18

မၤကဒီးတစု, အဝဲထိးဘၣ်ယၤဒီးယဂံၢ်ယဘါဆူၣ်ထီၣ်ဝဲလီၤ.

လံာ်ဒၤနံးယ့လး 8:17

မူခိၣ်ကလူးကၤဘြံၤ အ့လးဟဲဒီးဆၢထၢၣ်တ့ၢ်ဝဲဖဲယကပၤ, ဒီးယပျံၤတၢ်ဒိၣ်ဒိၣ်ကလဲာ်တုၤယလီၤဃံၤဆူဟီၣ်ခိၣ်လိၤအီ ထီလာ်န့ၣ်လီၤ. ဒီးစံးဘၣ်ယၤ, “ပှၤဟီၣ်ခိၣ်ဖိဧၢ, နၢ်ပၢၢ်တၢ်အခီပညီတက့ၢ်. တၢ်ထံၣ်လၢညါခီအံၤမ့ၢ်တၢ်ကမၤ အသးဘၣ်ဃးဟီၣ်ခိၣ်အကတၢၢ်န့ၣ်လီၤ.”

လံာ်ဒၤနံးယ့လး 8:27

ဒီးယဲဒၣ်စီၤဒၤနံးယ့လးအံၤ, ယသးလီၤဘှါဒီးယဆူးယဆါ တ့ၢ်တဘျုးသီန့ၣ်လီၤ. အန့ၣ်ဝံၤဒီးယဆၢထၢၣ်ဒီးက့ၤကဒါ က့ၤဆူတၢ်မၤလၢစီၤပၤဟ့ၣ်မူဟ့ၣ်ဒါယၤန့ၣ်လီၤ. ဘၣ်ဆၣ်ဒီးယသးအိၣ်တတုၤလီၤတတီၤဘၣ်လၢတၢ်ထံၣ်လၢ ညါခီလၢတၢ်နၢ်ပၢၢ်အီၤတသ့ဘၣ်အဃိန့ၣ်လီၤ.

လံာ်စကၤရယၤ 4:1

ဒီးကလူးလၢအကတိၤတ့ၢ်တၢ်ဒီးယၤန့ၣ်ဟဲကဒီး, ဒီးထိၣ်ဂဲၤထီၣ်ယၤဒ်ပှၤလၢအမံဘၣ်အသးအသိးန့ၣ်လီၤ.

လံာ်လူၤကၣ် 22:45

ဖဲအဝဲဒၣ်ဃ့ဘါထုကဖၣ်တၢ်ဝံၤ, ဂဲၤဆၢထၢၣ်ဒီးက့ၤက့ၤဆူအပျဲၢ်အဘီၣ်တဖၣ်အအိၣ်န့ၣ်, ထံၣ်ဝဲလၢအမံဘၣ်အသး, မ့ၢ်လၢအလီၤဘှံးလီၤတီၤလၢအတၢ်သူၣ်အုးသးအုးအဃိလီၤ.

လံာ်လူၤကၣ် 9:32

စီၤပ့းတရူးဒီးအတံၤသကိးတဖၣ်အိၣ်လၢတၢ်မံယိာ်အပူၤ, ဘၣ်ဆၣ်အဝဲသ့ၣ်ပၢၢ်ထီၣ်ဒီးထံၣ်ယ့ၣ်ၡူးအလၤကပီၤ ဒီးပှၤခံဂၤလၢအအိၣ်ဆၢထၢၣ်ဒီးယ့ၣ်ၡူးန့ၣ်လီၤ.

မၤတၢ် 26:6

မ့ၢ်လၢယအိၣ်ဒီးတၢ်မုၢ်လၢ်လၢတၢ်စံးပာ်လၢကစၢ်ယွၤဟ့ၣ် လီၤတ့ၢ်ပမိၢ်ပၢ်ဖံဖုလၢပျၢၤတဖၣ်အဃိ, ခဲကနံၣ်အံၤယဆၢထၢၣ်ယဲဖဲအံၤလၢတၢ်သမံသမိးယၤအဂီၢ်လီၤ.

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”