လံာ်ဒၤနံးယ့လး 8:14 - Sgaw Karen Common Bible

¹⁴ ယနၢ်ဟူဘၣ်ကလူးအဂၤတဂၤစံးဆၢတၢ်, “ကမၤဒံးအသး ဆူညါမုၢ်ဟါမုၢ်ဂီၤခံကထိသၢကယၤ, အကတီၢ်ဖဲတၢ်လုၢ်မ့ၣ်အူတဘၣ်တၢ်လုၢ်ထီၣ်ဘၣ်အီၤန့ၣ်လီၤ. အန့ၣ်ဝံၤဒီးတၢ်လုၢ်ဟံၣ်ကဘၣ်တၢ်မၤန့ၢ်ကဒါက့ၤအီၤန့ၣ်လီၤ.”

လံာ်ဒၤနံးယ့လး 8:14 Iomraidhean Croise

လံာ်တၢ်ကဲထီၣ်အခီၣ်ထံး 1:5

ဒီးတၢ်ကပီၤန့ၣ်ယုၢ်ဝဲအမံၤလၢမုၢ်နံၤ, ဒီးတၢ်ခံးန့ၣ်ယုၢ်ဝဲအမံၤလၢမုၢ်နၤန့ၣ်လီၤ. မုၢ်ဟါပူၤကွံာ်ဝဲ ဒီးမုၢ်ဂီၤဟဲဝဲ, တၢ်န့ၣ်မ့ၢ်မုၢ်နံၤအခီၣ်ထံးကတၢၢ်တနံၤလီၤ.

လံာ်ယၡါယၤ 1:27

မ့ၢ်လၢယွၤတီဝဲလိၤဝဲအဃိဒီး, အဝဲကအုၣ်က့ၤခီၣ်က့ၤဝ့ၢ်ယ ရူၤၡလ့ၣ်ဒီးပှၤအိၣ်ဖဲန့ၣ်ကိးဂၤဒဲးလၢအပီၢ်ယၢ်လီၤက့ၤအသးလီၤ.

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ဒၤနံးယ့လး 12:11

“စးထီၣ်လၢတၢ်လုၢ်တၢ်ပာ်ကိးနံၤဒဲးတဖၣ်ဆိကတီၢ်အသးန့ၣ်, ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ် ဘၣ်တၢ်ပာ်ထီၣ်အီၤန့ၣ်မုၢ်နံၤတဖၣ်ကပူၤကွံာ်ဝဲအနံၤတကထိ ခံကယၤခွံဆံန့ၣ်လီၤ.

လံာ်ဒၤနံးယ့လး 12:12

ပှၤလၢအသူၣ်တီသးလိၤတုၤအနံၤတကထိသၢကယၤသၢ ဆံယဲၢ်န့ၣ်ဘၣ်ဆိၣ်ဂ့ၤဝဲလီၤ.

လံာ်ဒၤနံးယ့လး 12:7

မူခိၣ်ကလူးန့ၣ်ယူာ်ထီၣ်အစုခံခီလိာ်ဆူမူခိၣ်ဒီးမၤတၢ်အၢၣ်လီၤ အီလီၤလၢကစၢ်ယွၤလၢအမူဝဲလီၤထူလီၤယိာ်တဂၤအမံၤန့ၣ်လီၤ. ယနၢ်ဟူအဝဲဒၣ်စံး, “တၢ်န့ၣ်ကမ့ၢ်သၢနံၣ်ဃုလါန့ၣ်လီၤ. ဖဲတၢ်မၤအၢမၤနးကစၢ်ယွၤအပှၤဂီၢ်မုၢ်ဝံၤဝဲန့ၣ်, တၢ်ခဲလၢာ် အံၤကလၢထီၣ်ပှဲၤထီၣ်ဝဲဒၣ်န့ၣ်လီၤ.”

လံာ်ဒၤနံးယ့လး 7:25

အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

လံာ်ဒၤနံးယ့လး 8:26

တၢ်ထံၣ်လၢညါခီဘၣ်ဃးတၢ်လုၢ်တၢ်ပာ်တဖၣ်လၢမုၢ်ဟါ ဒီးမုၢ်ဂီၤအကတီၢ်တဖၣ်, လၢအဘၣ်တၢ်တဲဖျါထီၣ်အီၤဆူ နအိၣ်န့ၣ်ကလၢထီၣ်ပှဲၤထီၣ်ဝဲဒၣ်လီၤ. ဘၣ်ဆၣ်ဒီးတၢ်ဂ့ၢ်အံၤပာ်ခူသူၣ်အီၤခဲအံၤတက့ၢ်. အဂ့ၢ်ဒ်အံၤ, တချုးအလၢထီၣ်ပှဲၤထီၣ်ဒံးဘၣ်ဒီးတၢ်ဆၢကတီၢ်ယံာ်ဒံးဝဲလီၤ.”

ကလၤတံ 3:8

တၢ်ကွဲးအသးပာ်ဖျါထီၣ်ဆိပာ်စၢၤလၢကစၢ်ယွၤကမၤလိၤ မၤဘၣ်က့ၤပှၤကလုာ်ဂၤတဖၣ်ဒီးအကစၢ်ဒၣ်ဝဲခီဖျိတၢ်စူၢ် တၢ်နာ်န့ၣ်လီၤ. လၢတၢ်န့ၣ်အဃိ, တၢ်ကွဲးအသးဘိးဘၣ်သ့ၣ်ညါတၢ်သးခုကစီၣ်ဆူစီၤအၤဘြၤဟၣ် အအိၣ်ဒီးစံးဝဲ, “ခီဖျိနၤန့ၣ်, ကစၢ်ယွၤကဆိၣ်ဂ့ၤပှၤဟီၣ်ခိၣ်ဖိ ခဲလၢာ်လီၤ” (ကဲထီၣ် ၁၂:၃).

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 12:14

ဘၣ်ဆၣ်ဒီး, ပိာ်မုၣ်ဘၣ်တၢ်ဟ့ၣ်အီၤလံာ်ကြီကြာ်ဖးဒိၣ် အဒံးဆ့ခံဘ့ၣ်ဒ်သိးအကယူၤကွံာ်ဆူအလီၢ်အိၣ်လီၢ်ဆိးလၢ ပှၢ်မုၢ်ကနၢ, ဖဲအဝဲဒၣ်ကဘၣ်တၢ်အံးထွဲကွၢ်ထွဲအီၤလၢသၢနံၣ် တခီအတီၢ်ပူၤ, ပူၤပူၤဖျဲးဖျဲးဒီးပယိၤန့ၣ်လီၤ.

လံာ်လီၣ်ဖျါ 13:5

တၢ်ဒူတၢ်ဃိၤန့ၣ်ဘၣ်တၢ်ဟ့ၣ်အီၤအခွဲးလၢအကကတိၤပာ်ဖျါ ထီၣ်အသးလၢတၢ်သးကဖၢလၢအပူၤအိၣ်ဒီးတၢ်ဒုၣ်ဒွဲၣ်မၤတရီ တပါကစၢ်ယွၤ, ဒီးတၢ်ဟ့ၣ်အီၤအခွဲးလၢကအိၣ်ဒီးတၢ်စိတၢ် ကမီၤလၢလွံၢ်ဆံခံလါအတီၢ်ပူၤန့ၣ်လီၤ.