လံာ်ဒၤနံးယ့လး 8:15 - Sgaw Karen Common Bible

¹⁵ ဖဲယကျဲးစၢးတ့ၢ်ဒ်သိးယကနၢ်ပၢၢ် တၢ်ထံၣ်လၢညါခီအံၤအခီပညီ မ့ၢ်တၢ်ဒ်လဲၣ်အခါန့ၣ်ပှၤတဂၤဆၢထၢၣ်လၢယမဲာ်ညါသတူၢ် ကလာ်န့ၣ်လီၤ.

လံာ်ဒၤနံးယ့လး 8:15 Iomraidhean Croise

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ဒၤနံးယ့လး 10:16

အန့ၣ်ဝံၤဒီး, မူခိၣ်ကလူးလၢအလီၤဂာ်ဒီးပှၤကညီ တဂၤန့ၣ်ယူာ်ဃီၤအစုဒီးထိးဘၣ်ယနိးဖံးတဖၣ်လီၤ. ဒီးယစံးဘၣ်အီၤ, “တၢ်ဒိၣ်ဧၢ, တၢ်ထံၣ်လၢညါခီအံၤမၤစၢ် လီၤယဂံၢ်ယဘါတုၤဒၣ်လဲာ်ယကနိးကစုာ်တကတၢၢ်ဘၣ်လီၤ.

လံာ်ဒၤနံးယ့လး 10:18

မၤကဒီးတစု, အဝဲထိးဘၣ်ယၤဒီးယဂံၢ်ယဘါဆူၣ်ထီၣ်ဝဲလီၤ.

လံာ်ဒၤနံးယ့လး 10:5

ယကွၢ်ထီၣ်ဒီးယထံၣ်တ့ၢ်ပှၤတဂၤသိးဆ့ဖှီဝါကဆှၣ်တဖၣ်အိၣ်ဒီးယီၢ် တကိးထူဂ့ၤဂ့ၤတဘိန့ၣ်လီၤ.

လံာ်ဒၤနံးယ့လး 12:8

ယနၢ်ဟူတ့ၢ်တၢ်လၢအစံးဝဲတဖၣ်လီၤ. ဘၣ်ဆၣ်ဒီးယတနၢ် ပၢၢ်အီၤဘၣ်. ဒီးယသံကွၢ်, “တၢ်ဒိၣ်ဧၢ, တၢ်ခဲလၢာ်န့ၣ် ကကတၢၢ်ဝဲဒ်လဲၣ်.”

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်ဒၤနံးယ့လး 7:28

အဝဲအံၤမ့ၢ်တၢ်ဂ့ၢ်အကတၢၢ်န့ၣ်လီၤ. ယပျံၤတ့ၢ်တၢ်ဒိၣ်ဒိၣ် ကလဲာ်တုၤယမဲာ်လီၤဝါန့ၣ်လီၤ. ဒီးယပၢၤဃးတၢ်မၤ အသးခဲလၢာ်အဂ့ၢ်လၢယသးကံၢ်ပူၤန့ၣ်လီၤ.

လံာ်ဒၤနံးယ့လး 8:1

“လၢစီၤပၤဘ့ၤလၡါစၢ်ပၢတၢ်သၢနံၣ်တနံၣ်န့ၣ်ယထံၣ်တ့ၢ် တၢ်လၢညါခီခံမံၤတမံၤန့ၣ်လီၤ.

လံာ်ဒၤနံးယ့လး 8:19

ဒီးစံးဝဲဒၣ်, “ယကဒုးနဲၣ်နၤတၢ်လၢကစၢ်ယွၤ အတၢ်သးဒိၣ်အကတၢၢ်ကမ့ၢ်တၢ်ဒ်လဲၣ်န့ၣ်လီၤ. တၢ်ထံၣ်လၢညါခီပာ်ဖျါတၢ်အကတၢၢ်အဆၢကတီၢ်န့ၣ်လီၤ.

လံာ်စကၤရယၤ 1:9

ယသံကွၢ်အီၤ, “တၢ်ဒိၣ်ဧၢ, ကသ့ၣ်တဖၣ်အံၤအခီပညီ မ့ၢ်တၢ်မနုၤလဲၣ်.” အဝဲစံးဆၢဝဲ, “ယကဒုးနဲၣ်နၤအဝဲသ့ၣ်အခီပညီမ့ၢ်တၢ်မနုၤလဲၣ်န့ၣ်လီၤ.

လံာ်မးသဲ 13:36

တုၤနုၤတစုယ့ၣ်ၡူးဟးဖးဒီးပှၤဂီၢ်မုၢ်ဒီးက့ၤဝဲဆူဟံၣ်ပူၤန့ၣ်လီၤ. အပျဲၢ်အဘီၣ်တဖၣ်လဲၤဆူအအိၣ် ဒီးစံးဘၣ်အီၤ, “တဲဖျါန့ၢ်ပှၤလၢတၢ်ကတိၤဒိဘၣ်ဃးဒီး နီၣ်စံစၣ်လၢပျီပူၤအခီပညီတက့ၢ်.”

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.

လံာ်မၢ်ကူး 4:12

လၢတၢ်န့ၣ်အဃိအဝဲသ့ၣ်ကကွၢ်ဝံၤကကွၢ်က့ၤကဒီး, ဘၣ်ဆၣ် တထံၣ်ဝဲဘၣ်. အဝဲသ့ၣ်ကကနၣ်ဝံၤကနၣ်က့ၤကဒီး, ဘၣ်ဆၣ်တနၢ်ပၢၢ်ဝဲဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ထံၣ်ဒီးနၢ်ပၢၢ်ဝဲတခီကဃၣ်က့ၤ အသးဆူကစၢ်ယွၤအအိၣ်, ဒီးအဝဲဒၣ်ကပျၢ်ကွံာ်အတၢ်သရူး အတၢ်ကမၣ်လီၤ.”

လံာ်စီၤယိၤၡူ 5:14

အဝဲစံးဆၢဝဲ, “တမ့ၢ်ဘၣ်. ယဟဲယဲဒ်ယွၤအသုးမုၢ်အခိၣ်တဂၤအသိးန့ၣ်လီၤ.” စီၤယိၤၡူထိၣ်လီၤပှီၤအသးလၢဟီၣ်ခိၣ်လိၤဒီးဘူၣ်ထီၣ်ဘါထီၣ် အီၤဒီးစံး, “ယမ့ၢ်နကုၢ်နပှၤလီၤကစၢ်ဧၢ, နသးအိၣ်လၢယကမၤတၢ်မနုၤလဲၣ်.”

လံာ်လီၣ်ဖျါ 1:13

ဒီးလၢအဝဲသ့ၣ်တဖၣ်အသိးအကျါန့ၣ်, ပှၤအိၣ်ဝဲတဂၤလၢအလီၤဂာ်ဒီးပှၤကညီတဂၤ, ကူသိးဆ့ကၤဖးထီတဘ့ၣ်လၢအလီၤတုၤလၢအခီၣ် ထံး, ဒီးကံၢ်တူာ်ယီၢ်တကိးထူလၢအသးနါပှၢ်န့ၣ်လီၤ.

လံာ်လီၣ်ဖျါ 13:18

လၢအဝဲအံၤအဂ့ၢ်န့ၣ်တၢ်ကူၣ်သ့အလီၢ်အိၣ်ဝဲဒၣ်လီၤ. ကယဲၢ်ပှၤလၢအအိၣ်ဒီးတၢ်ကူၣ်ဘၣ်ဖးသ့န့ၣ်ကွၢ်ဆိ ကမိၣ်ထိၣ်တဲာ်ကွၢ်တၢ်ဒူတၢ်ဃိၤအနီၣ်ဂံၢ်တမံၤအံၤ အခီပညီသ့ဝဲလီၤ. အဂ့ၢ်ဒ်အံၤ, နီၣ်ဂံၢ်အံၤပာ်ဖျါထီၣ်ပှၤတဂၤ အမံၤလီၤ. အဝဲအနီၣ်ဂံၢ်မ့ၢ်ဝဲ ၆၆၆ န့ၣ်လီၤ.