လံာ်ဒၤနံးယ့လး 8:16 - Sgaw Karen Common Bible

¹⁶ ဒီးယနၢ်ဟူဘၣ်တၢ်ကလုၢ်ကိးစိဃီၤလၢအူလဲၤအထံကျိဖး ဒိၣ်ဒီးစံးဝဲဒၣ်, “ကၤဘြံၤအ့လးဧၢ, တဲဖျါထီၣ်အီၤတၢ်လၢအထံၣ်ဘၣ် တ့ၢ်ဝဲတဖၣ်အခီပညီတက့ၢ်.”

လံာ်ဒၤနံးယ့လး 8:16 Iomraidhean Croise

လံာ်ဒၤနံးယ့လး 10:14

ယဟဲတ့ၢ်ယဲဒ်သိးယကတဲနၢ်ပၢၢ်နၤလၢတၢ်ကမၤအသးဒီး နပှၤဂီၢ်မုၢ်လၢခါဆူညါအဂ့ၢ်န့ၣ်လီၤ. အအံၤမ့ၢ်တၢ်ထံၣ်လၢညါခီဘၣ်ဃးဒီးခါဆူညါအဂ့ၢ်န့ၣ်လီၤ.”

လံာ်ဒၤနံးယ့လး 10:21

ပှၤလၢအကမၤစၢၤယၤန့ၣ်မ့တမ့ၢ်ဘၣ်ကလူးလၢအပၢၤအံၣ်စရ့လး, မံၤက့လးဘၣ်ဒီး, ပှၤတအိၣ်ဘၣ်နီတဂၤဘၣ်.

လံာ်ဒၤနံးယ့လး 7:16

ယလဲၤဃီၤဆူပှၤဆၢထၢၣ်ဖဲအလီၢ်န့ၣ်တဖၣ်အကျါတဂၤ အအိၣ်ဒီးယသံကွၢ်အီၤတၢ်မ့ၢ်တၢ်တီဘၣ်ဃးဒီးတၢ်ခဲလၢာ် အံၤန့ၣ်လီၤ. မၤသးဒ်န့ၣ်ဒီး, အဝဲတဲဘၣ်ယၤလၢတၢ်ဂ့ၢ်တဖၣ် န့ၣ်အခီပညီန့ၣ်လီၤ.

လံာ်ဒၤနံးယ့လး 8:2

လၢတၢ်ထံၣ်လၢညါခီအံၤအပူၤယထံၣ်လီၤက့ၤယသးသတူၢ် ကလာ်လၢယအိၣ်လၢကီၢ်ဧ့ၤလၣ်အဝ့ၢ်ခိၣ်ဝ့ၢ်ၡူၡၣ်အပူၤန့ၣ်လီၤ. ယဆၢထၢၣ်တ့ၢ်ဖဲထံကျိဖးဒိၣ်အူလဲၤအကၢၢ်နံၤန့ၣ်လီၤ.

လံာ်စကၤရယၤ 1:9

ယသံကွၢ်အီၤ, “တၢ်ဒိၣ်ဧၢ, ကသ့ၣ်တဖၣ်အံၤအခီပညီ မ့ၢ်တၢ်မနုၤလဲၣ်.” အဝဲစံးဆၢဝဲ, “ယကဒုးနဲၣ်နၤအဝဲသ့ၣ်အခီပညီမ့ၢ်တၢ်မနုၤလဲၣ်န့ၣ်လီၤ.

လံာ်စကၤရယၤ 2:4

ကလူးအခီၣ်ထံးတဂၤတဲဘၣ်အဂၤတဂၤ, “ဃ့ၢ်ဒီးလဲၤတဲဘၣ်ပှၤသးစၢ်လၢအအိၣ်ဒီးနီၣ်ထိၣ်ပျံၤန့ၣ် လၢပှၤဂီၢ်မုၢ်ဒီးဆၣ်ဖိကီၢ်ဖိကအိၣ်ဝဲဒၣ်လၢဝ့ၢ်ယရူၤၡလ့ၣ် အပူၤဂီၢ်မုၢ်ဂီၢ်ပၤတုၤဒၣ်လဲာ်ဝ့ၢ်န့ၣ်ကဒိၣ်ကဲာ်ဆိးလၢ ကအိၣ်ဒီးအခိၣ်ဒူတဖၣ်လီၤ.

လံာ်လူၤကၣ် 1:19

“ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

လံာ်လူၤကၣ် 1:26

ဖဲနီၢ်အ့းလံၤစါဘ့းအိၣ်ဒီးအဟုးအသးပှဲၤထီၣ်ဃုလါတလါန့ၣ်, ယွၤဆှၢလီၤကလူးကၤဘြံၤအ့လး ဆူဝ့ၢ်တဖျၢၣ်လၢအမံၤမ့ၢ်နစၤရ့း အိၣ်ဝဲဖဲကီၢ်ကၤလံၤလါန့ၣ်လီၤ.

မၤတၢ် 10:13

တၢ်အကလုၢ်သီၣ်ထီၣ်ဒီးစံးဘၣ်အီၤ, “စီၤပ့းတရူးဧၢ, ဂဲၤဆၢထၢၣ်ဒီးမၤသံတၢ်ဒီးအီၣ်တၢ်တက့ၢ်.”

မၤတၢ် 9:7

ပှၤလၢအလဲၤသကိးတၢ်ဒီးစီၤစီလူးတဖၣ်န့ၣ်, မ့ၢ်လၢအနၢ်ဟူတၢ်ကလုၢ်သီၣ်ဘၣ်ဆၣ်ဒီးတထံၣ်ပှၤနီ တဂၤဘၣ်အဃိ, ဆၢထၢၣ်အိၣ်ဘှီၣ်ကလာ်လၢတၢ်သးကတုၤ အပူၤန့ၣ်လီၤ.

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

လံာ်လီၣ်ဖျါ 1:12

ယဃၣ်တရံးယသးဒ်သိးယကထံၣ်ဘၣ်ပှၤလၢအကတိၤ တၢ်ဒီးယၤတဂၤ, ဒီးယထံၣ်မ့ၣ်အူဒၢထူနွံဖျၢၣ်,

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”